السلام عليكم ورحمة الله وبركاته
انا متابع للسيارة Byd f3 من حوالى شهر وسمعت عنها كل خير ونزلت بنفسي اتفرج عليها فى معارض السيارات بس لما نزلت اتفرجت على الاوتوماتيك وكان فيها محرك 1600 cc وفتحة سقف وسنسور بارك وكانت بجد حلوة اوى وعجبتنى بس قلت اخد راى الناس قبل ما اشترى مع العلم انا معايا لانسر بطه ناس كتيير قالتلى هتنزل من يابانى وتركب صينى مش هترتاح وناس تانية قالتلى سيارة ممتازة المهم عشان مطولش اخدت القرار انى اشتريها ولما رحت للوكيل فى المنصورة الغد موتورز رجل المبيعات هناك قالى المكنة اتغيرت والاوبشنز اللى فيها اتغير ومعدتش بتنزل بفتحة سقف انا بتكلم عن الاوتوماتيك فرجعت قولت لنفسي طيب استنى بقى عشان انا اصلا اللى شجعنى ليها ان المكنة ميتسوبيشى وكانت مدموغة عليها انما دلوقتى رجل المبيعات بيقولى ان المكنة هوندا سيتى وابص الاقى مكتوب عليها Byd طيب ازاى تانى حاجه فين الاوبشنز اللى زودتوه فيها هو انتوا بتشيلوا اوبشنز ولا بتزودوا المهم الراجل قالى لا اتشال فتحة السقف وخلو الفتيس بتاعها ستيبترونيك وبقى فيها مفتاح بصمة وشالوا كمان حساسات الركن وخلوا الكراسى جلد طبيعى بس انا مش مقتنع قلتله طيب ومشيت لفيت على معارض قالولى انهم هيجبولى السيارة كاملة اوتوماتيك بفتحة سقف بالحساسات بكل الاوبشنز اللى كان موجود فى القديم بس ب 90000 جنيه وهى عند الوكيل ب 86000 طيب اللى انا عاوز اعرفه دلوقتى فعلا هل الكلام ده صح ولا مجرد كلام للبيع وارجوا لو حد عنده معلومات عن مواصفات السيارة الاوتوماتيك يفيدنى عشان السيارة دى داخلة دماغى اوى وزعلت لما اتغيرت
المفضلات