الموضوع: ملاحظاتي البسيطة عن الكروز 2014

المشاركة الأصلية كتبت بواسطة hossam_elwani

زجاج مظلل يعنى غامق درجه واحده بس وبتلاحظها فى الشمس القويه بس فى الظهر زى نظارات الفوتو بلاك كده


ضد الصدأ !! العربيه بامتياز مقاومه للصدأ هو انت فى مصر دى تقفيل كورى !!

يعنى فى الترخيص بيتكتب زجاج مظلل و لا مش بيتجاب سيرته ؟؟ رغم ده اعتقادى من الاول انها متعالجه بس مش مكتوبه فى الاعلان فقولت اسال و اطمئن

المشاركة الأصلية كتبت بواسطة ashouhdy

انتو يا جماعة مش بتاخدوا كلامنا ثقة لية ؟ تكيد مش حنكذب او نضحك عليكم.

العفو يا دكتور و اسف لو الكلام وصلك بالمعنى ده بس الحكايه مش زى ما انت متخيل انى مش واثق فى كلام حضرتك بالعكس , انا داخل فى جدال جامد مع بتاع المبيعات فى منصور - بعد ما احرجته و اقعدت اشرحله يعنى ايه esp اودام الزباين بعد ما كان بيقول فرامل abs بس - هو مصمم انها مش مصفحه و انا باكدله انها مصفحه طبقا لكلام حضرتك . و لما وريته التصفيح من الكبوت تحت الموتور اللى فيه اخرام مدوره قالى لا دى للموتور بس و جابلى الاعلان فى الجورنال و قالى لو موجود كانوا كتبوه فى الاعلان . فانا عاوز الصوره علشان احطها فى عينيه مش اكتر و اثبت ان انا صح و انه بطيخه . عموما اسف مره تانيه للمعنى اللى وصلك و ان شاء الله موافقه البنك توصل بكره و لما استلم هبقى ارفع العربيه مخصوص اصورها و ارجعله

المشاركة الأصلية كتبت بواسطة ashouhdy

ياباشا ولا يهمك والله لنا بهذر معاك :)))))

العربية طبعا معالجة ضد الصدأ دي GM وعربية بايعة اكتر من مليون وحدة علي مستوي العالم واكثر عربية sub compact مبيعا في الولايات المتحدة الامريكية!

بالنسبة للتصفيح ما هو دة ! بيبقي مغطي الموتور بالكامل لحد فرن الشكمان لما ترفعها مش حتشوف غير الشكمان بس هو اللي ماشي تحت العربية الموتور والجيربوكس علية تصفيح

العربيات الغير مصفحة بتنزل تحت تلاقي الموتور مدلدل مستني حد يعاكسة.

بس بيني وبينك كل العربيات اللي ركبتها ماكنتش مصفحة وعمر ما الموتور اتلمس :)))))

الف مبروك عليك وكفاية انك راكب اكثر عربية ناجحة في تاريخ جنرال موتورز كلة GM

بالنسبة للتظليل لا مش بيكتب في الرخصة ولا الورق

يا باشا هزر براحتك احنا اسكندرانيه زى بعض صحيح مش ملاحظ ان معظم الملاك هنا من اسكندريه و تقريبا ال 2013 و 2014 كلهم من اسكندريه
انا مقتنع و عارف ان ده التصفيح من اول ما فتحت الكبوت عرفته و اتاكد منك اكتر بس اعمل ايه بقى للباشا اللى بيبيع العربيه و هو مش عارفها .. فعلا مستوى رجال المبيعات عند منصور تعبان و ربنا يستر من المهندسين و الفنيين فى الورش و ميكنوش بنفس المستوى
التصفيح بيكون زياده امان و خصوصا للى زيى بيسافر كتير و فى الشتاء الطرق الفرعيه بتبقى طينه و بهدله فالتصفيح يمنع الحاحات دى من الوصول للموتور و الحساسات و ربك هو الستار فى الاول و الاخر
يا رب بس موافقه البنك تيجى بكره انا حاجز من يوم 19 و مقدم فى البنك الاهلى بس البنوك الحكومه و الروتين و البطأ بتاع الاجرائات هو اللى ماخرنى لحد دلوقتى . ربنا يستر الواحد خايف العربيه تغلى يبقى كده ال 2% اللى وفرهم فى الفايده هيجى ضعفهم فى زياده السعر