مع السلامة يا أجدع عصبابة........

**FrozenFire** · 22-05-2014 08:13 PM

السلام عليكم يا أجدع عصابة..

إعتبروا ده موضوع شكر وتقدير ليكم هنا في قسم الهوندا بعد ما نقلت محل إقامتي لقسم بي إم.

من شهرين تقريبا كنا بندور بنجيب عربية لأختي (زي ماكنت كاتب في موضوع هنا قبل كده) ولما قلبنا كل الجديد ما لقيتش حاجة دخلة دماغي زي ما أنا عايز.

المهم أنا كنت بفكر على آخر السنة دي أغير العربية، فقلت خلاص خير البر عاجله. وإديت عربيتي لأختي وأنا ربنا كرمني ورزقني ب بي إم دبليو إكس 1.

تصدقوا إن فرحة أختي بالعربية والله أكتر من فرحتي أنا بالبي إم دبليو. هاهاهاهاها

طبعا حبيت أعمل الموضوع ده شكر ليكم على ال3 سنين اللي فاتوا اللي ربنا العالم إني تعلقت بيكم. ورغم إننا لم نتقابل لظروف إقامتي وإنشغالنا إلا إني بعتبركم إخوة وأجدع أصحاب.

طبعا إبقوا إسمحوا لي إني أعدي من وقت للتاني وأسلم عليكم.

بالنسبة للناس اللي عايزة تعرف أكتر عن الموضوع وليه بالذات إخترت الإكس 1 فأنا عملت موضوع في منتدى البي إم حتلاقوه في المواضيع المثبتة (أخوكم رفع راسكم في البي إم هاهاهاهاهاهاها).

والسلام ختام