استشارة مطلوبة من السيدات خاصا والرجال عاما

**moody_687** · 18-05-2014 03:17 PM

دلوقتي انا حضرت حفلة تخرج بنت خالتي وشوفت هناك بنوتة فالحفلة
وقلت ف عقل بالي ان اكيد بنت خالتى تعرفها بما انهم تجارة انجلش والعدد صغير وبالفعل دخلت ع جروب الدفعة ع الفيس وجيبت اسمها وسئلت بنت خالتى عليها طلعت للاسف متعرفهاش ولا تعرف حتى اصحابها
المهم بعتلها مسج ع الفيس وحكيتلها انى شوفتها ف الحفلة وكده بس مقولتلهاش انى عايز اتعرف عليها عشان اتقدملها عشان مترسمش عليا المهم ردت عليا ع الفيس وكلمتنى ومش ادتنى وش وده طبعا اثار اعجابي اكتر بيها
حاليا انا عارف هى شغالة فين وبصراحة عايز اتقدملها بس خايف اترفض وحابب انى اتعرف عليها قبل انى اتقدملها عشان حاسس ان مستوى المعيشي اللي هي فيه حاسس انه اعلى مني بس انا مش عايز اخد بالمظاهر فعشان كده عايز اتعرف عليها الاول
وبصراحة مش عارف اعمل ايه ؟؟؟ فحضرتك كأمرأة تنصحيني اعمل ايه
وكرجل حضرتك تعمل ايه ف موقف زى ده ؟

**A.Saad** · 18-05-2014 03:22 PM

بنت خالتك اللى تكلمها
حتى لو مش عارفها تقولها انها من دفعتها وحصل كذا
بس ممكن بنت خالتك تتضايق لانك مفكرتش فيها هى !!!!

عامة يفضل ان يكون المستوى المعيشى متقارب علشان ما يحصلش حساسيات خصوصا لو البنت اعلى
بس فيه اهل بيكونوا محترمين ومش بيبصوا على الماديات فقط

**amrelsaqqa** · 18-05-2014 03:26 PM

المشاركة الأصلية كتبت بواسطة a.saad

بس ممكن بنت خالتك تتضايق لانك مفكرتش فيها هى !!!!

انا فعلا كنت مستنى حد يعلق على الجزئية دى بس تقريبا واضح ان في أسر الموضوع ده عادى بالنسبالهم واسر تانية بياخدوه بحساسية شديدة جدا

**moody_687** · 18-05-2014 03:35 PM

بنت خالتى مخطوبة
اما انها تكلمها فانا قولتلها بالفعل وكبرت دماغها او بمعنى اصح ممكن تكون خايفة تتصدر فمش هطلب منها تانى
وبالمناسبة انا عندى اخت واستشيرتها وقالتلى انها تروح مقر عملها وتسئل عليها شخصيا وتدخلها كعميلة وتحاول انها تتصحاب عليها
مش عارف ايه رأيكم ؟؟

**moody_687** · 18-05-2014 03:38 PM

المشاركة الأصلية كتبت بواسطة hazeeeeem

ربنا يوفقك .. وزي ما انت قلت ماتاخدش بالمظاهر .. الزواج بيتطلب حاجات كتير اهم من الشكل والجمال .. واكيد طبعا لو ناوي يبقي تتقدم وتدخل من الباب ودي الطريقه الصحيحه .. بس ممكن تسألها ع التشات الاول .

قبل كده اعجبت ببنت وكلمتها ف مكان عمل وقولتلها عايز نمرة باباكي فرفضت وقالتلى انا معرفكش فمش عايز اتحرج تانى

**ابو لؤى** · 18-05-2014 03:42 PM

فكره اختك دى ممتازه

**الاستاذ** · 18-05-2014 03:54 PM

انت الى تكلمها مينفعش حد تانى ولا اختك ولا بنت خالتك
سيبك من النت والكلام دة لانى محدش بيتعرف على النت وممكن تفتكرك بتشتغلها
انت تحاول تشوف اى فرصة تقف تكلم معاها فيها وتشوف اذا كان ف قبول ولا لا منها ليك

**mahmoud_ali** · 18-05-2014 04:45 PM

طب هوا انت تعرف اصلا هيا مرتبطه ولا لا؟

**a7medsh3rawi** · 18-05-2014 05:04 PM

يا نهار ابيض ... ازاى الواحد ما فكرش فى الحوار دا ؟
اللى عايز يتجوز واحده وناوى يدخل البيت من بابه ... سؤال محير؟

اذا عملت فيها السبع رجاله وكلمتها بكل هدوء وصراحه ..
عندك تلات حاجات:
1- ممكن هتضرب بالقلم وتسيبك وتمشى
2- ممكن تقولك كلمتين (انت ازاى تسمح لنفسك تقف معايا
وانا ما اعرفكش ) وتلم عليك الناس ويعملوا معاك الجلاشه
3- ممكن ما تعبركش اساسا ولا تقف تكلمك

الله يكون فى عونك فعلا وانا بدعيلك ان ربنا يسهلك امورك
ولو لاقيت حل ياريت بعد اذنك تقول لى عليه

-

الموضوع: استشارة مطلوبة من السيدات خاصا والرجال عاما

LinkBack

أدوات الموضوع

عرض

استشارة مطلوبة من السيدات خاصا والرجال عاما - انشر الموضوع فى :

-

-

-

-

-

-

المواضيع المتشابهه

رجل .... والرجال قليل ..... الشيخ عبد الحكيم ( تجربة شخصية غير عادية )

الي خبراء 305 خاصا" والتعديل عامه

سؤال لاهل الخبرة و للاسكندرانية خاصا

رجل .... والرجال قليل ( محمد عمر )

مرسيدس تطرح طرازا خاصا من السيارة CL-AMG

الكلمات الدلالية لهذا الموضوع

المفضلات

المفضلات

ضوابط المشاركة