بدأت اشك ان دكتور شهدى واخد العربيه هديه علشان يعملها شعبية:)))))))))
اكبر محب للكروز وشكلنا هنسلط المدام عليك
انا عشت سنتين مع الشارك و11 شهر مع الكروز قيادة الشارك ممتعه عن الكروز والكروز افخم من الشارك الفاضية -دى خبرتى مع الاتنين
عرض للطباعة
يا راجل شعبية اية ... انا قلت اللى لها واللى عليها في الموضوع دة بالذات !
قلت الكنبة الخلفية ضيقة وقلت مفهاش اوبشنز كتير ! كدة يبقي بعملها شعبية
الشارك صوت الموتور كانة قاعد جمبك عالكرسي !
والشنطة يدوبك تاخد 2 هاند باج !
والخامات الداخلية على قدها اووووووى
طب ما تبيع عربيتك و هات شارك تانى انت لية متمسك بيها طالما بتعوم منك على 140 ! انا شاكك ان من ساعة الحادثة بتاعتك و هى متصلحتش صح
و الموضوع مش موضوع حب للكروز ..
الفكرة value for money
عربية بتديك ثبات و كواليتى و موتور المانى وشياكة وفخامةو امان بسعر وهمى دة غير العزل بتاعها مقابل عربيات تانية اغلي منها ب 30 الف عالاقل بتزييق و ترزع في المطبات (فلونس ) او فرامل فى الهوا و ثبات انت وبختك و تقفيل بالطلب (سيراتو )
يبقي طبيعي انى افضلها على عربيات تانية كتير.
انهى حادثة -ربنا يعافينا
انا الحمد لله معملتش حوادث انا غيرت الاكصدام الخلف لما عربيه لبست فيه من ورا وشرخته وعوجت السلاح اللى تحته بس
الحمد لله وربنا يعافينا عربيتى فابريكة وربنا يتم علينا فضله
المشكله ان عربيتى توب لاين كانت نازله فى التوكيل ب 170 الف لحد اخر واحده وفى المعارض اخر السنة نزلت ب 160 الف لما اجى ابيعها هخسر جامد وطبعا يبقى حرام عليا
ثانيا بتعوم مش معناها انها بتجيبي يمين الطريق وشماله ولكن يعنى مش حاسس انها متبته فى الارض زى الشارك وزى اللادا ال 2110 الللى كانت نعايا قبيليها طرت بيها على 180 وقت مطر على طريق شارم لاول مره فى عمرها توصل السرعه دى لان كان اخرى بيها 160 على طريق فايد بس عربيه وزنها فاضية 1550 كيلو لازم تديم ثبات طبعا
انا دايما بحب اطمن وانا سايق خصوصا انى متعود على عربيات الشغل اغلبها امريكى وكبير فى الحجم والسى سى والامطانيات طبعا
يعنى فى واده منهم كانت 5400 سى سى ولما اتحطت فى كوقف فرامل فجائية وهيا على 170 الدت فى الارض متحركتش وطبعا على السرعات ثابته حجر
ده قصدى من بتعوم
وعلى فكره كلامى عن حبك للعربيه مش ذم فى حضرتك لا سمح الله ولكن اشادة بالعلاقة بينكم
طب كدة يبقي اتأكد من زوايا العجل كاملة ... لأن اللى بتقولة دة يا بشمهندس مش طبيعي معقول حسيت اللادا اثبت !
شوف ضغط الهوا و شوف الزوايا ! مستحيل يعنى ! انا ياما سقت وعارف بقولك اية !
دة ملف سيدي جابر اللى الكل بكتيرة بياخدة على 80 او 90 ... انا واخدة على واسع وطالع من كورولا الجديدة على 130 ! وبتاع الكورولا معرفش يزود عالملف وكمان اية دة انا اللى عالواسع !
الحمد لله ... انا فاكرك كتبت زمان في الرابطة حاجة عن عامود ميزان خلفي ... كدة يبقي انا قريت غلط و طلع سلاح
اللى عندك غالبا العجل مفتوح ... بتحصل كتير لو لبست مطب جامد ... وقتها على سرعة تلاقي العربية حتلعب منك لو اخدت ملف او غرزة
من الاخر الكروز دي اتعملت عشان تخدم قضيه في الفئه بتاعتها ...والكلام ده في كل المصانع اللي اتصنعت فيها على مستوى العالم مش بتكلم عن مصر فقط.......العربيه دي اتعملت عشان تبقى متفوقه على اي عربيه من الفئه المتوسطه بتاعتها في "العزل والثبات" وده اللي تفوقت فيه وحققت الارقام العاليه في مبيعتها بسببه
ربنا كريم -هروح بكره باذن الله فيت اند فيكس واشوف رغم انى روحت التوكيل بتاع 6 مرات لحد دلوقتى وكل مره يكشفوا عليها ويقولوا تمام وهى البداية غيروا مساعد امامى شمال وعملوا ضبط زوايا وكان تمام ربنا ييسر ونشوف ايه السبب
بالرغم انى حاطط نيتروجين لكن مش شايف اللى انتو شايفينه من نعومة العفشة والقبات الرهيب ده
لما غيروا المساعد عملوا زرجينة ؟