مبيعات كسر الزيرو من بيجو 301

**abohend** · 25-05-2014 11:42 PM

المشاركة الأصلية كتبت بواسطة mahmed0100

انا نفس الوضع استحدام قليل و الزيت حيتغير بعد ٦ شهور .. لكن قالوا ليا لما اغير الزيت بتاع ال 10 الاف .. اقدر امشي بالزيت الجديد لحد 20000 او سنه مش ٦ شهور

كدابين
لازم تعمل الصيانة كل 10000 أو 6 شهور أيهما أقل
الكلام ده مكتوب في الضمان

و أنا متأكد إن الكلام هيتغير لما تروح صيانة ال10000 (و ياخدوا اللي فيه النصيب)
هيقولك الصيانة الجاية كمان 6 شهور أو 20000

**islam.3bada** · 25-05-2014 11:53 PM

انا معاك يا ابو هند , بس تعالا نحسبها من ناحية تانية , ايه البديل الجيد و يكون تكاليف تشغيله اقل ؟!

انا ركبت العربيات اللى فى نفس الفئة مرارا و تكرارا
لاقيت انهم ممكن يكونو فعلا ارخص فى تكاليف التشغيل ( اعتمادا ان ليهم صيانة و قطع غيار خارج التوكيل ) لكن فى المجمل كعربية لعربية لا الاليزيه /301 تتفوق كركوبة و امكانيات

**abohend** · 26-05-2014 12:08 AM

المشاركة الأصلية كتبت بواسطة islam.3bada

انا معاك يا ابو هند , بس تعالا نحسبها من ناحية تانية , ايه البديل الجيد و يكون تكاليف تشغيله اقل ؟!

انا ركبت العربيات اللى فى نفس الفئة مرارا و تكرارا
لاقيت انهم ممكن يكونو فعلا ارخص فى تكاليف التشغيل ( اعتمادا ان ليهم صيانة و قطع غيار خارج التوكيل ) لكن فى المجمل كعربية لعربية لا الاليزيه /301 تتفوق كركوبة و امكانيات

أنا معاك تماما و عشان كده أخترت البيجو و مش ندمان (لأن إستخدامي خفيف)

لكن أنا بتكلم على الإعتمادية بوجه خاص- و الناس اللي إستعمالها تقيل دي أهم نقطة عندها

و لو على البديل في الزيرو يبقى الشارك (و يضحي بالأبشن مقابل الإعتمادية)

أو الياريس (و يضحي بموتور أقوى في مقابل الإعتمادية)

أو يشتري مستعمل و أظن بالمبلغ ده يركب حاجة محترمة أوي

لكن أصحاب الإستخدام العالي لازم يفكر مرة تانية

مجرد رأي

**Naa22** · 26-05-2014 12:25 AM

المشاركة الأصلية كتبت بواسطة abohend

أنا معاك تماما و عشان كده أخترت البيجو و مش ندمان (لأن إستخدامي خفيف)

لكن أنا بتكلم على الإعتمادية بوجه خاص- و الناس اللي إستعمالها تقيل دي أهم نقطة عندها

و لو على البديل في الزيرو يبقى الشارك (و يضحي بالأبشن مقابل الإعتمادية)

أو الياريس (و يضحي بموتور أقوى في مقابل الإعتمادية)

أو يشتري مستعمل و أظن بالمبلغ ده يركب حاجة محترمة أوي

لكن أصحاب الإستخدام العالي لازم يفكر مرة تانية

مجرد رأي

What about Mazda 3?

**islam.3bada** · 26-05-2014 11:22 PM

المشاركة الأصلية كتبت بواسطة abohend

لأن تكاليف التشغيل هتزيد عليك جداً

هتغير تيل و تعمل صيانتين
600+800+800=2200 سنوياً

[/size]

على فرض تنحية مشكلة التيل دى على جنب دلوقت
الصيانة بتتكلف 700 مش 800
ينى لو قانا صيانتين يبقى 1400
مع الوضع فى الاعتبار ان احنا مش مجبرين على تيل التوكيل و انت عارف موضوع تيل الـ 207 و اقتراح هيما بتاع تيل الـ ebc يبقى بقت زيها زى اى عربية غيرها بتغير تيل كل 25000 او 30000

و بالنسبة للصيانة مفيش عربية زيرو النهاردة صيانة الـ 10000 بتاعتها بتتكلف اقل من 650 جنيه يعنى بارقام النهاردة الـ 700 جنيه رقم عادى

المشاركة الأصلية كتبت بواسطة abohend

أنا معاك تماما و عشان كده أخترت البيجو و مش ندمان (لأن إستخدامي خفيف)

لكن أنا بتكلم على الإعتمادية بوجه خاص- و الناس اللي إستعمالها تقيل دي أهم نقطة عندها

و لو على البديل في الزيرو يبقى الشارك (و يضحي بالأبشن مقابل الإعتمادية)

أو الياريس (و يضحي بموتور أقوى في مقابل الإعتمادية)

أو يشتري مستعمل و أظن بالمبلغ ده يركب حاجة محترمة أوي

لكن أصحاب الإستخدام العالي لازم يفكر مرة تانية

مجرد رأي

انا هقولك برضه على رايي , وقت ما اشتريت
انا جبت الاليزيه هاى لاين بـ 130000 وقتها كانت الشارك اول فئة بـ 135000 و دى عربية متتركبش فاضية من كل حاجة تقريبا و اكيد يا ابوهند انت عارف قطع غيارها عاملة ازاى و دايموند موتورز بيتعامل مع العملاء ازاى يعنى كمصاريف تشغيل و توكيل كانت هتبقى مش تمام بالاضافة لفرق السعر

الياريس دى بقى بالذات لا فكرت و لا عمرى هفكر انى اركبها مبطيقهاش الصراحة
ده بالاضافة الى ان ايه اللى يخلينى عشان اركب الهاى لاين ادفع 164000 فى عربية 1300 !!!!!

ده الموضوع من وجهة نظرى .
تحياتى

**abohend** · 27-05-2014 07:51 AM

المشاركة الأصلية كتبت بواسطة islam.3bada

على فرض تنحية مشكلة التيل دى على جنب دلوقت
مينفعش أنحيها لأن التوكيل هيرفض يركب أي قطعة من خارج التوكيل أو حتى قطعة غير بتاعت العربية و أكيد معظم الملاك مش هيضحوا بالضمان و هيركبوا تيل التوكيل مجبرين
الصيانة بتتكلف 700 مش 800
شوف ده
http://www.nilemotors.net/Nile/42151...000-301-a.html
ينى لو قانا صيانتين يبقى 1400
مع الوضع فى الاعتبار ان احنا مش مجبرين على تيل التوكيل و انت عارف موضوع تيل الـ 207 و اقتراح هيما بتاع تيل الـ ebc يبقى بقت زيها زى اى عربية غيرها بتغير تيل كل 25000 او 30000
التوكيل هيرفض يركب أي قطعة خارجية
و لو أي مالك من الملاك نجح إنه يركب تيل غير بتاع الوكيل و ميخرجش من الضمان هعتبر الكلام ده صحيح
لكن حتى الآن كل اللي راح و غير مرة و أتنين و تلاتة مقدرش يركب غير تيل الوكيل
و بالنسبة للصيانة مفيش عربية زيرو النهاردة صيانة الـ 10000 بتاعتها بتتكلف اقل من 650 جنيه يعنى بارقام النهاردة الـ 700 جنيه رقم عادى
لو راجعت الرابط اللي فوق هتلاقي أن صيانة النيو كارينز ب450 جنيه
و على فكرة صيانة الفلوانس 550 جنيه فقط
و الأتنين أغلى بكتيييييييييير من 301

بم تفسر!!!

انا هقولك برضه على رايي , وقت ما اشتريت
انا جبت الاليزيه هاى لاين بـ 130000 وقتها كانت الشارك اول فئة بـ 135000 و دى عربية متتركبش فاضية من كل حاجة تقريبا و اكيد يا ابوهند انت عارف قطع غيارها عاملة ازاى و دايموند موتورز بيتعامل مع العملاء ازاى يعنى كمصاريف تشغيل و توكيل كانت هتبقى مش تمام بالاضافة لفرق السعر
هي دلوقت ب140 ألف
يعني بدأت تداخل مع فئات عربيات أعلى
و الكروز مثلا ب150 (فرق 10000 بس)

إضافة إنك لما تقارن من ناحية الإعتمادية الشارك حاجة و ال301 حاجة تانية خالص

الياريس دى بقى بالذات لا فكرت و لا عمرى هفكر انى اركبها مبطيقهاش الصراحة
ده بالاضافة الى ان ايه اللى يخلينى عشان اركب الهاى لاين ادفع 164000 فى عربية 1300 !!!!!
و جهة نظر
لكن أنا كنت بقارن من ناحية الإعتمادية فقط لأصحاب الأستخدام العالي
ده الموضوع من وجهة نظرى .
تحياتى
تحياتي إليك و أدعو الله أن يبارك فيك و في سيارتك

**فهد المصرى** · 27-05-2014 10:07 AM

بمناسبة الاقتراحات اللى هنا كنت سالت فى التوكيل على موضوع التيل الخارجى ووضحوا ليا ان ممكن يتركب بس مالوش ضمان ولا الطنابير

لو فى حد سال على الموضوع ده ووصل لحاجة ياريت يبلغنى .

واتمنى الناس تتابع فى موضوع الشكوى لو لقوا مشكلة فى التيل او البوجيهات على التوكيل عشان

نقدر فعلا نحل المشكلة .

التوكيل فى وادى واحنا فى وادى لو فضلنا نتكلم هنا بس ومنتكلمش مع الوكيل ونستخدم الطرق القانونية

لحقنا .. احنا بس اللى هنخسر.

انا جربت الموضوع ده فى حاجة خاصة بيا مع قسم الشكاوى مع اى منتج يبقى فيه مشكلة والحمد لله الايام

اثبتت انه لا يضيع حق وراه مطالب .

**Hema_Basha** · 27-05-2014 10:13 AM

المشاركة الأصلية كتبت بواسطة فهد المصرى

بمناسبة الاقتراحات اللى هنا كنت سالت فى التوكيل على موضوع التيل الخارجى ووضحوا ليا ان ممكن يتركب بس مالوش ضمان ولا الطنابير

لو فى حد سال على الموضوع ده ووصل لحاجة ياريت يبلغنى .

واتمنى الناس تتابع فى موضوع الشكوى لو لقوا مشكلة فى التيل او البوجيهات على التوكيل عشان

نقدر فعلا نحل المشكلة .

التوكيل فى وادى واحنا فى وادى لو فضلنا نتكلم هنا بس ومنتكلمش مع الوكيل ونستخدم الطرق القانونية

لحقنا .. احنا بس اللى هنخسر.

انا جربت الموضوع ده فى حاجة خاصة بيا مع قسم الشكاوى مع اى منتج يبقى فيه مشكلة والحمد لله الايام

اثبتت انه لا يضيع حق وراه مطالب .

حلو الكلام بس ايه هو ضمان التيل عندهم اذا كان اللي بيخلص معاه بدري يقولوا سوء استخدام ولما غيروهولي اول مرة في الضمان تاني مرة دفعت تمنه ليه

**islam.3bada** · 27-05-2014 01:44 PM

انا دفعت 700 فى صيانة الـ 10000 مش 800
انا مكنتش اعرف اسعار صيانة الكارينز و الفلونس الصراحة !!!

موضوع التيل ده , التوكيل مش بمزاجه يرفض لان دى قطعة استهلاكية لا تؤثر على العربية فى شئ اخره يقولى ان التيل و الطنابير هيخرجو من الضمان
وده طبعا ولا يفرق معايا فى اى شئ طالما هركب تيل كويس و يعيش و هيحافظلى على الطنابير
انا لسه متكلمتش معاهم فى التوكيل فى قصة التيل دى بس مش معنى ان المهندس قالى لا و مينفعش ان الف وشى و امشى !! ان هركب التيل اللى يعجبنى غصب عنهم و ميقدرش يجيى ناحية الضمان

الله المستعان يا ابو هند , بس انا حقى هاخده منهم ان شاء الله
بالنسبة لموضوع المصنعيات انا قولتلهم عليه لما اتصلو بيا يعرفو رأيى بعد الصيانة و ان شاء الله يجيب نتيجة لو اكتر من واحد اتكلم

**ahmedalian** · 27-05-2014 03:02 PM

أنا بشكر كل إخوتي الكرام على مشاركاتهم اللي فعلا أفادتني في اتخاذ القرار، والحقيقة إني توصلت للإفادات التالية من زملائي هنا:

1. البيجو أقل اعتمادية من الميتسوبيشي والنيسان.
2. فيه مشكلة قطع غيار لأن التوكيل متحكم فيها، نفس قصة أوتوموتيف. وانا زهقت من أوتوموتيف من سنين.
3. من ملاحظة خارج المنتدى، صديق ليا أفاد إن صاجها مش بالقوة اللي تحميه، وإنه بيتأثر بسرعة، وشاهد بنفسه حادثة بسيطة لكن نتج عنها أضرار بليغة.
4. تكاليف الصيانة أيضا، وليس قطع الغيار فقط عالية.

الحقيقة انا بقالي فترة عاوز اغير العربية وفكرت لما جبت جاز حرفيا، وتايه بين البيجو والنيسان السوبر صالون والميتسوبيشي وحتى الجيلي الصيني فكرت فيها لكن مشكلتها الفتيس العادة اللي غبور واخده مسألة حياة أو موت.

وسبب البوست ده اساسا إني كنت استبعدت الميتسوبيشي لأسباب منها سعر العربية اللي هو سرقة عيني عينك، يعني البوما ب 131 وصلت ل 148 للون النبيتي في المعارض والابيض خالص ب 140، برضه قطع الغيار، وحقيقة ان عفشتها 1300 مش 1600، الشارك برضه جربتها لقيت نفسي متكربس على بعضي والعربيتين ماحسيتش إني مبسوط فيهم. وبرغم ان النيسان ضيقة عليا شويتين من ناحية العرض لأني مليان، وبرغم ان شكلها مش عاطفي وبرغم إنها بلاستيك في بلاستيك لكن الحقيقة الأخ الكريم احد المعلقين اتكلم عن الاعتمادية، وانا في حياتي مشفتش حد اشتكى من النيسان شكوى معقولة ليها اساس يقلق، زيها زي الفيرنا مع الفارق طبعا.

انا برضه بقول رأيي بمنتهى التواضع -وقد يكون غلط - ومنتهى الشكر والامتنان لكل من شارك في البوست ده وأفادني وجزاكم الله جميعا خير الجزاء.