طفل سنة و نصف دائما يخبط راسه في الارض

السلام عليكم يا احلى اعضاء

انا عندي مشكلة مع ابني الوحيد, هوة عنده سنة و نصف و ما شاء الله نشيط جدا و ذكي بس في نفس الوقط عصبي جدا.
مشكلته انه دائما ما يخبط راسه في الحائط او الارض لو مثلا طلب مني اني اقوم اجيبله حاجة و انا مش راضي و يقعد يعيط في الارض بس بدون دموع. المشكلة في انه بيخبط راسه في الارض كتير جدا لدرجة انها احيانا بتزرق. في ناس قالتلي وديه حضانة يفرغ طاقته وفعلا هوة بيروح حضانة من شهر و نص علشان يلعب هناك اكتر و يفرغ طاقته بس موضوع ضرب راسه في الارض لسة مستمر و متحسنش بس غير انضباط مواعيد نومه.

انا مش عارف ايه حل الموضوع ده, و مدايقني جدا اني اشوف ابني كدة و انا مش عارف اساعده....يا ريت لو حد عنده تجربة مريرة زيي يفيدني افادكم الله

شكرا مقدما

حضرتك لازم تعرضة علي اخصائي

نفس المشكلة عند ابنتى طفلها عصبى جدااا وكمان بيرمى اى حاجة فى ايده غير النكسير جيل مدمر

قد يكون لديه آلم بسبب عضوي لا يتحمله
اكشف علي الاذن والاسنان

عندي نفس المشكلة....ابني عمره سنتين ونصف وليه 3 اخوات بنات اكبر منه وبيعمل نفس الكلام دا ولو طلب حاجة عنده استعداد يفضل يعيط 10 ساعات ويتمرمغ في الأرض... ولو شغلته في حاجة تانية يخلصها ويرجع يكمل عياطه تاني!!
وكمان بتبقى المشكلة الاكبر لما بيكون بيقول حاجة واحنا مش فاهمينها..
بس اعتقد الموضوع بيبقى ليه علاقة بالارهاق لانه احيانا كتير بينام بعد الحركات بتاعته دي

اول حاجه اوع تنفز ليه طلب وهو بالطريقه دى لازم يتعلم ان يطلب براحه علشان يتنفزله الطلب

اقتباس:

---

المشاركة الأصلية كتبت بواسطة timtim

عندي نفس المشكلة....ابني عمره سنتين ونصف وليه 3 اخوات بنات اكبر منه وبيعمل نفس الكلام دا ولو طلب حاجة عنده استعداد يفضل يعيط 10 ساعات ويتمرمغ في الأرض... ولو شغلته في حاجة تانية يخلصها ويرجع يكمل عياطه تاني!!
وكمان بتبقى المشكلة الاكبر لما بيكون بيقول حاجة واحنا مش فاهمينها..
بس اعتقد الموضوع بيبقى ليه علاقة بالارهاق لانه احيانا كتير بينام بعد الحركات بتاعته دي

---

كان حضرتك بتوصف ابني بالضبط بس مش بينام بعدها بيكمل لحد ما ينول مراده...و يخبط راسه في الارض و انا بتقطع اني مردش عليه و مش عايزه يعرف ان الحركة دي بتلفت انتباهي بس خايف عليه بجد و مش عارف اعمل ايه

أنا فكرت في موضوع الحضانة دا برضه مع اني مش مع ان الطفل يروح للحضانة بدري بس هو عنده شوية طاقة وشقاوة .. ومع ذلك بيتكسف من الناس اللي مش بيشوفها على طول .. ميرضاش يسلم عليهم وكدا.. الموضوع هايحتاج اخصائي ولا عادي يا جماعة؟

اقتباس:

---

المشاركة الأصلية كتبت بواسطة timtim

أنا فكرت في موضوع الحضانة دا برضه مع اني مش مع ان الطفل يروح للحضانة بدري بس هو عنده شوية طاقة وشقاوة .. ومع ذلك بيتكسف من الناس اللي مش بيشوفها على طول .. ميرضاش يسلم عليهم وكدا.. الموضوع هايحتاج اخصائي ولا عادي يا جماعة؟

---

انا شايف ان الموضوع عادى وراىى الشخصى انه دلع علشان ياخد ال هو عايزه وبس بس برضوا انا مش دكتور انا بتكلم من وجهه نظرى

انا ابني يتكشف يسلم او يروح لحد مش عارفه بس لما بنروح مكان جديد او غريب مش بيقعد معايا بيفضل يلعب و يروح و ييجي كانه في بيته و لو شلته لانه هيعمل مصيبة يعيط و يرفص برجله و بيغلبني بس اقول ايه الواحد دلوقت عرف قيمة الاب و الام

هى الأطفال فالسن ده بتكون عصبيه جدا
و كل ما تقول لأ تلاقيه زاد فاللى بيعمله

حضرتك ممكن تراجع مع اخصائى تعديل سلوك لان احيانا تصرفات الابوين بيبقى ليها تاثير على تصرف الطفل يعنى ممكن رد فعل من الاب تجاه موقف معين يكون ليه تأثير سلبى على الطفل

سنة ونص !!!! وبيعمل كده
على العموم تقويم السلوكيات مهم جداً
انصحك فيه كتب كتييير على النت بتتكلم على التربية وتقويم السلوكيات الخطأ
وضروري برضه يزور طبيب متخصص ويشوفه للإطمئنان
الحمد لله انه لسه صغير ولازم يتلحق بدري بدري وواضح انه فيه اخطأ في التعامل معاه

السلام عليكم

ابنتي كان عندها نفس المشكلة والحمد لله تم حلها بنسبة كبيرة والأمور في تحسن كبير بفضل الدكتور مصطفى مجدي الذي ارشدني إلى مستشفى الزهراء الجامعي بالعباسية حيث يوجد هناك مركز مجاني رائع لعلاج هذه الحالات
ربنا يشفي كل مريض

تجاهله وأول ما يعمل كدة امشي من قدامه.
الاطفال معاهم دكتوراه في استجلاب العطف :d

اقتباس:

---

المشاركة الأصلية كتبت بواسطة buisnessman

السلام عليكم

ابنتي كان عندها نفس المشكلة والحمد لله تم حلها بنسبة كبيرة والأمور في تحسن كبير بفضل الدكتور مصطفى مجدي الذي ارشدني إلى مستشفى الزهراء الجامعي بالعباسية حيث يوجد هناك مركز مجاني رائع لعلاج هذه الحالات
ربنا يشفي كل مريض

---

الأول روح للعيادات النفسية بالعيادات الخارجية (الأحد - الثلاثاء - الأربعاء) حيث الدكتورة مروة السعيد حيث يتم عمل تقييم للحالة (وممكن أول مرة تروح لوحدك تشرح الحالة) وتحديد مواعيد لجلسات تعديل السلوك.