متابع
متابع
انا بقا عند ال 1000 الديجيتال نزل كوره عند 5 و المانيوال الزيت فيه max ده اسمه ايه ؟؟؟
اعتقد المانيوال هو الادق ...
و اللى يحسم الموضع ده هو معرفه مايمثله المقياس الديجيتال بالنسبه للمانيوال ... بمعنى ماتمثله الكور فى الديجيتال على المقياس المانيوال ... يعنى الكور دى ممكن تكون الخامسه و السادسه max و التالته و الرابعه من min ل max و الاولى و التانيه من min الى اقل.
للامانه انا معنديش العربيه بس بحاول اوصل لتفسير منطقى مش اكتر .
لا تقلق يا ياسر باشا....
أنا بقى حصل معايا العكس :)
أنا كنت مستلم العربية على 4 كور و معلم المكان على المقياس المانيوال....
بعد ما عملت حوالى 2000 كم كده....قال خير اللهم ما أجعله خير ألاقى المقياس الديجيتال زاد و بقى 5 كور لوحده...أيه يا عم الحاج هو فيه كده؟؟!!!
طبعاً التفسير المنطقى أن مستوى الزيت عندى كان ما بين ال4 و ال 5 كور علشان كده كان بيشعر ما بين الأتنين...المهم أن لغاية ال 5000 كم الحمد لله عمر ما الزيت قل عن 4 و لا المستوى المانيوال اتحرك من مكانه...
المقياس الديجيتال تقدر تعتمد عليه تقريبياً و لكن الأهم هو عصاية المقياس....
لو لا قدر الله كان فيه مشكلة.... قبل ما توصل 3000 كم هتلاقى الزيت عند أدنى مستوى له
لا تقلق يا زعيم
تحياتى
انا مش معايا العربية بس حابب ان افكر معاكم في المشكلة دي .
في حاجة جت في دماغي وعايز اشاركم فيها هل ممكن يكون العيب من الزيت نفسه ؟ المعروف ان الزيت اللي التوكيل بيستخدمه هو زيت توتال تعبئة مصري فهل ممكن ميكونش متوافق مع الموتور الجديد ؟
شكرا على تفاعلك ... لكن الموضوع ليس له علاقه بالزيت او جودته ...
العضو الى الزيت نقص منه كان زيت الفابريقه التركى و ليس المصرى ...
و هى مش مشكله عامه لان عضو واحد فقط هو الى غير الموتور بالكامل فى الضمان ...
غير كده باقى الملاك كله تمام عندهم ... او نقص طبيعى مثل كل العربيات ...
تحياتى ...
طيب و كذا حد يعنى كام ؟؟؟؟ و كام نسبتهم من اجمالى المبيعات ؟؟؟
و المشاكل الى عندهم هل استدعت تغيير الموتور ؟؟؟ لو لا يبقى مفيش مشاكل ...
و الى غير موتور فى المنتدى هو ا. مصطفى ...تبقى حاله فرديه .على الاقل فى المنتدى ..
مع احترامى حتى ظهور ارقام واضحه و حقائق لا يجب المبالغه ...
تحياتى ...
بصراحة الموضوع زاد و الكلام زاد فيه ... خلونا واحدة واحدة
المشكلة الوحيدة المؤكدة استدعت تغيير موتور فى المنتدى هو الدكتور مصطفى .. طب ايه اللى حصل له (من كلامه هو) ان المشكلة تسريب شديد للزيت .. معنى انه تظهر له الرسالة بتاعة top up oil level يعنى الموتور بيفضى من الزيت تقريبا وبعد ما زودوه فالتوكيل ب 1500 كيلو كان بينزل بشدة بردو ... زمان علمونا فالمدرسة ان الزيت طول ما هو بين ال H و L يبقى مفيش مشكلة الا لو النقص بيبقى بمعدل سريع (حصلت معايا فالدايو كنت كل اسبوع ازود الزيت كوباية ولا حاجة عشان غطا التاكيهات كان بيرشح زيت)
الكلام دة معناه ايه
اولا: انسى المقاس الديجيتال دة نهائى كأنه مش موجود (او اتعامل معاه على انه guide line فقط)
ثانيا: كل فترة مناسبة حسب معدل استهلاكك ومشاويرك تمم عالزيت المانوال (زى ما كنت بتعمل فى اى عربية ركبتها طول عمرك) وطول ما هو معدل النقص مش كبير يعنى مناسب للبخر و الاحتكاك يبقى انت كدة فالتمام
ثالثا: بردو تشيك عالزيت قبل اى سفرية زى ما كنت بتعمل فى اى عربية تانية للاطمئنان وبعد ما ترجع
لكن بعد 6000 كيلو الزيت ينقص كورة فالديجيتال دة لا يستدعى القلق مطلقا ونهائيا و الكلام دة انا عارف انا بقول ايه لو فى مشاكل خلوصات فالموتور الزيت يبقى بيشر ومش هيفضل فالموتور
الأرقام المعلنة اللى اعرفها لحد دلوقتى .... 6 عربيات على مستوى الجمهورية استدعوا تغيير موتور من اجمالى مبيعات حوالى 6000 عربية يعنى عربية من كل الف عربية اتباعت
ملحوظة: انا مش بقول الكلام دة عشان ال resale ولا لأى غرض تانى بس يصعب عليا ان ناس جايبة عربيات جديدة وعمالة موسوسة (ومعاهم حق فى دة لأنهم دافعين دم قلبهم) ومش عارفين يستمتعوا بعربياتهم
كل سنة وانتم طيبين