لا انا غالبا بنفض خصوصا لو مقعدتش غير 5 دقايق مثلا او بسحب فلوس من atm او نازلة اجيب كارت او مية لكن لو مطولة فى مكان بدى اللى فيه النصيب و خلاص
عرض للطباعة
لا انا غالبا بنفض خصوصا لو مقعدتش غير 5 دقايق مثلا او بسحب فلوس من atm او نازلة اجيب كارت او مية لكن لو مطولة فى مكان بدى اللى فيه النصيب و خلاص
انا غالبا بديلة علشان مضطر ... بلاقية راجل اكبر منى وبتاع فبتكسف اققولة حاجة
يتوقف على حجم الحجر وانا بركن كل يوم وفعلا بيبقى حجر صغير يوقف بيه العربية عشان يحجز مكان او يوسع مكان لحد يركن او يطلع وكدة واذا عشقت العربية او شديت فرامل اليد ، بيتعافوا على العربية ويزقوها بالعافية
بس هي فكرة فعلا ان السايس يحط حاجة تحت العربية تعورها لو مدفعتلوش ويشلها لو دفعتلة الواحد بقى بيتوقع اي حاجة دلوقتي
أنا بصراحة احب اقدر الي بيعمل شغل
يعني مثلاً لو لقيتة هو الي بيستقبلني وبيشاورلي على المكان ويساعدني وانا داخل وانا خارج أو عمل اي مرحلة منالمراحل دي
اديله طبعاً حسب تعبه
اما لما انا الادور واركن واطلع وبعد ما اطلع وانا ماشي الاقي الي جاي بيجري ينادي يا باشا ويا بيه والحركات القرعة دي
باعمل نفسي مش شايفة وامشي
الحجر اللى انا بقول عليه هو حجر الرصيف يعنى كبير و شاله من وسط العربيه على العموم انا قبل ما بركب ببص لو فيه حاجه تحت
أنا عادة لا أعطى نقود الى من لا يستحق لانى أعتبر ده نوع من التشجيع على البلطجه و أتذكر إن مرة كنت راكن فى شارع العريش فى الهرم و أنا بطبعى أرفض مساعده حد لى فى الركنه علشان أنا مش سايق مقطوره المهم لما جيت أمشى لقيت حد جاى بيجرى و بينده يا بيه يا بيه , أنا عارف هو عايز ايه و مع ذلك وقفت قام طلب فلوس ,سألته فى مقابل أيه ؟ قال الركنه , قلت أنا بادفع للحكومه مقابل إستعمال الشارع أنت بقه علاقتك أيه ؟ قام قال إحنا بنأجر المكان من المحافظه و طلع إيصال كده من جيبه , المهم قلته إنت فعلا بتعمل كده ؟ رد و قال أيوه , قلتله أوك ما تعملش كده تانى و إوعى تخلى الحكومه تضحك عليك و سبته و مشيت...طبعا النماذج كتير لكن لما حد بيغلس بأوله عندك النمره خدها و بلغ. لكن طبعا مستحيل أعمل كده قبل ما أركن خوفا من إنه يعمل حاجه فى العربيه و أنا دائما أرفض و بإصرار موضوع الدفع المسبق ده.
طيب حتة زى قدام سيتي ستارز دي نعمل فيها ايه؟ اصلا الولد مش بيمشيك و بيفضل يحجز عليك لحد ما تجيب التلاتة جنيه مقدما !! و بجد من كتر الخنقة بدفع و خلاص مع ان نظام الاستقطاع دة مبطيقووش بس هعمل ايه طيب و حلها ايه؟ و اخاف امشي و اسيبله العربية يجيبلي الاربع فرد على الارض ولا حاجة و لا بعمل فيها اى مصيبة !!
بجد تحس انك ملوى دراعك . مش بيديك فرصة تعمل الحاجة بنية كويسة
على فكرة يا جماعة
الناس دى بلطجية
و نفس الوقت جبنة جدا و من اقل حاجة بتخاف
و لو فكرت تزعق له و تهدده هيقفل بقة
جرب و مش هتندم
بس انا مش مسئول :)
قوليلو لما أرجع و ألاقى عربيتى كويسه و مش مخبوطه أبقى أديلك , و بعد كده إدفعى اللى انتى عايزاه بس و لو عاجبه.