الموضوع: رجاء شرح لأختبارات الكهرباء

المشاركة الأصلية كتبت بواسطة besso

وصلات ايه بالظبط اللى عايز تختبرها؟؟؟؟

محتاج أعرف دوائر ووصلات الكهرباء للسيارة أو بمعنى أدق توصيلات الدرعات النور والأشارة أذاى أختبرها وهل بيدخل على الموجب ولا السالب وكدة لأنى مش فاهمها لحد دلوقتى ؟
ولو ممكن حضرتك أو حد من الزملاء يفيدنا بشروحات كهرباء السيارت

المشاركة الأصلية كتبت بواسطة besso

فيش النور بيبقى داخلها كهرباء فقط وطرف الارضى بيبقى مربوط فى جسم العربيه
كل طرف رايح للمبه مثلا او اشاره بياخد كهرباء بردو

هاتجيب لمبه بيان(عباره عن لمبه نور صغير اللى هى بدون كعب دى وتربط فيها سلكتين طوال واحده تلمسها ارضى والتانيه تربط فيها دبوس طويل او مفك بسن رفيع علشان تعرف تختبر بيه)

تعمل ايه بقى انت دلوقتى عايز تعرف انهى سلكه اللى بتطلع كهرباء فى فيشه دراع النور

تربط طرف اللمبه فى الارضى اى حته فى جسم العربيه والطرف التانى تربط فيه الدبوس او اى حاجه ليها سن وتفتح كونتاتك وتلمس سلكه سلكه .....السلكه اللى هاتنور معاك دى كهرباء

عرفنا الكهرباء فين عايز تعرف بقى باقى السلوك اللى فى الفيشه رايحين لفين
تفك لمبه البيان بتاعت وتربط طرف فى السلكه اللى بتطلع كهرباء اللى انت لسه مطلعها والطرف التانى تلمس مع كل سلكه فى الفيشه هاتشغل معاك الحاجه بتاعتها سواء بقى نور اشاره عالى واطى وهكذا

أشكر حضرتك جزيل الشكر أنا جربت زى ما حضرتك قولت ولكن لاقيت الكونتاك ساح من جوة مش عارف حصل أيه برغم أنى ما كنتش لفة تكة ولا حاجة

المشاركة الأصلية كتبت بواسطة besso

ساح من جوه؟؟؟؟؟؟ هو كان فيه مشكله قبل كده اصلا؟؟؟؟؟

ممكن تكون حضرتك عملت قفله من غير ماتقصد ؟؟؟؟

لا بالعكس كان شغال كويس بس لما وصلت الفيش وقعدت أجرب فى فيشة سخنت وبعدها ركبت المفتاح بتاع النور العالى والواطى وحصل كدة .
أنا رايح بكرة لكهربائى عشان المشكلة دى يعملها هو لأنى حاسس أنى مش هاوصل لحل .
بس كان نفسى حضرتك تدلنى على كتب أو مراجع أو حضرتك تنفرد فى شرح الكهرباء وتوصيلاتها

المشاركة الأصلية كتبت بواسطة besso

يافندم انا تحت امرك
هحاول اشوفلك مخططات كهرباء للادا

أشكر حضرتك جزيل الشكر والأحترام