كلاكيت تانى مرة هحجز السوبر صالون... حد ندمان

**ابو هنا** · 20-05-2014 03:37 PM

الف مبروك على حسم الاختيار

**sasa44** · 20-05-2014 05:15 PM

المشاركة الأصلية كتبت بواسطة ابو هنا

الف مبروك على حسم الاختيار

الله يبارك فيك يا باشا.. ده والله بعد تفكير 3 شهور... الحمد لله

**ibrahimsaad** · 20-05-2014 06:58 PM

مادمت استخرت الله وربنا هداك لاختيارها فلاتلتفت لاراء احد بعد ذلك لانه انا شخصيا قبل شرائها احترت كثيرا ولفيت كل الاقسام حتى هدانى الله واخترتها بعد الاستخاره ولكن بعد ان اشتريتها من كثره كلام الناس بالمنتدى كرهونى فيها لدرجه انى كنت بتلكك لها فى اى مشكله تظهر من المشاكل دى بس الحمد لله ولا مشكله ظهرت معايا من بعدها بقيت اسمع ولااهتم بما يقال

**prs_eg** · 20-05-2014 07:50 PM

المشاركة الأصلية كتبت بواسطة eng.mark

الباكينج سينسور مافيهوش كاميرا .... مجرد شاشة صغيرة بتقولك المسافة و لكن حضرتك ممكن تركب كاميرا تقريبا ب 700 بالشاشة بتاعتها

يعنى الكاميرا بالشاشة ب،700 جنيه - دى فى التوكيل ولا خارج التوكيل .. لأنه اى حاجة تركب خارج التوكيل هتلغى الضمان فورا .. وطبعاً دى لسة جديدة يعنى الضمان مطلوب جدا .. لكن لو فى التوكيل دى تبقى ممتازة .. لأن عندهم دى فى دى بشاشة وكاميرا خلفية وجى بى اس تقريبا ب6000 جنيه

**prs_eg** · 20-05-2014 09:12 PM

المشاركة الأصلية كتبت بواسطة ENG. H@NI

الله ينور عليك
انا عن نفسي استلمتها فوري من اباظة - الاسكندرية
صراحة مش حاسس فيها اي مشاكل خالص
الشكل ده اذواق بس عاجبني جدا
الوسع الداخلي و خاصة الكنبة اللي ورا فعلا ممتازة
و الفرق بين ال ex و السوبر مش كتير مقارنة بالكماليات
و بالنسبة لمقارنتها بغيرها في الفئة السعرية هي تكسب ببساطة ما ينفعش تقارنها بعربية تانية بتعتبر ان امان الراكب كماليات زي الair bags , abs, ebd, ba
مبروك عليك و بعدين بص علي الانتشار
شكرا

اسمحلى اختلف مع حضرتك فى موضوع الكماليات ده بين الex والسوبر صالون لأننى شايف الفرق كتير ومنها حاجات مينفعش تغيرها بعد كده

التكييف التاتش .. وامكانية التحم فى درجة الحرارة بالدرجة غير شكله بصراحة مخلى العربية من الداخل زى عربيات من فئة اعلى.

الزجاج الفاميه .. طبعا ده المفروض مضاف على الرخصة زجاج ملون يعنى محدش يقدر يتكلم فيه بالاضافة لفايدته خاصة فى الجو الحر ده.

الجنوط الاسبور .. دى لوحدها الفرق بينها وبين العادية فى التوكيل حوالى 5000 جنيه .. وطبعا
بالإضافة لفايدتها فى ثبات العربية وتهوية التيل والطنابير اكثر من الجنوط العادية غير شكلها.

العدادات الرياضية .. ودى لوحدها مغيرة شكل التابلوه جدا .. وده اكتر حاجة بتشوفها طول ما انت سايق العربية ...... بالإضافة لميزة مهمة جدااااااا ... مؤشر الحرارة .. الex مافيهاش مؤشر للحرارة فيها لمبة بتنور لما العربية تسخن فوق الطبيعي .. يعنى استنى لما العربية تسخن جدا علشان اعرف انها سخنة.

المرايات الضم ... يعنى اوبشن وخلاص بدل ما تلف حوالين العربية تقفل المرايات

التارة المالتى فانكشن والبلوتوث .. انا شايف انه مهم مش بس للرد على المكالمات أثناء القيادة ، لأ كمن لأنه بيعوض نقص الusb فى كاسيت العربية .. يعنى لو عاوز تشغل حاجة من الموبايل على الكاسيت ممكن بالبلوتوث.

غير الفروقات التانية فى نواكل الأبواب والتابلوه وعصاية الفتيس .. ودى بصراحة مغيرة الشكل من جوة وبتكسر شوية الشكل البلاستيكي الغريب للعربية من جوة.
وكمان الاسبويلر الخلفى والمراية الموجودة فى الشماسة اللى بجوار السائق والمقابض الموجودة اعلى الأبواب الخلفية من الداخل. يعنى ده مجرد راى وفى الحالتين زى ما حضرتك قلت انا شايف انها عربية تستاهل تمنها.

**ENG. H@NI** · 20-05-2014 09:55 PM

المشاركة الأصلية كتبت بواسطة prs_eg

اسمحلى اختلف مع حضرتك فى موضوع الكماليات ده بين الex والسوبر صالون لأننى شايف الفرق كتير ومنها حاجات مينفعش تغيرها بعد كده

التكييف التاتش .. وامكانية التحم فى درجة الحرارة بالدرجة غير شكله بصراحة مخلى العربية من الداخل زى عربيات من فئة اعلى.

الزجاج الفاميه .. طبعا ده المفروض مضاف على الرخصة زجاج ملون يعنى محدش يقدر يتكلم فيه بالاضافة لفايدته خاصة فى الجو الحر ده.

الجنوط الاسبور .. دى لوحدها الفرق بينها وبين العادية فى التوكيل حوالى 5000 جنيه .. وطبعا
بالإضافة لفايدتها فى ثبات العربية وتهوية التيل والطنابير اكثر من الجنوط العادية غير شكلها.

العدادات الرياضية .. ودى لوحدها مغيرة شكل التابلوه جدا .. وده اكتر حاجة بتشوفها طول ما انت سايق العربية ...... بالإضافة لميزة مهمة جدااااااا ... مؤشر الحرارة .. الex مافيهاش مؤشر للحرارة فيها لمبة بتنور لما العربية تسخن فوق الطبيعي .. يعنى استنى لما العربية تسخن جدا علشان اعرف انها سخنة.

المرايات الضم ... يعنى اوبشن وخلاص بدل ما تلف حوالين العربية تقفل المرايات

التارة المالتى فانكشن والبلوتوث .. انا شايف انه مهم مش بس للرد على المكالمات أثناء القيادة ، لأ كمن لأنه بيعوض نقص الusb فى كاسيت العربية .. يعنى لو عاوز تشغل حاجة من الموبايل على الكاسيت ممكن بالبلوتوث.

غير الفروقات التانية فى نواكل الأبواب والتابلوه وعصاية الفتيس .. ودى بصراحة مغيرة الشكل من جوة وبتكسر شوية الشكل البلاستيكي الغريب للعربية من جوة.
وكمان الاسبويلر الخلفى والمراية الموجودة فى الشماسة اللى بجوار السائق والمقابض الموجودة اعلى الأبواب الخلفية من الداخل. يعنى ده مجرد راى وفى الحالتين زى ما حضرتك قلت انا شايف انها عربية تستاهل تمنها.

انا اقصد ان فرق الفلوس مش كتير مقارنة بالكماليات اللي حتاخدها