قطع غيار هوندا سيتي 2014

**moos88** · 18-05-2014 07:29 PM

السلام عليكم يا هونداويه

انا ان شاء الله مقدم على شراء هوندا سيتي ... بس قلقان من كام حاجه كده ... وأهمهم قطع الغيار ... عايز اعرف اسعار قطع غيار الهوندا سيتي اللي بيقولو عليها غاليه بس بتعيش غاليه قد ايه
يعني خلينا في الحاجات اللي بتتغير بصفه دوريه زي الفلاتر زيت وبنزين وزي تيل الفرامل أمامي وخلفي
وزي مثلا فانوس ومرايات لو بعد الشر اتخبطت

معلش ف اول لقاء كده برخم بطلبات ...

بس من عشمي يا هونداويه
هتقل شويه بس واسالكو ايه العيوب اللي ف عربيه زي دي غير قطع الغيار ؟؟؟

طولت عليكو يا رجاله ....

سلاااااامووو عليكووووو

**hany63** · 18-05-2014 10:46 PM

بص حضرتك طالما هتركب زيرو تحس ان العربيات كلها قطع غيارها الاستهلاكيه زي تيل و فلاتر و كده سعره واحد تقريبا
و الهوندا بالذات قطع غيارها معمره جدا السيفيك معايا من ٣ سنين و نص كل اللي غيرته تيل امامي و خلفي و فلتر هوا بخلاف الزيت و الفلتر بتاعه و كان تمنهم حوالي ١٢٠٠ جنيه
دوس بقلب جامد

**moos88** · 21-05-2014 04:33 PM

شكرًا للرد يا باشا

**أحمد الديب** · 17-06-2014 01:48 PM

سؤال لو سمحتوا: هي الهوندا سيتي 2014 مفيش في التابلوه بتاعها مؤشر حرارة للموتور؟

**kfarouk** · 17-06-2014 02:27 PM

بالنسبة لمؤشر الحرارة انا معايا العربية ال 2013 مش عارف زي ال 2014 و لا لأ بس عندي في لمبتين للحرارة و ما فيش مؤشر
اللمبة الاولى بتنور ازرق و ده معناه ان العربية لسه باردة في اول دوارتها و التانية فوقيها بتنور احمر لما يكون الموتور سخن و العادي انك تلاقي اللمبتين مش منورين اثناء القيادة العادية و ممكن تراجع دليل المالك في شرح للكلام ده

**El Prince** · 21-06-2014 07:26 PM

هو ليه يا جماعه مفيش تقرير شامل عن السيتى
انا نفسى اجيبها بس قلقان
رجاءاً لو حد يقدر مايبخلش علينا

و يا ريت عناوين مراكز صيانة الوكيل

مع الشكر

**a7m8n** · 22-06-2014 12:07 AM

المشاركة الأصلية كتبت بواسطة el prince

هو ليه يا جماعه مفيش تقرير شامل عن السيتى
انا نفسى اجيبها بس قلقان
رجاءاً لو حد يقدر مايبخلش علينا

و يا ريت عناوين مراكز صيانة الوكيل

مع الشكر

اخوك ايمن ياباشا انا معايا السيتى من 5 سنين موديل 2009 دووس ياباشا بقلب جامد العربيه زى الفل اعتما ديه بشكل مذهل عربيه معدومه المشاكل نهائى وتوكيل محترم للاقصى درجه وهى اصلا مش محتاجه لتوكيل ولا حاجه للانها اصلا عباره عن زيت وفلاتر وخلالاص كفايه انى اقوللك ان العربيه معايا من خمس سنين وعامله دلوقتى 60 الف والحاجه اللى اتغيرت فيها تيل فرامل اللى قدام ودمتم

**El Prince** · 22-06-2014 02:40 PM

المشاركة الأصلية كتبت بواسطة a7m8n

اخوك ايمن ياباشا انا معايا السيتى من 5 سنين موديل 2009 دووس ياباشا بقلب جامد العربيه زى الفل اعتما ديه بشكل مذهل عربيه معدومه المشاكل نهائى وتوكيل محترم للاقصى درجه وهى اصلا مش محتاجه لتوكيل ولا حاجه للانها اصلا عباره عن زيت وفلاتر وخلالاص كفايه انى اقوللك ان العربيه معايا من خمس سنين وعامله دلوقتى 60 الف والحاجه اللى اتغيرت فيها تيل فرامل اللى قدام ودمتم

مشكور يا ايمن بك على الرد

هو الواحد بيكون عاوز ياخد فكرة عن القطع الاستهلاكية الاخرى و اسعارها و ووفرتها
اعتقد بعد فترة و كيلومتر معين العربية لازم هاتحتاج طقم سيور بانواعها و فلاتر بانواعها - تيل فرامل
و الامر مايسلمش مع الواحد و شوارعنا الجميلة كبالن بانواعها - فانوس - شبكة و خلافه .. الخ

وكنت عاوز اعرف بدون تكليف عناوين مراكز الوكيل لصيانتها
علشان انا من جسر السويس :)

مع الشكر و الاحترام