..:: اخر اخبار تويوتا كورولا 2015 ::..

**nazar muharram** · 23-05-2014 04:51 PM

الف مبروك للى استلم والف مبروك مقدما للى لسه هيستلم

**mars.egypt** · 24-05-2014 01:42 PM

المشاركة الأصلية كتبت بواسطة ahmedtalat

انا حاجز موديل 2014 الهاى لاين من يوم 6مارس و لسه ما استلمتش
يا ترى اروح اغير الحجز كده و اجيب موديل 2015 و لا اعمل ايه و لا مش فارقه
ايه رايك ؟

مفيش داعي ... كله ان شاء الله هيستلم 2015 لان من اول الافراج الجمركي الحالي 2015
وعلي حسب مسئول المبيعات التجمع الخامس لا يوجد 2014 حاليا كله مباع

ممكن تتأكد بالاتصال بمسؤل الحجز تليفونيا افضل

الفئه الاولي والثالثه زادوا 2000 جنيه مصري والفئه التانيه زادت 1090 جنيه مصري
الخبر المستفز انها ممكن تزيد تاني علي حسب الدولار !!

**DrJomaro** · 24-05-2014 03:40 PM

المشاركة الأصلية كتبت بواسطة omar101970

الف شكر على المعلومات دى.
انا ليا سؤال لحضرتك وللمهندس محمد هانى ولكل اللى يحب يشاركنى فى الموضوع دا.
أنا بافكر اجيب عربيه جديده ومحتار بين عربيتين.
كورولا الفئه التانيه 2015 او نيسان قاشقاى الشكل الجديد اللى حايكون موديل 2015
انا فاهم ان دى فئه ودى فئه
لو عن رغبه جواى فانا نفسى فى عربيه كروس أوفر
وفى نفس الوقت بصراحه انا مقتنع باليبانى بس يعنى السبورتاج او IX35 مش فى حساباتى
يبقى فى الفئه دى مافيش غيرالقاشقاى والشكل القديم الموجود حاليا بصراحه مش عاجبنى
صالون ضيق تابلوه فقير وكمان فيه كلام على موضوع الموتور اللى ممكن يكون بيسرب زيت
وبصراحه الشكل الجديد انا شفته على اليوتيوب بصراحه جميل والصالون اوسع وظبطو التابلوه كتير
بس المشكله اللى مخلانى متردد موضوع الموتور التيربو تشارجروانا قرأت عنه كتير وكان فيه اربع ملاحظات عليه
اولا لازم بنزين 95 وانا عارف اننا فى مصر حانستعمل 92 حتى لو اثر على النت هورس باور اللى طالعه منه وكمان على عمر الموتور الأفتراضى.
ثانيا سمعت ان صوته اعلى من الموتور العادى وطبعا درجه حراره الموتور الداخليه اعلى وانا بالنسبه ليا مش باحب اسمع صوت المتور تماما
ثالثا صياناته اغلى لأنه المواد بتاعته مختلفه.
رابعا موضوع turbo lag اللى هى شويه تأخير فى استجابه الموتور
شويه واقول لنفسى خليك فى الكورولا عربيه اعتماديه ومافيش عليها كلام ودا اهم من الكروس اوفر
يا ترى ايه رأيك؟

كنت في نفس الموقف و محتار نفس الحيرة مابين الكورولا و القاشقاي و السبورتاج
و بالذات اني مستعجل و مش هقدر استنى شهرين , و بعد لف في المعارض و بهدلة ,و المعاملة مع ناس ملهاش كلمة و مكالمات كتيرة ل م/محمد هاني (طلعت عينه )
الحمدلله استلمت امبارح الكرورولا 2015 من سمير ريان ب 197

بس كل التعب راح لما سقت العربية
( انا اصلا معايا BMW 2500 cc ) و كنت خايف جدا من اني أحس بالفرق في الجري و الثبات
الجري معقول لحد كبير جدا
الثبات لسه مجربتش :-) لكنه مبشر ( لعربية ستوك )

الحقيقة الكورولا هي السهل الممتنع ...

**alaa keshk** · 24-05-2014 11:37 PM

المشاركة الأصلية كتبت بواسطة drjomaro

كنت في نفس الموقف و محتار نفس الحيرة مابين الكورولا و القاشقاي و السبورتاج
و بالذات اني مستعجل و مش هقدر استنى شهرين , و بعد لف في المعارض و بهدلة ,و المعاملة مع ناس ملهاش كلمة و مكالمات كتيرة ل م/محمد هاني (طلعت عينه )
الحمدلله استلمت امبارح الكرورولا 2015 من سمير ريان ب 197 :copy of majd(4):
بس كل التعب راح لما سقت العربية
( انا اصلا معايا bmw 2500 cc ) و كنت خايف جدا من اني أحس بالفرق في الجري و الثبات
الجري معقول لحد كبير جدا
الثبات لسه مجربتش :-) لكنه مبشر ( لعربية ستوك )

الحقيقة الكورولا هي السهل الممتنع ...

الف مبروك
أنا أيضا نفس الموقف ونفس الحيرة ............لكن قدر الله أن أطلع على المنتدى
وبناءا على رأى الاعضاء وتحليلاهم لكل شيئ فى الكورولا..وبعد الاستخارة
بفضل الله ومنه حجزت الهاى لاين وإن شاء الله تكون هى السهل الممتنع

**ahmedtalat** · 25-05-2014 01:02 AM

يا جماعه انا حاجز من يوم 6 مارس و لسه مستلمتش
معنى كده انى حستلم موديل 2015

انتو متأكدين؟؟؟!!

**ahmed_m_ashraf** · 25-05-2014 09:39 AM

والله أنا برضه العربيتين في تفكيري .. الكورولا هي الأقرب حاليا إن مكانتش حسمت كإختيار لكن لسه قرار الشراء عليه شوية.
القاشقاي الشكل الجديد (إللي مفيس أي أخبار عنه لحد دلوقت) ميزتها بالنسبالي هي ستايل الكروس أوفر + السقف البانوراما + الزينون. ممكن أستغى عنهم مقابل عشقي للكورولا .. وممكن لو ربنا كرمني بالكورولا أركب فيها لازينون بالعدسات إللي راكب عندي دلوقت ف اللوجان بعد ما قلبي يجمد عليها فالتعديل واللعب. أنا ناوي على الهاي لاين .. فالعدسات مع الرشاشات هتبقى فبريكة :))))

على فكرة سيبك من المواتير إللي بتنزل بيها القشقاي بره .. غالبا هتنزل هنا بمحرك يتناسب مع السوق وممكن قوى ميكنش تيربو.

**omar101970** · 25-05-2014 02:30 PM

المشاركة الأصلية كتبت بواسطة drjomaro

كنت في نفس الموقف و محتار نفس الحيرة مابين الكورولا و القاشقاي و السبورتاج
و بالذات اني مستعجل و مش هقدر استنى شهرين , و بعد لف في المعارض و بهدلة ,و المعاملة مع ناس ملهاش كلمة و مكالمات كتيرة ل م/محمد هاني (طلعت عينه )
الحمدلله استلمت امبارح الكرورولا 2015 من سمير ريان ب 197 :copy of majd(4):
بس كل التعب راح لما سقت العربية
( انا اصلا معايا bmw 2500 cc ) و كنت خايف جدا من اني أحس بالفرق في الجري و الثبات
الجري معقول لحد كبير جدا
الثبات لسه مجربتش :-) لكنه مبشر ( لعربية ستوك )

الحقيقة الكورولا هي السهل الممتنع ...

وانا كمان كلمت محمد هانى وتعبته معايا وشكلى كدا اقتنعت بالكورولا وان شاء الله ربنا يسهل
والف مبروك الكورولا الجديده وربنا يحفظها ليك

**Mohamed.Hany** · 25-05-2014 02:32 PM

بالتوفيق يا جماعة لكل اللي استلم و اللي حاجز يستلم علي الف خير.

**ahmed_m_ashraf** · 25-05-2014 03:55 PM

إنت هتقوللي ههههههه .. بس بيني وبينك لما بحسبها بلاقي شوية الدلع والأمان إللي في الهاي لاين مغريين:
- ٧ إيرباجز مستحيل تضيفهم بعد كده
- سمارت كي برضة أوبشن ظريف جدا
- الdvd التاتش الفابريكة كل البدائل بتاعتة حاليا صيني ومظنش ممكن تقارن صوتها بصوت الفبريكة وجودة واجهة الإستخدام .. هو أه الصيني أوبشن كتير بس جودة أضعف أظن.
- الكاميرا الخلفية الفبريكة أكيد أفضل وأدق من الحاجت الصيني إللي ممكن تكون المقاسات عليها مش مضبوطة زي ماتكون نازلة مع لعربية.
- سنسور إضائة ومساحات .. دلع :)
- رشاشات فوانيس
- مرآة ذاتية التعتيم
- وأكيد شوية تفاصيل صغيرة

الفرش برضة كان شاغلني .. بس أظن لو إختارت لون فرشة إسود المشكلة دي هتتحل بشكل كبير .. وممكن تعمل فرش للكنبة الخلفية بس وتختار خاوم ولون نفس لون الفرش الأصلي. الإيرباجز في الكراسي الأمامية بس.