سبت العربية 10 دقايق رجعت لقيتها ... !!

انا خلاص هتشل وهيجيلي نقطة :shyy:
اسيب العربية 10 دقايق في مكان فيه ناس عادي
ارجع الاقي المساحة الخلفية مسروقة
الدراع بالريشة بالصامولة كمان

لا واييييييييه اسأل على المساحة بكام !!
الاقيها بــ 510 جنيييييه .. ليييييييييييييييييه :019F3B~14:

ده انا كل يوم بدعى ساعة الفجر على اللي سرق المساحة ده الله يحرقك يا ابو الكباتن ولو شوفت توك توك حاطط مساحة هنزل اكسرهاله ماهو اكيد مش شاري مساحة ب_ 500 جنيه عشان يلزقها على التوك توك .. اكيد مسروقة

وفي نهاية الحوار احب اقول كل واحد يخلي باله من مساحته هو الواحد معاه كام 500 جنيه يعني:36_7_4[1]:

ربنا يعاوضك عنها الحمدلله انها جات على المساحة :)

شعب محتاج ثوره فى الاخلاق وهتلاقى السرقها هيبيعها ب 10 جنيه

اه والله حاجة تجنن بس الحمدلله انها على اد كده بدل ما كان يكسرلي مراية ولا فانوس .. الحمدلله

معلش يا باشا فداك
ممكن اللى عنده مساحة خلفية سهلة الفك يحاول يجيب لها صامولة الانكيه او شكل صعب ولازم له مفتاح مخصوص ( زي فكرة منع سرقة الجنط )
مش عارف حاجة زي كدة متاحة ولا لا بس مجرد فكرة

اقتباس:

---

المشاركة الأصلية كتبت بواسطة amrelsaqqa

معلش يا باشا فداك
ممكن اللى عنده مساحة خلفية سهلة الفك يحاول يجيب لها صامولة الانكيه او شكل صعب ولازم له مفتاح مخصوص ( زي فكرة منع سرقة الجنط )
مش عارف حاجة زي كدة متاحة ولا لا بس مجرد فكرة

---

والله يا باشا فكرة كويسة هشوف لو ممكن اجيب صامولة زي كده

هي عربية حضرتك نوعها ايه اللي مساحتها ب 500 جنيه ؟ أنا لسه شاري مساحتين للفيرنا ب 25 جنيه و حسيت ان الراجل ضحك عليا فيهم :))

اقتباس:

---

المشاركة الأصلية كتبت بواسطة amrelsaqqa

معلش يا باشا فداك
ممكن اللى عنده مساحة خلفية سهلة الفك يحاول يجيب لها صامولة الانكيه او شكل صعب ولازم له مفتاح مخصوص ( زي فكرة منع سرقة الجنط )
مش عارف حاجة زي كدة متاحة ولا لا بس مجرد فكرة

---

ممكن تحط مكانها مساحه صينى رخيصه
الواحد يفك اللوجوهات والمساحات من العربيه وبحطها فى البيت احسن

معلش يا باشا الحمد لله على كل شىء

اقتباس:

---

المشاركة الأصلية كتبت بواسطة A_H_M_A_D

هي عربية حضرتك نوعها ايه اللي مساحتها ب 500 جنيه ؟ أنا لسه شاري مساحتين للفيرنا ب 25 جنيه و حسيت ان الراجل ضحك عليا فيهم :))

---

عربيتي ريو يا فندم اللي اتسرق منها المساحة الخلفية بس المساحة كلهااا مش الريشة او الجلدة دي
لا الدراع بالريشة بكله وكنت فاكرها يوم ما تبقى غالية تبقى ب100 جنيه:shyy:

اقتباس:

---

المشاركة الأصلية كتبت بواسطة sherif mandoor

ممكن تحط مكانها مساحه صينى رخيصه
الواحد يفك اللوجوهات والمساحات من العربيه وبحطها فى البيت احسن

---

والله دورت على مساحة صيني بس مش لاقي للريو خالص ولو لاقيت بتبقى للبيكانتو او الكارينز والراجل مصمم انها هتركب عادي ومش هتبان انها مش بتاعتها وكمان بـ 170 جنيه لو التاجر مش نصاب يعني

اللى خدها م نفس المنطقة روح ويمكن تلاقيها تشتريها منه 50 جنيه وبلاش مشاكل البلد مفهاش قانون ولا حكومة

والله دى حاجه تقرف فعلا
لسه واحد ابن حرام مخربش العربيه النهارده
ناس تموت فى الاذى ربنا ياخدهم

اقتباس:

---

المشاركة الأصلية كتبت بواسطة j a g u a r

والله دى حاجه تقرف فعلا
لسه واحد ابن حرام مخربش العربيه النهارده
ناس تموت فى الاذى ربنا ياخدهم

---

آمين يارب ربنا ياخدهم

فداك يا باشا و الحمد لله انها جات على قد المساحة

لسه واحد معرفة نزل م البيت لقى فردة الكاوتش بالجنط مسروقة
غير اللى نزل لقى الطاسه مسروقة و اللى لقى طبه الجنط مسروقة و اللى لقى
علامة بيجو مسروقة و فى طبعا اللى نزل ملاقاش العربية اصلا

بس كتييييييييير 500 جنية على سعر المساحة :(

يا باشا خد العربية معاك اى مشوار ههههههههه

انت كنت في مدينه نصر ولا ايه ؟ مدينه نصر تقريبا اي عربيه بمساحه خلفيه متشاله انا ببقى رايح مشوار هناك وخايف ارجه ملقيش المساحه واول حاجه بعملها قبل مركب العربيه ببص على المساحه ولزقت الغطا بتاعها بسيلكون وبفكر اشيلها خالص بس بتبوظ شكل العربيه احنا مسكنا عيل صغير جمب البيت عندنا بيشيل علامات العربيات وكده الواد بيبعه بكام بقه الوحده ب 1 جنيه لمحل اكسسوارت تخيل علامه اصليه ب 1 جنيه وللاسف تلاقي التكاتك معلقه علامات بالعبيط وطبعا اصليه اومال يعني هيجيب علامه صيني مثلا هههههه ربنا يخدهم

اكتر حاجه بتتسرق في ام العربيات الجديده هي المساحات والاريال اللي بيتفك بألوظ والعلامات , انا علامة الشيفروليه اتسرقه مني في اللانوس وجبت جوز مضروب ب 15 جنيه زي الحلاوه , ولما اشتريت الاوبترا بردوا اتسرقت العلامات تقريبا نفس الحرامي ههههههه , روحت نفس المحل اشتريت بردوا جوز مضروب من ساعتها الحرامي يضرب عينه كده علي العلامات يلاقيها مضروبه يسيبها ويمشي ,تقريبا مش مكتوب لي امشي بعلامات اصليه , لعنه الله علي الحراميه ولاد التتتتيت

حرامى لكل مواطن ههههههههههه

قدر الله وماشاء فعل ................. هى فعلا حاجه تضايق لعنه الله على كل حرامى ومخرب .

انا بردو اول ما جبت العربية نزلت في يوم برش مياه على الازاز اللي قدام و استنى المساحات تشتغل مفيش حاجة بتشتغل، قلت يمكن انا اللي لسة مصحيتش ... ارش ثاني مفيش ضربت بعيني ملقيتش المساحات ولا الدراعات و لقيت الجوز في التوكيل ب600 جنيه بالريش بتاعتهم

نزلت اشتريتهم استيراد ب300 و ريش ب30 ... و اللي يغيظ بتوع الاستيراد عارفين قيمتها و بيبيعوا بردو بالغالي

اقتباس:

---

المشاركة الأصلية كتبت بواسطة احمد المصرى

شعب محتاج ثوره فى الاخلاق وهتلاقى السرقها هيبيعها ب 10 جنيه

---

لالالالالالالالالالالالال الالالالالالالالالالالالا
يا صديقى العزيز اللى هيسرق عارف ثمنهم

بص خد الموضوعين دول و هتعرف

و متزعلش نفسك هات الاكسسورات صينى و هى مش هتتسرق لانهم عرفين الاصلى من الصينى و عارفين اسعارهم كمان سواء علامات طاسات مريات مساحات وريح دماغك
شوف بقى رجالة سكودا عملوووووووووو ايه فى الموضوعين دول

و فين فى مدينة نصر بقت معروفة

http://www.nilemotors.net/Nile/263124-a.html

http://www.nilemotors.net/Nile/266989-2011.html

http://www.nilemotors.net/Nile/265211-a-2.html

http://www.nilemotors.net/Nile/26790...post3874065312

ربنا يهدى

ربنا يعوض عليك
والحمد لله انها جات على المساحه
والله الواحد مش عارف يعمل ايه
يشيل المساحات والاريال والبدجات
ويمشى بالعربيه قرعه علشان يستريحوا
الامر لله من قبل ومن بعد

المساحة ب500 جنيه
وتلاقي الي خدها فكرها ب 20 جنيه

مساحة اوكتافيا a4 بــ 400ج ومفيش منها لا صينى ولا استيراد

الف شكر للردود والاهتمام يا رجالة المنتدى العزيز ومن الوواضح ان كله دايق من المر ده بزيادة ... اللي مجنني مش انه سرق المساحة بس اللي مدايقني ان الحرامي النتن ده سرق حاجة انا فاكرها رخيصة ولما اكتشفت انها اتسرقت ما ادايقتش اوي على اساس انها رخيصة واسأل عليها الاقيها بـ 500 جنيه في لحظتها قولت يابن الــــــــــــ .... بقا انت تقلبني في 500 جنيه في 10 دقايق وياريتني لاقي الصيني ولا الاستيراد يا اصلي يا انفض لنفسي

بصراحة 500 جنيه كتير قوي على مساحة
وحتلاقيه في الآخر مركبها على توكتوك ، المشكلة إن الناس ممكن تكون كانت شايفاه ومحدش شغل باله
الحمد لله على كل حال

اقتباس:

---

المشاركة الأصلية كتبت بواسطة أبومازن333

بصراحة 500 جنيه كتير قوي على مساحة
وحتلاقيه في الآخر مركبها على توكتوك ، المشكلة إن الناس ممكن تكون كانت شايفاه ومحدش شغل باله
الحمد لله على كل حال

---

ماهو ده اللي غايظني حتة مساحة بـ 500 جنيه ومفيش منها كوبي او صيني للريو
وتلاقيها في الاخر على حتة توكتوك معفن سارقها عشان يتزوق بيها

اقتباس:

---

المشاركة الأصلية كتبت بواسطة ahmed.essam

الف شكر للردود والاهتمام يا رجالة المنتدى العزيز ومن الوواضح ان كله دايق من المر ده بزيادة ... اللي مجنني مش انه سرق المساحة بس اللي مدايقني ان الحرامي النتن ده سرق حاجة انا فاكرها رخيصة ولما اكتشفت انها اتسرقت ما ادايقتش اوي على اساس انها رخيصة واسأل عليها الاقيها بـ 500 جنيه في لحظتها قولت يابن الــــــــــــ .... بقا انت تقلبني في 500 جنيه في 10 دقايق وياريتني لاقي الصيني ولا الاستيراد يا اصلي يا انفض لنفسي

---

لو جبتها اصلى حتكون نفس المشكله انها ممكن تتسرق تانى

اقتباس:

---

المشاركة الأصلية كتبت بواسطة sherif mandoor

لو جبتها اصلى حتكون نفس المشكله انها ممكن تتسرق تانى

---

والله مش عارف بس هحاول ادور على صيني تاني يمكن الاقي .. الرخامة بس ان التاجر بيقولي اه عندي للريو ويجيب بتاعة الكارينز ويصمم يركبها لولا اني عارف شكل المساحة بتاعتي كان ركبها اي حاجة وخلاص

للأسف دلوقتي الواحد لما يسيب العربية في الشارع بيبقى متوقع أي حاجة ، بس ربنا هو اللي بيستر ، ومن غير ستره كنا نضيع

اقتباس:

---

المشاركة الأصلية كتبت بواسطة أبومازن333

للأسف دلوقتي الواحد لما يسيب العربية في الشارع بيبقى متوقع أي حاجة ، بس ربنا هو اللي بيستر ، ومن غير ستره كنا نضيع

---

زميلى فى العمل نزل الصبج يركب عربيته وجد ان واحد عامل حواليها خط بمسمار [ حزام نضافه ] ههههههههه

ومظبطله الشنطه عالاخر