قدامي عيون حالتها كويسة وطالب 55 الف شوفتها على النت لكن لسه هشوفها ان شاء الله
عرض للطباعة
انا معروض عليا تويوتا 99 فابريكا جوه وعاملة سمكرة لحتة صدا فى الباب ومجدد العفشة كاملة والتكييف شغال وطبعا 1300 مانيوال وطالب 40000
ايه رايكم ؟ ولو حد يعرف اماكن للكشف على العربية فى مدينة نصر او حتى فى القاهرة عموما ياريت يقولى
لقطة. ما بتتلقاش مانيوال أصلا الا بالعافية. اشتال على طول, و لكن تشوف الأول العفشة اللى جايبها أصلى ولا تايويانى ولا صينى. و الصراحة حتى لو صينى اشتال على 40 ممتاز أوى.
حكاية الصدا دى هى اللى تقلقك, شوف سمكرى معرفة يبص عليها. هو الصدا فى الباب نفسه ولا الحتة اللى بين الباب و الرفرف؟ لأن الحتة دى عرضة للصدا بسهولة لو الكارتيرة فاكة شوية من الرفرف و الاكصدام يعنى احتمال ما يبقوش بتوعها خالص لا مرمة ولا بتاع و هو ده الحال غالبا بدام فبريكة جوة بس, فلازم تشوفها الحكاية دى, و تشوف كمان ورا الكرتيرات اللى ورا لأن دول الاكصدام بيفك منهم بسهولة و لو ما اترفعش تانى بتلاقى برومة ورا الكارتيرة عشان التراب و المياه و الطين و كده.
و لكن مع كل ده, الصراحة 40 ممتاز. أنت لو جبتها 40 و صرفت عليها 5 يبقى لسا برضه لقطة لقطة يعنى. بس أهم حاجة شوف البرومة دى عشان ما تضطرش تعمل حاجة زى نص استيراد ولا الكلام اللى ربنا ما يوريهولك ولا يوريهولنا دا.
اولا شكرا لردك الجميل
العربية فعلا لقطة المشكلة الوحيدة فى الصدا وهى حتة صغير فى القايم بتاع الباب اليمين قدام لان العربية كانت مركونة والراجل شاورلى عليها معمولة مرمة صغيرة كده والعفشة بيقولى انها اصلية كلها والجنوط سبور والدهان بتاعها كويس والصالون فرش جلد نضيف وهارفعها النهاردة ان شاء الله وربنا يعمل الخير
وهى فعلا لقطة لو حالتها مطبوظة