فردة الكاوتش بترصص ب 5 جنيه
وظبط الزوايا بيتكلف 20 جنيه تقريباً يعنى كله حيبقى فى حدود 40 جنيه
عرض للطباعة
تمام يعنى انا العربيه عامله ٢٨٠٠ اعمل الحجات دى دلوقتى
ولا لسه شويه وعاوزة اوضح نقطه انا استهلاكى للعربيه مرفهه جدا
يمكن مبمشيش بيها ساعه ف اليوم
ايه المطلوب منى صيانه انا على طول باخد بالى من المايه لما تقل
ازودها بالمايه الخضرا دى
وبشوف زيت الفرامل وقولت لو قل هزوده والزيت بقيسه
فى حاجه تانى اعملها
فيه صيانة 5000 كيلو لما تقربى توصلى ليها نقولك على اللى بيتعمل فيها بالظبط بإذن الله
لكن موضوع تزويد زيت الفرامل لو نقص ده مش صح ... الزيت لو نقص يبقى تيل الفرامل تأكل ومحتاج يتغيير ونقص الزيت هو مؤشر على تأكل تيل الفرامل وأعتقد إن لسه بدرى على تأكل تيل الفرامل ...
يا جماعه هو فعلا الزيت اللي بيتغير علي5000 كيلو ده فعلا بيتغير علي5000كيلو ويستحمل فعلا المسافة دي كلها ولا دي اشاعات اصل فيه واحد بيقولي المفروض تغير زيت كل 1000 كيلو واتخن زيت بيبقي5000 وبيتغير علي3000 مش عارف ده حقيقي ولا هو مش فاهم
مفيش حاجة إسمه زيت بيقعد 5000 كيلو وزيت يقعد 1000 عشان كده مش مكتوب على عبوات الزيت عدد الكيلوات اللى المفروض يتغير عليها الزيت ... الأرقام دى متوسطات إجتهادية من الناس
الزيت بيتغير لما تتغير خواصه وتغير خواص الزيت بتعتمد أساساً على عدة عوامل ... حالة الموتور .. الأتربة .. حالة الطريق .. وأهم عامل طريقة سواقتك إنت ( يعنى لو ظروف القيادة عنيفة حتحتاج تغير زيت بشكل أسرع ) وفيه موضوع ممتاز ححاول أدور ليك عليها بتكلم فى النقطة دى ...
الزيت يتغير لما يفقد لزوجته أو يتحرق ويتحول إلى اللون الأسود ممكن الكلام ده يحصل معاك بعد 2000 كيلو ويحصل مع غيرك على 7000 كيلو
عشان كده بنقول إن الناس تتابع الزيت مش مجرد إنه يشوفه ناقص ولا معياره مظبوط ... لازم تاخد نقطة زيت بين صوابعك وتباعد بين صوابعك وتشوف العرق بتاع الزيت ( اللزوجة ) هل هى نفسها أول ما حطيته ولا بقى خفيف بيسيل زي الميه وتشوف لونه هل لسه فيه لون بنى ولا بقى أسود غطيس ( زيت محروق ) ومع الوقت حتتعلم وتتعود
أنا أقصد إن زيت الفرامل لو نقص يبقى ندور على السبب قبل ما نزود لآنه المفروض مش بينقص ومش بيحصل ليه تبخر زى زيت الموتور ... يعنى لو لقتيه ناقص يبقى التيل تأكل أو فيه تسريب نعالج المشكلة الأول وبعد كده نزود الزيت ...http://www.nilemotors.net/Nile/418521-a.html
وبالنسبة لزيت الفتيس هو كمان مش بيحصل فيه تبخر زى زيت الموتور وبيتراجع عليه بس على فترات طويلة مش زى زيت المحرك ومش بيتزود هو كمان لآنه لو ناقص يبقى فيه تسريب ويتعالج الأول .. وأقرى الموضوع ده