عيب صناعه بالكاوتش قولولي اعمل ايه؟؟؟؟؟؟؟؟؟

**memo_emam45** · 22-05-2014 12:32 AM

بعد اذنكم انا معايا هوندا سيتي 2013 لسه جايبها من شهرين بالظبط وفوجئت امبارح ان الكاوتش الامامي طلعت فيه بالونه صغيرة من الجنب وطبعا ده عيب صناعه كلمت التوكيل قالي منعرفش وضمان العربية لا يشمل الكاوتش قلتلهم طب اعمل ايه قالولي منعرفش المهم قعدت ادور علي ارقام وكيل بريدجيستون بمصر لقيت انه في برج التجارة العالمي بكورنيش النيل والارقام بتاعته محدش بيرد عليها روحت كلمت موزعين بريدجيستون فيت اند فيكس قالولي ان الكاوتش الاوريجينال هما مشمختصين بيه وان اختصاصهم لو الكاوتش شاريه من مصر لكن طالما جي مع العربية يبقي وكيل بريدجيستون نفسه وقالولي انهم بعتوا فاكس ليهم بشكوتي وانهم يعني الوكيل هيتواصل معايا , ومحدش كلمني لحد دلوقتي . حد اتعرض بعد إذنكم للموقف ده . او حد عنده معلومات ايه اللي مفروض يحصل لو محدش كلمني او اروح فين مع العلم ان العربية كل اللي عملته بيها 6 الاف كيلو فقط.

**hugan** · 22-05-2014 12:42 AM

البالونه هاتتعامل سوء استخدام
حاول تغير المقاس بمقاس اعلي شويه

**svneleven** · 22-05-2014 04:54 AM

فعلا زي الاخوة ما قالو. عيب طرق و سواقة. مش هيطلع عيب صناعة حتي لو عيب صناعة هما عندهم الطرق مبرر قوي جدا أنه يرمي اللوم عليك. راجع علي ضغط الكاوتش و اتأكد أنه زي ما مكتوب علي قايم العربية لأن ده أحد الأسباب اللي بتعمل البالونة ديه.

**memo_emam45** · 23-05-2014 03:45 PM

شكرا لكم جميعا علي ردودكم

**monamize4** · 23-05-2014 06:56 PM

الاحتمال الاكبر انه عيب استخدام (عيب طريق) مش عيب صناعة
و لازم تغير الكاوتش ياباشا عشان سلامتك

بص كدا ع اللنك دا http://www.nilemotors.net/Nile/3875332608-post5.html