الموضوع: استشارة من وحوش التويوتا

المشاركة الأصلية كتبت بواسطة medo_31

قدامي عيون حالتها كويسة وطالب 55 الف شوفتها على النت لكن لسه هشوفها ان شاء الله

ما تستاهلش 55 يا باشا. اللى معايا دى كنا شارينها فى 2006 ب 58 أى نعم العملة ماعادتش قد كده بس مش 55 يعنى بقولك أنا كنت شايفها 43 فبريكة جوه و راشة برا.

انا معروض عليا تويوتا 99 فابريكا جوه وعاملة سمكرة لحتة صدا فى الباب ومجدد العفشة كاملة والتكييف شغال وطبعا 1300 مانيوال وطالب 40000
ايه رايكم ؟ ولو حد يعرف اماكن للكشف على العربية فى مدينة نصر او حتى فى القاهرة عموما ياريت يقولى

المشاركة الأصلية كتبت بواسطة hardmind_doc

انا معروض عليا تويوتا 99 فابريكا جوه وعاملة سمكرة لحتة صدا فى الباب ومجدد العفشة كاملة والتكييف شغال وطبعا 1300 مانيوال وطالب 40000
ايه رايكم ؟ ولو حد يعرف اماكن للكشف على العربية فى مدينة نصر او حتى فى القاهرة عموما ياريت يقولى

لقطة. ما بتتلقاش مانيوال أصلا الا بالعافية. اشتال على طول, و لكن تشوف الأول العفشة اللى جايبها أصلى ولا تايويانى ولا صينى. و الصراحة حتى لو صينى اشتال على 40 ممتاز أوى.
حكاية الصدا دى هى اللى تقلقك, شوف سمكرى معرفة يبص عليها. هو الصدا فى الباب نفسه ولا الحتة اللى بين الباب و الرفرف؟ لأن الحتة دى عرضة للصدا بسهولة لو الكارتيرة فاكة شوية من الرفرف و الاكصدام يعنى احتمال ما يبقوش بتوعها خالص لا مرمة ولا بتاع و هو ده الحال غالبا بدام فبريكة جوة بس, فلازم تشوفها الحكاية دى, و تشوف كمان ورا الكرتيرات اللى ورا لأن دول الاكصدام بيفك منهم بسهولة و لو ما اترفعش تانى بتلاقى برومة ورا الكارتيرة عشان التراب و المياه و الطين و كده.
و لكن مع كل ده, الصراحة 40 ممتاز. أنت لو جبتها 40 و صرفت عليها 5 يبقى لسا برضه لقطة لقطة يعنى. بس أهم حاجة شوف البرومة دى عشان ما تضطرش تعمل حاجة زى نص استيراد ولا الكلام اللى ربنا ما يوريهولك ولا يوريهولنا دا.