واحد كسرلي الفانوس الخلفي في استرا 2013 وعندي استفسارات

**amr-osama** · 18-05-2014 08:30 PM

السلام عليكم

زي ما هو موضح في العنوان ركنت تحت البيت دقيقتين بظبط كنت ناسي الشنطه بتاعتي قلت اركنها الدقيقتين دول تحت البيت بدل ما ادخلها الجراج تاني واجي اطلعها رجعت لقيت واحد كاسرلي الفنوس الي ورا شمال زي ما هو باين في الصور كدا ..

[sor2]http://nileup.com/up/uploads/nilemotors_14004335691.jpg[/sor2]

[sor2]http://nileup.com/up/uploads/nilemotors_14004335692.jpg[/sor2]

فانا عايز اعرف هل ممكن ألاقي حد بتاع باغات عده باغه للأسترا ؟؟ يعني مجرد اغير وش الفنوس بس مش الفانوس كله , والفانوس شغال ومفيش حاجه ملموسه من جوه ..
وكنت عايز اعرف سعر الفانوس كام الاصلي و الاستيراد برا التوكيل ..
انا من اسكندريه بس لو في حد عنده وش الفنوس في القاهره مثلا انا ممكن اجيبه من هناك بدل ما اغير الفانوس كله ..

شكرا ..

**m7nsh** · 18-05-2014 08:42 PM

معنديش فكره للاسف بس حبيت اقلك معلش .. قضا اخف من قضا , وان شاء الله بسيطه ..انا عارف الحجات دى بتقفل اليوم ..

**هيثم شحاته** · 18-05-2014 08:54 PM

استاذ عمرو وش الاسترا دة مفيش منه وش جاهز يعنى تشيل القديم وتركب الجديد وخلاص لا دة بينصب يعنى بيتعمل عموله على الفانوس نفسة طبعا مش بيبقى نفس الاصلى ميه فى الميه بس الفروق بين تقفيل المصنع والتقفيل اليدوى يعنى الصب مش كبيرة ودة احسنلك فى حاله عدم رغبتك فى شراء فانوس كامل عشان تستفيد بفرق السعر بين الوش بس وبين الفانوس كامل وفى مقابل دة بتتنازل عن الفروقات اللى بين تقفيل المصنع والتقفيل اليدوى وفى حاله ان الوش اتعمل بحرفية وبخامات عالية وتقفيل كويس حضرتك بتركب وش 75% من الوش الاصلى وكمان بتفوز بفرق السعر بين الوش بس وبين شراءك فانوس كامل مع تحياتى