الفاجر ده هينزل في 2016..يا تري ايه مصيره !!
Volkswagen introduced new 10 – speed DSG gearbox | Best Auto News
عرض للطباعة
الفاجر ده هينزل في 2016..يا تري ايه مصيره !!
Volkswagen introduced new 10 – speed DSG gearbox | Best Auto News
هو احنا لقيين حل لل7 سرعات لما حنحب ال10 سرعات :d
انا شايف انه هيكون فتيس فاشل عشان بسبب بلدنا الحبيبه و الزحمه ومعتقدش هينجح فمصر
يا جدعان خلي عندكو تفاؤل ( تفائلوا بالخير تجيدو ) طب ما الكورولا 2014 9 سرعات مفهوش حاجه و اساسا ال dsg 7 سرعات المشاكل خفت شويه لكن لم تتلاشه و خليكو فاكرين ان الdsg 6 سرعات مفهوش حاجه
كورولا كام !!! مين فين إيه إزاي !!اقتباس:
المشاركة الأصلية كتبت بواسطة bona rag
الكورولا الجديدة فتيس cvt وعاملين فيه افتكاسة كده عشان يرضوا الزبون..لما تقلبها ستيبترونيك بيوهمك إنك عندك أكتر من سبع نقلات وهما في الواقع نقلة واحدة .. بس لما الـ rpm يقرب علي الـ red zone بيروح نازل سيكا قال يعني بينقل ويرجع تاني...مجرد برمجة مش أكتر.
ياريت والله يكون كويس وخلي بالك ممكن يكون نزل في الأودي السنه دي بس طبعا موديلات عاليه وياريت تكون الأودي تدخلت في تطويره مايسيبوهوش لبهايم الفولكس علشان يبقى حاجه كويسه وترجع الفولكس لمكانها اللي اتاكل
يا جماعه فولكس رجعت بجداره ف الخليج من 2012 ... احنا هنا بس قاعدين معقدين الدنيا
مش فاهم قصدك بالظبط ازاى الار بي ام ينزل ويرجع برمجة مش اكتر ، لو حصل كدة على نفس النقلة العربية هتهدى مش هتجمع ؟اقتباس:
المشاركة الأصلية كتبت بواسطة inspiron
الـ CVT معروف انه ترس مخروطى بيديك عدد لا نهائى من النقلات طول مانت بتتحرك على المخروط حركة بسيطة بالتدريج مع زيادة السرعة ، بحيث يفضل الار بي ام ثابت والسرعة تزيد
http://www.autozine.org/technical_sc...xtroid_cvt.jpg
بس ممكن التحكم في النقل بتاعه بحيث تكبر الوقت بين كل نقلة والتانية بمعنى انك تثبت نقل الحركة عند حتة معينة من المخروط وبعدين تعمل شفت مرة واحدة على مستوى اعلى ( مش بالتدريج ) فيديك فعلا احساس انهم 9 نقلات
ومش هيبقى احساس فيك ومش نقلة واحدة ولا حاجة ؟ اه هو كدة كدة مفيش ترس مخصص لكل نقلة والموضوع بيتم التحكم فيه برمجيا فعلا بحيث بدل ما سطح المخروط ده مثلا بيديك بالتدريج 40 نقلة هيديك 9 بس ويحسسك بالتسارع وترددات الموتور كلها ، بس هيبقى كأنهم 9 نقلات منفصلين فعلا في الاحساس وكل حاجة
انا شايف الفكرة دى حلوة في الـ CVT بتاع تويوتا (مع انى اول مرة اعرفها دلوقتى) هتخليه يجمع بين كل الميزات والاوضاع ، للناس اللى بتتخنق من CVT زيي
فكدة معاك استبترونيك وبالنسب اللى انت عايزها (ممكن بعد كدة يخليك تتحكم انت عايز كام نقلة بالظبط ) في نفس الوقت معاه الـ CVT بمميزاته في الهدوء وتوفير البنزين وعزم الطلعة اللى على قد ما العربية عايزة بالظبط،
فاضل بس يتشال منه محول العزم ويتحط دسك واسطوانة الكترونى بحيث يبقى فائق سرعة النقل والاداء مع بعض ، وساعتها هيحط على الـ DSG في كل حاجة :D
حضرتك انت لو تجرب dsg 7 خياااالي انا بستخدم المانويل مود وبوصل الاول لسرعه 50 و سرعه التاني بوصلها ل 80 و الرابع بوصله 120اقتباس:
المشاركة الأصلية كتبت بواسطة amrelsaqqa
معتقدش اي فتيس يعرف يحط ع dsg7
Dsg7 ممتاز ف الهدوء والتوفير ولما بمشي براحه ودايس خفيف تلاقي النقلات بتنقل بدري اوي عشان توفر بنزين يعني لو ماشي 80 ودايس خفيف هتلاقي غيار العربيه علي 7 يعني الموتور مريح اوي اوي اوي
لو دايس متوسط بتلاقي العربيه ف سرعه 80 هتلاقيها ع الغيار الخامس او السادس
لو دايس ع الاخر يعني كيك داون هتلاقي سرعه 80 ع الغيار التاني قبل الريد زون بسنه صغيره
يعني عربيه اقتصايه جدا وحسب دوسك ليها
انا عارف ان الـ DSG اسطورة ووهمى فعلا في سرعة النقلة وفي القوة وكل حاجة واسرع من المانيوال العادى نفسه ( بينقل في اجزاء من الالف من الثانية ! )اقتباس:
المشاركة الأصلية كتبت بواسطة Mohamedjetta
الفكرة بس في اعتماديته وعمليته لو اتظبطت والمشاكل كلها اتحلت نهائى وثبتت على كدة فترة من الزمن هيبقى طفرة حقيقية في علم نقل الحركة وساعتها فولكس ممكن تبيعه لمصنعين اخرين وياكلوا عيش حلو اوى ع الموضوع ده ، الفكرة مش في التكنولوجيا وبس ، لازم تبقى تكنولوجيا بتعيش ومش مكلفة ومش معقدة اكتر من اللازم ، هو ده الـ Engineering اصلا انك تستغل الموارد المتاحة افضل استغلال وبأعلى كفاءة وتفضل التكلفة في المعقول ، زي ما بقوا يعملوا مواتير 1100 سي سي و 100 حصان مثلا ، وزي ما انتل بقت تعمل بروسسورات متطورة جدا واستهلاكها للطاقة قليل جدا ومش بتسخن ومش بتخلص البطارية .. وهكذا ..
كلام حضرتك جميل ويؤيد فكرة إن موضوع التسع نقلات ده اشتغالة :)اقتباس:
المشاركة الأصلية كتبت بواسطة amrelsaqqa
ثانيا مفيش أي فتيس يحط علي ال dsg غير فتيس واحد بسسس ZF 8 speeds بتاع البي إم واللي هو عندي في عربيتي.ده اللي فعلا فتيس ( شرس )
بص يا باشا هي المشاكل اتحلت بنسبه 97% و المشاكل اكترها ف مصر عشان الزحمه و الناس بتستخدم الفتيس غلطاقتباس:
المشاركة الأصلية كتبت بواسطة amrelsaqqa
مفروض ف الزحمه نراعي الفتيس ونجيبه مانويل و ف الاشارات نجيب n ومش بيغيرو زيت الفتيس ف ميعاده انا اعرف ناس صحاب بابا ميعرفوش ان زيت الفتيس بيتغير ع 60 الف :( و فيه بتسترخص الزيت وبتجيب الزيت مش اصلي
لاسف الناس ف مصر بتجيب d وتمشي وخلاص و ف الاخر بيشتكو ان الكلتشات اتغيرت بدري او الفالف بدي عاوز يتغير
انا والدي معاه جيتا dsg7 وماشيه 103 الف ومشاء الله عسل
ما شاء الله ربنا يباركاقتباس:
المشاركة الأصلية كتبت بواسطة Mohamedjetta
يعنى الموضوع كله اسلوب سواقة وعشان نمط سواقة مصر
ومجرد انى احط الفتيس على المانيوال مود وفي الزحمة اثبته على الاول مثلا ، لحد ما الدنيا تفتح ده كفيل انه يمنع كل مشاكل الـ DSG ؟
بالاضافة للصيانة الدورية وتغيير الزيت في الميعاد اللى برضه مش عارف لها حاجة ، مرة يقولك lifetime ومرة يقولك يتغير ومرة يقولك ما تحطش تخليقى وحط معدنى ؟!
عامة لو هى مشكلة متابعة وتغيير زيت والمانيوال مود في الزحمة يحل المشكلة كدة ممكن جدا احط الفولكس في اعتباراتى للـ next car ان شاء الله :D :D
بس حد يضمنلى الموضوع ده برقبته :D
ههههههههههههههه انا مريح دماغي وبودي العربيه لتوكيل وبيعيشوا فيييها بس وقت صيانه 60 الف كنت ف مصر و الوالد ف سلطنه عمان واتصلت بيه قولتله زيت الفتيس اتغير قالي اه ..... اما حكايه تخليقي ومعدني معرفش عن الموضوع ده اي حاجه لان العربيه بتروح التوكيل وبقولهم اللي محتاج يتغير غيروه واعملوهاقتباس:
المشاركة الأصلية كتبت بواسطة amrelsaqqa
بص حكايه انك تسيب العربيه علي الاول والتاني هينمع تغير الكلتشات ف وقت بدري يعني هتغيرها ع 100 الف
بص اما حكايه الفتيس يطول معاك دي مش ضامنها فيه ناس بتقولي عشان انت عايش ف الخليج ومفيش زحمه ودايما بتمشوا ف طرق سريعه
والمدير بتاع فولكس واسكودا و اودي اللي ف سلطنه عمان اكدلي ان مفيش مشاكل ف الفتيس وقالي انا جايب باسات 2012 لو فيها حاجه كنت مشترتهاش وراني العربيه
الصراحه الفولكس انا مش بفكر فيها لان صيانتها عاليه اوي وانا انشاء الله اخر الشهر الجاي هجيب النترا 2010 هاي لاين
لو انت قد سيرفسها وتصليحها يبقي توكل ع الله
يا حضرات الكلام واضح ان الفتيس الجديد هيكون للمحركات اللي عزمها 250 Nm وانت طالع !!
و علشان الموتور 1.4 tsi بيطلع حوالي 200 NM
و علشان الموتور 2.0 tsi بيطلع حوالي 380 NM
يبقي الاكيد ان الفتيس ده مش هينزل مصر في اي عربية STOCK :019F3B~14:
لكن لو طلبت الموتور TSI 2.0 ساعتها بس هتشوفه و طبعا الشريحة الجمركية هتخلي تمن العربية يسافر .
تحياتي
هي دي ممكن تنزل هنا
اشك !