بفكر اجيب ساجا اتوماتيك بس ناس خوفونى من قطع الغيار و الصيانة و اسعارها
هل من تعليق ؟؟؟
عرض للطباعة
بفكر اجيب ساجا اتوماتيك بس ناس خوفونى من قطع الغيار و الصيانة و اسعارها
هل من تعليق ؟؟؟
شوف اي بديل يكون له انتشار
الساجا واقعه في مبيعاتها
قطع غيار بروتون مش غالية و الصيانات مش غالية و قطع الغيار منتشرة برة التوكيل جديد و استيراد و طبيعي تكون غالية جوة التوكيل(اي عربية كدة) و عناوين المحلات موجودة في المواضيع المثبتة.
عدم الانتشار جاي من انهم مش بينتجوا كمية كبيرة و لكن الساجا انتشرت و بقيت اشوفها كتير.
بصيت علي لوجان الجديدة ؟
اولا الساجا هى افضل سياره فى فئتها .. يعنى تمنها فيها زى ما بيقولوا يعنى مفيش قرش هيترمى ع الارض
ثانيا موضوع الانتشار ده حضرتك جانبك الصواب فيه ....انا من اوائل الناس اللى ركبت ساجا فى مصر من يناير 2010 والعربيه فعلا قعدت بتاع سنتين مش معروفه لكن دلوقتى انا بقيت اتكعبل فيها كتير جدا
قطع الغيار بقت موجوده فى محلات كتير بره التوكيل وباسعار اقل من النص بمراحل فى شارع دمشق والتوفيقيه
واخيرا بحمد ربنا انه وفقنى لاختيارها ولو رجع بيا الزمن تانى كنت هشتريها بردو وناوى ان شاء الله لما ربنا يكرمنى واشترى حاجه عاليه مش هأبيع الساجا ان شاء الله لان خساره عربيه زى دى الواحد ممكن يفرط فيها
أنا برده بفكر أجيبها أتوماتيك..هل هي لسه متاحة ولا الشكل الجديد نزل؟ و الأوتوماتيك يتاعها حد جربه؟ كويس ولا فيه مشاكل ؟
عربية زي الفل ... توكل على الله ولا تقلق
أنا العربية معايا بقالها أقل من 3 سنين ... كل 4 أيام بسافر رايح جاي الأسكندرية ( شغلي هناك ) ... العربية ثبات ممتاز تحكم كويس جدا ... إستهلاك البنزين مش وحش ولا حلو ... بس تحت المتوسط مقارنة بعربيات تانية ... ماتور قوي فعلا ... الفتيس أنا بسقط نقلات بيه ( رغم إنه أتوماتيك ) ... التكييف رائع ... العزل فوق المتوسط ولكن مش عاجبني أوي ... التقفيل محصلش معايا فيه أي مشكلة ( هيا موديل 2012 بس أنا جايبها آخر 2011 ) بتبقى حاجات هبلة ... التوكيل زي الزفت في مواعيده وقطع غياره وهوا ده عيبها ... بس أنا بطلت أتعامل مع التوكيل وبقيت بتعامل مع مراكز معتمدة من التوكيل وصراحة زي الفل ... زي أوتو ماجد في جسر السويس ... ناس شغلهم زي الفل ومحترمين جدا ... وأرخص بكتير من التوكيل ...
وموضوع قطع الغيار بتاع التوكيل ... إنت بتتذل بس لو لا قدر الله عندك حاجة في العربية عايزة تتغير في الضمان ... يعني بيقرفوك شوية عقبال لما الحاجة تيجي ... غير كدة لو حاتجيبها من برة موجودة بكثافة ماتقلقش
وفيه جروب على الفيس بوك لقطع غيارها الاصلية والهاي كوبي ... والحاجة بتجيلك لحد البيت
وأبقى دور على جروب الساجا على الفيس بوك ... حتستفيد منه كتير ... أنا معنديش فيس بوك في الشغل كنت حاطيطلك اللينك ... بس دور عليه حتلاقيه
ممكن اراء اخرى للسادة الاعضاء مالكى الساجا الاوتو