سمعت انه بيغلي علي الناس اللي بتشتري
و سمعت انه مابيديش المخالصة لما بتخلص القسط
لكن يما رحت لقيته شغال و كويس
ارجو الأفادة (من واقع التعامل)
عرض للطباعة
سمعت انه بيغلي علي الناس اللي بتشتري
و سمعت انه مابيديش المخالصة لما بتخلص القسط
لكن يما رحت لقيته شغال و كويس
ارجو الأفادة (من واقع التعامل)
الناس راحت فين دا نص مصر مقسطه عربيتها
أنا خفت أشترى منها ...سعر الجرنال والعروض حاجة والواقع انهم نفس سعر الوكيل حتى لو كاش
ممكن تراجع الموضوع ده وان شاء الله هايفيدك
مسخرة المصرية
انا مردتش اشتري منهم لانهم زي ماسمعمت واتاكدت بنفسي ان معاملتهم مش كويسة خالص وهمهم الاول ياخدو الفلوس الي مع العميل
وفي هنا اكتر من عضو شافو عربيات المصرية وهي بتتسمكر بسبب الحوادث وبتتباع علي انها جديدة
نصابين جدا انا كان هينضحك عليا بس كشفتهم والحمد لله اشتريت من الوكيل
انا أختي اشترت منهم افيو من شهر مارس اللي فات وبعد ماحجزناها 86000جم بكام يوم كدة لقيناها نزلت ألف ونص وخدناها فعلا من المصرية ب 84500 جم من غير مانتكلم وهما اللي قالوا ونزلوا الفلوس & وبيدوا فعلا الهدايا اللي بيقولوا عليها
وبعد حوالي تلات شهور وانا بعمل صيانة الخمسة آلاف اكتشفت ان البطارية اللي في العربية مش بتاعتها وبطارية فيها مياه مش جافة ولقيت كل العربيات اللي في التوكيل فيها البطارية الجافة بتاعة الأفيو والبطارية اللي عندي مبهدلة ومتخربشة وشكلها مبهدل اوي فقالولي في التوكيل ارجع للمعرض اللي شاري منه & ورحت فعلا ودخلت عند مدير المعرض طبعا هما في الأول قعدوا( يشقطوني ) لبعض لحد مادخلت لمدير المعرض وتاني يوم رحتلهم غيروا البطارية من غير اي مشاكل ولا حرقة دم على عكس ماكنت متوقع مع ان مدير المعرض قاللي انت اتأخرت اوي كدا انت جاي بعد كام شهر تقول البطارية مش بتاعة العربية ؟ طبعا الواحد بيروح يدفع التمانين ألف في زيرو عشان مش بفتح الكبوت كذا سنة وانا فعلا مفتحتوش غير يوم صيانة الخمسة آلاف والحمد لله موقفي معاهم عدا على خير ومن غير مشاكل
وسعرهم زي سعر التوكيل يعني أرخص من بقية المعارض بحوالي تلات آلاف جنيه في معظم العربيات
وياريت لو حد بيقول رأيه يكون من واقع تجربة ويحكي اللي حصل
انا بقول انة احسن معرض موجود فى مصر
المصريه بعتبرها معرض بروح اتفرج علي العربيات و ألي تعجبني اجيبها من التوكيل بتاعها
يا اخواننا اكيد فيه حاجه غلط ، شوية بيقولوا عليهم حاجات لو في بلد تانية كانوا اتحبسوا و ناس بتقول عليهم احسن ناس
يا ريت اللي يعلقوا يبقي من واقع خبرة و تعامل معاهم مش مجرد اقاويل
شوف اللينك ده عشان تعرف المصريه علي حقيقتها
http://www.nilemotors.net/Nile/showthread.php?t=22580
ده كلام واحد كان شغال هناك
ربنا يحفظنا منهم