الموضوع: هل توجد مقارنة بين التوليدو والشارك

وعليكم السلام ورحمة الله
اهلا بيك فى قسم سيات

على فكرة لو حضرتك كنت راكب يبقى مش هتحس بفرق بينها وبين التوليدو لأن الاتنين على نفس الشاسيه ونفس الموتور
عشان اكون معاك ادق فى كلامى, التوليدو الـ 2000 الـ 2001 هى نفس البورا نفس الموديل والتشابه فى الشاسيه والموتور والعفشة فيما عدا الشكل الخارجى والداخلى

اما بالنسبة للتوليدو الـ 2014 هى نفس الجيتا نفس الموديل برده من ناحية الشاسيه والموتور والعفشة فيما عدا الشكل الخارجى والداخلى

الشارك على حد معرفتى انها بقت تقفيل مصرى من ساعة ما البومة نزلت وكمان ناس كتير من ملاكها بقوا بيشتكوا من التقفيل المصرى انه بيركب عفشة الـ 1300 على الموتور الـ 1600 وان العزل بتاعها بقى سىء جدا عن الأول

دلوقتى يدخل منسق قسم سيات ويكلمك عن التوليدو باستفاضة اكتر لأن هو اللى عامل سلسلة المقارنات الخاصة بيها

بالنسبة لقطع غيار المواتير او العفشة فى العربيتين سعرهم واحد لأن فيه تطابق وليس تشابه

بالنسبة للفوانيس والصاج الطبيعى ان دايما فولكس بتكون اغلى من سيات واسكودا وده احنا بنلمسه فى عربياتنا لما تدخل تجيب فانوس ابيزا غير لما تدخل تجيب فانوس جولف او بولو سواء جديد او استيراد او اصلى او تايوانى