عرض للطباعة
السلام عليكم ارجو النصيحة فى اول مشاركة لية
محتاج سيارة جديدة فى حدود 150 الف ومحتار بين السيات توليدو مانيول ستايل او ميتسوبيشى شارك
خبرتى باليابانى مش وحشة كنت راكب ميسوبسى جالنت 1998اكبر فئة وكانت ممتازة وبالالمانى كنت راكب بورا 2000 كاملة وكانت رائعة بس بعتها بسبب انخفاضها وكسر كارتيرة الزيت عدة مرات
ارجو النصيحة لو سمحتم
اصل بعد البورا عن نفسي مقدرشي ارشحلك حاجه
عندك حق البورا عربية من اكفاء العربيات قوة موتور وعفشة واتزان وراحة بس كنت مضطر ابيعها
وعليكم السلام ورحمة الله
اهلا بيك فى قسم سيات
على فكرة لو حضرتك كنت راكب يبقى مش هتحس بفرق بينها وبين التوليدو لأن الاتنين على نفس الشاسيه ونفس الموتور
عشان اكون معاك ادق فى كلامى, التوليدو الـ 2000 الـ 2001 هى نفس البورا نفس الموديل والتشابه فى الشاسيه والموتور والعفشة فيما عدا الشكل الخارجى والداخلى
اما بالنسبة للتوليدو الـ 2014 هى نفس الجيتا نفس الموديل برده من ناحية الشاسيه والموتور والعفشة فيما عدا الشكل الخارجى والداخلى
الشارك على حد معرفتى انها بقت تقفيل مصرى من ساعة ما البومة نزلت وكمان ناس كتير من ملاكها بقوا بيشتكوا من التقفيل المصرى انه بيركب عفشة الـ 1300 على الموتور الـ 1600 وان العزل بتاعها بقى سىء جدا عن الأول
دلوقتى يدخل منسق قسم سيات ويكلمك عن التوليدو باستفاضة اكتر لأن هو اللى عامل سلسلة المقارنات الخاصة بيها
ألاستاذ كريم
متشكر لمشاركة حضرتك فعلا التوليدو كانت هى البورا بس قطع غيارها بكا م مقارنة بالبورا الى كانت رخيصة على سبيل المثال كنا بنشترى فانوس البورا التيوانى ب 200 والخلفى التشيكى ب 160 والتيوانى ب 145 يعنى تقدرتقول ببلاش فهل السيات كدة ولا هتبقى اغلى
يمكن كمان الى مخلينى بفكر فى التوليدو هو ان الموتور والشاسية واحد زى البورا
وشكرا
بالنسبة لقطع غيار المواتير او العفشة فى العربيتين سعرهم واحد لأن فيه تطابق وليس تشابه
بالنسبة للفوانيس والصاج الطبيعى ان دايما فولكس بتكون اغلى من سيات واسكودا وده احنا بنلمسه فى عربياتنا لما تدخل تجيب فانوس ابيزا غير لما تدخل تجيب فانوس جولف او بولو سواء جديد او استيراد او اصلى او تايوانى
اهلا بحضرتك في قسم سيات نايل موتورزاقتباس:
المشاركة الأصلية كتبت بواسطة movado
انا مش فاهم هو حضرتك بتسأل عن انهي توليدو ؟ موديل 98-2002 ولا توليدو 2014
اما عن المقارنة بين التوليدو والشارك فبأذن الله هتكون هي المقارنة الجاية
مجرد أيام وهتنزل ان شاء الله
تحياتي
الاستاذ syd
متشكر لحضرتك قصدت توليدوزيرو 2014 وعاوزها مانيول الفئة التانية ستايل مقارنة بالشارك الهاف سبورت 2014
كمان قصدت ان فرق السعر بين التوليدو الستايل مانيول والستايل اتوماتيك 30 الف و من ناحيتى اظنة كتير و كمان ماليش خبرة بافتيس الستترونيك الجديد
ومقارنتك بين العربيتين فعلا هتكون مفيدة
وشكرا
استاذ كريم :كدة طمنتنى لان قطع غيار البورا كانت رخيصة وبتعيش كتير مش زى البيجو الجديد مثلا كنا بنغير التيل الفرامل كل سنتين او اكتر على 50 الف وكان بيطلع لسة مليان انما بتوع البيجوبيغيروة قبل 20 الف وبيكون اكل الطنابير وب اربع اضعاف السعر
معلش علي التأخير في الرد
التوليدو 2014 مبنية علي نفس شاسيه الرابيد واللي يختلف عن الشاسيه المبنية عليه الجيتا والليون والاوكتافيا 2014
التوليدو نزلت بالمحرك ال1.6 الmpi اللي نزل في السيات ابيزا والرابيد والاوكتافيا a5
كمان نزلت بالفتيس الستيبترونيك اللي نزل بردو في الأوكتافيا والرابيد
اي استفسار اخر انا تحت امرك وعينيا ليك
تحياتي
اقتباس:
المشاركة الأصلية كتبت بواسطة karim ibiza
متااااااابع بس مش فااااهم ايه الصح ؟؟؟؟اقتباس:
المشاركة الأصلية كتبت بواسطة syd
متشكر جدا استاذ syd
وفى انتظار مقارنتك بين التوليدو والشارك
انصحك تحط الكروز في اعتبارك
بالتأكيد كريم وهو بيكتب الأمر تداخل عليه او بيقصد حاجة تانيةاقتباس:
المشاركة الأصلية كتبت بواسطة magd_c_c
لأن التوليدو الجديدة ليس نفس الأمتداد بتاع التوليدو القديمة
الليون حلت محلها وهي حلت محل الكوردبة
تحياتي
شكراً علي متابعتك وان شاء الله هعملها قريباًاقتباس:
المشاركة الأصلية كتبت بواسطة movado
متشكر على النصيحة فعلا حاطط الكروز فى اعتبارى وخصوصا انها فى نفس السعر بس تفتكر هى ولا الشارك ولا التوليدواقتباس:
المشاركة الأصلية كتبت بواسطة abou-yahia
الكروز بلا نقاش وخصوصا عشان فيها espاقتباس:
المشاركة الأصلية كتبت بواسطة movado
السلام عليكم
شباب قسم سيات .. الحمد لله ربنا أكرمني و اشتريت سيات توليدو ٢٠١٤ .. أنا ماليش في كتابة التقارير بس عايز أفيد الناس .. ما أعرفش نكمل هنا أفضل و لا نفتح موضوع جديد أحسن لأني مش لاقي كلام على العربية دي يبدو إن مبيعاتها لسه ضعيفة
اما بالنسبة للتوليدو فهي نفسها السكودا رابيد و بتتصنع في مصنع سكودا و البولو الجديدة زيهم بس بتتصنع في الهند
اقتباس:
المشاركة الأصلية كتبت بواسطة kgayyar
الف مبروك وربنا يكفيك شرها اكتب من فضلك واشرح مالها وما عليها واشتريتها اى طراز والسعر وتانى نرة ربنا يبارك لك فيها
يا باشا الف مبروكاقتباس:
المشاركة الأصلية كتبت بواسطة kgayyar
ربنا يباركلك فيها يارب ويكفيك شر الطريق
بلاش تكتب هنا
اعمل موضوع منفصل
صور العربية من كذا جانب - من جوة - ركز علي الأوبشنز في صور منفصله (زي مثلاً طارة الدريكسيون والمالتي) صور الشنطة - صور كتير علي قد ما تقدر
اكتب كل حاجة فيها - حتي الحاجات اللي انت شايافها مالهاش لازمة
استعين بالموضوع دة
اول تقرير كامل ومصور لسيات ابيزا 2014 بعد الاستلام حصري للمنتدي
هيفيدك اوي في كتابة التقرير
وعلي العموم اعمل التقرير بتاعك ولو محتاج اي تظبيط انا هساعدك فيه
تحياتي والف مبروك مرة تانية
طبعا بعد اذن الخبراء بس هقولك ع كام حاجه مبدئيه كده مبينهم عشان الاتنين كانوا ضمن اختياراتي
الشارك واسعه اوي من جوه بس التوليدو اوسع
الشنطه بتاعه الشارك معقوله وعيبها انها مش عاليه
شنطه التوليدو كبيييره فعلا اكبر من الاسكودا
الاوبشن التوليدو تكسب بكتيير الشارك اوبشن قليل
التابلوه من جوا التوليدو برده تكسب لان من جوا فخمه جدا
الشكل الخارجي انا بفضل الشارك من حيث الشكل
الصاج ..بتاع الشارك معجبنيش خالص بتاع التوليدو افضل منه
مقعد السائق لما تركب الشارك تحس انك راكب عربيه سباق ومريح جدا ..التوليدو مقعدها مريح بس الشارك افضل
قطع الغيار للشارك غاليه جدا .. التوليدو مش عارف
التوكيل و مركز الخدمه مفيش مقارنه اساسا التوليدو تكسب عن جداره
الشارك كان فيها عيب خطير ان الموتور ف واجهه العربيه بمعني اي خبطه بسيطه بتيجي ف الموتور بس تقريبا تفادوها فالموديلات الجديده
يبقي الاختيار النهائي لك من حيث الذوق العربيتين كويسين والاتنين حمالين قاسيه وبتوع شغل
متشكر جدا لحضرتك وفعلا معلومات قيمة بس حضرتك مقلتش انت اشتريت ايه:M_yes[1]:اقتباس:
المشاركة الأصلية كتبت بواسطة ahmed.Elashy
اشتريت سيات ابيزا ٢٠١٤ التوليدو كان سعرها عالي شويه وكمان كنت عاوز عربيه صغيره
انا عامل تقرير عن العربيه لما استلمتها متهيالي انت قريته
الحق بس نفسك لان العربيات سعرها بيغلي شوف اللي تحبه وهاته
[اشتريت سيات ابيزا ٢٠١٤ التوليدو كان سعرها عالي شويه وكمان كنت عاوز عربيه صغيره
فعلا شفت تقريرك عن الابيزا لونها جميل والف مبروك وتقريرك عنها اكتر من ممتاز
بميل كرأي فقط للشارك