العربيه بتنتش

**dr/amr abel** · 23-05-2014 03:45 AM

السلام عليكم يا رجاله
انا معايا ميجن 2005 عامله 100000 كيلو بالها معايا سنه
غيرتلها بس كوع ميه عشان كان بيسرب وبيسخن العربيه
دلوقتي المشكله اللي بتحصل معايا بتحصل على فترات
لما اجي ادوس بنزين للاخر علشان اعمل كيك اوف تيجي النقله تعلق عند الار بي ام 5 وتعود تنتش كأنها مكتومه وبعدين تفوك وبعدين ترجع تنتش تاني لو بطلت العربيه ودورتها بتبأه عاديه وحاسس ان سحب العربيه اضعف سنه صغيره لكن بتجيب 170 عادي الموضوع اكتر لما اكون مشغل التكييف وماشي مشوار طويل.كمان لمبة الاستوب والهاند بريك بتنور وتطفي لما اهدي للمطب.للعلظ الموضوع بدأ لما عوامة البنزين علقت فمره رفصلت مني بنزين.كمان الشكمان في خرم وبينفس.يترى دي بوجيهات ولا حساس بنزين ولا حساس شكمان ولا ايه؟

**ahmedfouad** · 23-05-2014 04:33 AM

المشاركة الأصلية كتبت بواسطة dr/amr abel

لما اجي ادوس بنزين للاخر علشان اعمل كيك اوف تيجي النقله تعلق عند الار بي ام 5 وتعود تنتش كأنها مكتومه وبعدين تفوك وبعدين ترجع تنتش تاني

فك طلمة البنزين ونظف الفلتر بتاعها من جوة التانك واخبار الفلتر الخارجى ايه مغيره امتى ؟

كمان لمبة الاستوب والهاند بريك بتنور وتطفي لما اهدي للمطب

زيت الفرامل ناقص ومع الفرامل العوامة بتلعب فاللمبة بتنور اكشف على دورة الفرامل اكيد فى تسريب لو الزيت ناقص وما تسكتش على الفرامل واهتم

للعلم الموضوع بدأ لما عوامة البنزين علقت فمره رفصلت مني بنزين

ده بيأكد موضوع تنظيف الفلتر الداخلى بتاع الطلمبة داخل التانك اللى قولتلك عليه فوق

كمان الشكمان في خرم وبينفس

وجود خرم فى الشكمان يقلل السحب ويسخن العربية ويزود استهلاك البنزين

ياريت تنظف فيش ال ECU بمنظف جاف وده مهم

البوجيهات بتتغير كل 20.000 كم
فلتر الهواء غيره كل 10.000 كم
فلتر البنزين غيره كل 10.000 كم لو العادى
ولو الاصلى الاصلى :) كل 30.000 كم
وابقى طمنا عملت ايه

**dr/amr abel** · 23-05-2014 12:57 PM

الف الف شكر يا استاذ احمد هعمل الحجات دي بكره واقلك اثلي رحت الميكانيكيون العرب وقعد يقلي سنسور اكسيجين وظعرفش ايه بس ليا استفسار ايه هي فيش الي سي يو دي

**ahmedfouad** · 23-05-2014 04:00 PM

على ايه يا باشا كلنا هنا اخوات
ال Ecu هو الكمبيوتر

**dr/amr abel** · 23-05-2014 04:55 PM

ربنا يخليك يا باشا بس هو لازم حد بتاع رينو ينضفه ولا لازم حد،بتاع رينو واجيب المنظف منين. والبوجيهاات بتاعت الرينو عاديه ولا لازم من عند حد بتاع رينو

**ahmedfouad** · 23-05-2014 08:32 PM

المشاركة الأصلية كتبت بواسطة dr/amr abel;3875590505

بس هو لازم حد بتاع رينو ينضفه

[COLOR="Blue"

المشكلة مش مين ينظفه تنظيفها سهل بس المشكلة فى فك صامولة التانك وهى فيبر[/COLOR]
وليها زرجية على مقاسها بتركب عليها وبتتفك قلاووظ وبعدين تطلع الطلمبة بالقلب ..
لو تقدر تيجى بيها صقر قريش فى كهربائى محترف فيها اسمه الحمد فى نص ساعة بيعملها
ومصنعيته 50 ج وبيرجع كل حاجة زى ما كانت

واجيب المنظف منين

مش محتاج منظف هو بيبقى زى وبر كده على الشبكة (الفلتر) بتاع الطلمبة بيتشال بالايد وبعدين بيغسلها وينفخها بالهواء

والبوجيهاات بتاعت الرينو عاديه ولا لازم من عند حد بتاع رينو

لازم حد بتاع رينو وموجودة عند عادل فى صقر قريش جنب الكهربائى وبتتغير المفروض على 20.000 كم
بس هو هيقولك غيرها على 10.000 كم
لكن انت غيرها على 15.000 كم