ستارة للزجاج الخلفى لـٍ 301

**abohend** · 20-05-2014 09:46 PM

المشاركة الأصلية كتبت بواسطة mohamed_301

جبتها من محل جنب سعيد نصار (سموحه - عزبه سعد ) الاسكندرية
والستاره الخلفيه ب 55 والبابين ب 55 جنيه وطبعا يا ابو هند ممكن اجى معاك لو احتاجتنى اكيد مش هتأخر عليك
وبالنسبه للمرور انا كنت لسه معدى على لجنه النهاردة فى المنشية (مباحث مش مرور) ومحدش كلمنى وعديت عادى وانا شايف انها عادى عشان لو اتكلم معاك ابقى شيلهم وان شاء الله خير يعنى بس هى بتحمى من الشمس جدا
انت هتروح تدفع جزء من المبلغ 50 جنيه وهو معاه مقاسات ال 301 مش هياخد المقاسات وبعد يومين تروح تستلم وتدفع الباقى ونسيت اقولك حاجة
قوله انا عايز افتح الازاز وهى راكبه عشان هو قالى ماتفتحش الازاز قولتله اتصرف انا لازم افتح الازاز قالى خلاص هعملك كلبسات
خليه يعملك كلبسات عشان تبقى براحتك
واى استفسار تانى انا فى الخدمه :))

ربنا ميحرمناش من ذوقك يا أبو أسكندر
المحل جمب سعيد نصار على طول و لا بعده بشوية
و يا ريت لو تقولي اسم الراجل عشان أسأل عليه على طول
بس إزاي بتفتح الإزاز و هي راكبة؟؟!!يا ريت لو صور توضح
تحياتي

**Mohamed_301** · 20-05-2014 09:57 PM

المشاركة الأصلية كتبت بواسطة abohend

ربنا ميحرمناش من ذوقك يا أبو أسكندر
المحل جمب سعيد نصار على طول و لا بعده بشوية
و يا ريت لو تقولي اسم الراجل عشان أسأل عليه على طول
بس إزاي بتفتح الإزاز و هي راكبة؟؟!!يا ريت لو صور توضح
تحياتي

ربنا يخليك
لا جنب سعيد نصار على طول لازق فيه هتلاقيه على يمين سعيد نصار
وبصراحه انا ماعرفش اسمه بس معايا رقمه ممكن ابعتهولك على الخاص
وان شاء الله لما انزل هصورها وانزلها هنا ويارب افتكر
ولتانى مره والله مش عزومه مركبيه ممكن اقابل حضرتك هناك ونروحله ونتفق معاه ويوم ما تستلم كمان هقابلك وهخليه يعملك الكلبسات عشان تفتح الازاز وتقفله براحتك خالص ومش هتقع ماتقلقش وممكن ابعتلك رقمى على الخاص ولما تروح تقولى وهكون هناك فى الوقت اللى نتفق عليه ونتعرف على شخصيه محترمه زى حضرتك كمان