الموضوع: مثبت سرعة

المشاركة الأصلية كتبت بواسطة Mohamed_abdo

انا ممكن افكه عند كهربائى النهاردة وابلغك لو عايز
على فكرة انا معايا كاسيت بتاع الماتريكس اللى بعتها بفيشة واحدة لو عايزه

بس ليه كهربائى ؟؟ الموضوع مش مستاهل كهربائى خالص على فكره
الفك سهل جدا
كاسيت الماتريكس عامل ازاى ؟؟ فيه usb ؟؟؟ ما تصوره كام صوره كده

لسه مكلم الكهربائى و قالى انه لازم يشوف الطاره الأول علشان يعرف اذا كان المثبت هينفع ولا لأ و سألته على حد فالحرفيين قالى هيكلم واحد يعرفه و يسأله على حد معرفه فالحرافيين و هيرد عليا يوم الأثنين ان شاء الله
لو عايز ممكن اشوف لو الكهربائى فاضى يجى معانا يوم الثلاثاء

اسف برضه على التاخير بس غصب عنى والله ياريت نقضيها تليفونات افضل لانى بقعد على النت للساعة 5.30 وبعد كده مفيش نت

المشاركة الأصلية كتبت بواسطة msobhy

بسم الله الرحمن الرحيم
سيادتى انستى سادتى السلام عليكم ورحمة الله وبركاته ونحيكم ونقدم لكم احلى لعب هايعملوه النجوم
نفس عميق - انت يا ابنى يا اللى فاتح موقع سكلانس اقفله وركز معايا

فى البدايه اعتذر على انى مردتش بالليل لأنى تقريبا مخلص شغل الساعه 2 بعد منتصف الليل

بالاضافه ان شيكو باشا مسبليش حاجه اقولها وفعلا شكرا جدا على الصور الرائعه
محمد باشا اسمحلى انى هاحبطك شويه - مش هانعمل الشغل كله فى يوم واحد

نبدء نقسم الشغل حته حته
اولا الطاره
لازم تاخد القرار من دلوقتى واسمحلى انى هاحط نفسى مكانك
هل هاتاخد الطاره كامله بتاعة ال i30 وتركبها عندك ولا هاناخد الزراير والسبرينج اللى هيه قاعدة الطاره وتركبها عندك - وأكيد طبعا لازم هاتتاخد بالكابلات بتاعتها اللى بيسموها الشريط
لو مكانك هاقلب الدنيا على طاره i30 وهاركبها لأن شكلها وهمى بجد


ثانيا الطاره هايبقى فيها مثبت سرعه ولا لأ - لو مكانك هايبقى لأ لأننا عايزين نقرأ كتير فى الموضوع ولازم ناخد مثبت السرعه بالكابلات بتاعته بكل حاجته وللعلم المفروض انه يبقى رخيص لأن مفيش حد بياخده - لكن برضو انا مش عايزه - اجيب طاره بتاعت ال i30 اللى الزراير فى الناحيه الشمال للكاسيت والناحيه اليمين للموبايل


ثالثا وش التكييف عندك احتمالين الاحتمال انك تجيب بتاع ال I30 وساعتها هانبقى اتزنقنا زنقة التنين المجنح لا قدر لو حصل حاجه بالاضافه ان زى ما شيكو باشا قال لك اننا فعلا مش عارفين هاتنفع ولا لأ - طيب لييييييييييييه - ما نخلينا فى وش التكييف التاتش بتاع الالنترا اللى انا شايفه جامد جدااااااااااااااااااااااا بشرط اننا نشتريه ومعاه السنسور بتاع الحراره الخارجيه علشان يبقى الشغل على ميه بيضا


رابعا الكاسيت مع احترامى لأراء الجميع الكاسيت اللى بيسموه الوش الكبير أو العريض المفروض كبيره 400 جنيه - والصغير 250 أو 300 جنيه بالكتير أكتر من كده يبقى مصاريف بمصاريف تجيب ال DVD بتاع الالنترا ال 8 inch مش ال7 ولا ال 6 وساعتها استمتع بمنظر ال BMW اللى حضرتك هاتبقى راكبها


خامسا العدادات - قلبت عليها الدنيا رأسا على عقب علشان الاقيها لكن للأسف
المهم لو لاقينا طقم العدادات ده معرفش اذا كان هاينفع مع الكنترول بتاعنا ولا لأ لكن استكمالا للكلام النظرى اللى احنا عمالين نتكلم فيه هانسأل واحنا هناك


طيب هانعمل ايه دلوقتى - المشكله انك مختار يوم قاتل بالنسبه ليه - العك الكروى ده يا باشا محتاج يوم جمعه
لو هاتشوفوا الموضوع عند سوسو اللى فى المريوطيه انا معاكم ومن دلوقتى هايبقى تضيع وقت - المشوار ده محتاج طلعه على الحرفيين ومن الصبح بدرى
محمد باشا هانمشى كالتالى
التركيب تقسم على مرتين
الاولى الطاره والكابلات
الثانيه التكييف والكاسيت

التركيب قدامنا حلين
الاول ان اللى نشترى منه هو اللى يركب وأوقات كتير بيعملوا كده لما بيبقى فيه شغل كتير - أو اى كهربائى شاطر

الثانى وهو ده الحل اللى انا عايزه
توفيرا للفلوس لازم ندور على عربيه لسه متلعبش فيها ونقلعها ملط - اعتقد انى بنسبة 90% الحاجه اللى هاتتفك قدامى هاعرف اركبها تانى وزى الفابريكه بالظبط ان شاء الله
يبقى نشترى حاجتنا كلها من واحد فقط علشان تبقى شروه على بعضها علشان نوفر فى السعر وساعتها هايسبنا نشتغل على راحتنا وساعتها ان شاء الله علشان يبقى فك مره واحده نعمل كله فى مره واحده وبجد انا نفسى فى ده

الطاره بالكابل اعمل حسابك على 800 - 900
وش التكييف معرفش
الكاسيت - مش هانجيبه

ولازم تقرر هاتبيع الحاجه القديمه ولا لأ

أولا : انا عجبانى الدخلة دى اوى
ثانيا : يا صباح الاحباط ليه على يومين انا واخد الثلاثاء بالعافية انا عندى كل يوم شغل حتى الجمعة وانت مشغول يوم الثلاثاء ممكن نأجلها للاسبوع القادم نتفق على يومين اخد فيهم اجازة نبقى متفقين عليهم احنا الثلاثة علشان نبقى مع بعض
ثالثا : انا معنديش مانع اجيب dvd بتاع الالنترا مدام هيبقى احسن
رابعا : انا نفسى فى تكييف تاتش بس مش عارف بتاع الألنترا هيركب عندى ولا لأ
خامسا : برضه معنديش مانع اركب طارة i30 مدام هتركب ده حتى شكلها وهم بس تركب كويس وميكونش شكلها مش متناسق مع العربية
سادسا :هبيع المسجل ل shiko اما الباقى لأ

المشاركة الأصلية كتبت بواسطة msobhy

بسم الله الرحمن الرحيم
سيادتى انستى سادتى السلام عليكم ورحمة الله وبركاته ونحيكم ونقدم لكم احلى لعب هايعملوه النجوم
وعليكم السلام ورحمة الله وبركاته
بالاضافه ان شيكو باشا مسبليش حاجه اقولها وفعلا شكرا جدا على الصور الرائعه

محمد باشا اسمحلى انى هاحبطك شويه - مش هانعمل الشغل كله فى يوم واحد
انا قلت كده - و اسمحلى ازود الأحباط شويه
نبدء نقسم الشغل حته حته
اولا الطاره
لو مكانك هاقلب الدنيا على طاره i30 وهاركبها لأن شكلها وهمى بجد
ثانيا الطاره
اجيب طاره بتاعت ال i30 اللى الزراير فى الناحيه الشمال للكاسيت والناحيه اليمين للموبايل

ثالثا وش التكييف
خلينا فى وش التكييف التاتش بتاع الالنترا اللى انا شايفه جامد جدااااااااااااااااااااااا بشرط اننا نشتريه ومعاه السنسور بتاع الحراره الخارجيه علشان يبقى الشغل على ميه بيضا

رابعا الكاسيت
تجيب ال DVD بتاع الالنترا ال 8 inch مش ال7 ولا ال 6 وساعتها استمتع بمنظر ال BMW اللى حضرتك هاتبقى راكبها
كلام ممتاز بصراحه
لكن ايه الأستفاده من الطاره المالتى اللى فيها تليفون و كاسيت و ممكن متشتغلش على الـ dvd
لازم نتأكد ان الـ dvd بـ support الـ multifunction
طبعا الانواع المحترمه معروف انها بتشغل المالتى (2500 - 3500 جنيه)
الأنواع الصينى اللى بــ 1500 - 1800 مش معروف اذا كان هتشغل المالتى ولا لأ
التكييف التاتش هيشتغل لكن هيبقى ناقص شويه حاجات (بعد بحث طويل على النت) و السنسور الخارجى كان مكتوب ان لازم الداش بورد كلها تتفك علشان يتركب غير ان فيه سنسور تانى فالكمبريسور و دائره التكييف و اعتقد ده صعب نوصله
خامسا العدادات - قلبت عليها الدنيا رأسا على عقب علشان الاقيها لكن للأسف
المهم لو لاقينا طقم العدادات ده معرفش اذا كان هاينفع مع الكنترول بتاعنا ولا لأ لكن استكمالا للكلام النظرى اللى احنا عمالين نتكلم فيه هانسأل واحنا هناك
+111111
المشوار ده محتاج طلعه على الحرفيين ومن الصبح بدرى
+111111

يا شيكو باشا انت فين هنقرر ايام ايه بس لو يوم غير الثلاثاء الاسبوع ده هيبقى الاسبوع اللى جاى بس قولو من دلوقتى علشان اعمل اجازة