بالنسبه لحضرتك ماتجبش الثيرموسويتش (حساس او مفتاح توصيل كهربائي حراري ) الايطالي بتاع 128 دا مابيعدش شهرين هات الاسباني وماركته اسمها fae دا اولآ
ثانيا بالنسبه لحضرتك وصاحب الموضوع
هات ثيرموستات كوعه داخلي (ودي نوعها حركي حراري) و وظيفتها انها تثبت درجة الحراره للمياه في الموتور عن طريق حجزها ( تحجز الميا جوا الموتور لغايه درجه معينه )
بتشتغل من خلال ماده شمعيه مكبوسه جواها بتسيح مع الحراره فالسائل يتمدد ويتقلص بالحراره و السوسته بتاعتها تضغط على الصمام فتقفله وتفتحه
اول درجه هاتفتح جزئيا او تبدأ تفتح عندها تاني درجه الصمام بيفتح بالكامل للمياه عشان تروح للراديتير عشان تبرد
ومكانها راكب في الكوعه وشكلها او نوع الكوعه هتلاقي منها نوعين المونيا ناشفه ( سبيكه من معادن مختلفه ودي هتلاقيها استيرد لو مالقتش وفق لها واحده ) او وصله فبر ودي احسن ودي بتتركب على وش الكوعه (وممكن تعملها بشغل مواسير البي في سي او البروبلين البلاستك لو مش عايز تكلف او تدور على شغل الاستيراد)
وفايدتها او مميزاتها
1 : تثبت درجة حرارة تشغيل الموتور بحجزها للمياه جوا الموتور في اي وقت صيف شتا بالليل صبح في الزحمه وانت على سرعة 160 يعني في كل الظروف درجة حراره الموتور ثابته لابيسخن فايبوز ولا بيبرد فيختسع كمان هتلاقي الموتور عندك معدل حرقه واستهلاكه للبنزين بقى ثابت واتحسن اكتر لو الموتور كهربته ودورة الوقود مزبوطه
2 : بتدي فرصه اكتر للمياه اللي محجوزه في الراديتير انها تبرد سواء بفعل المراوح او الهوا وانت على سرعه في طريق مفتوح بالتالي هاترفع من كفائه تبريد الموتور
3 : هتقلل عدد مرات تشغيل المراوح لان المياه الي محجوزه في الموتور ابرد (في حالة عدم وجودها زي ما معظم الصنايعيه بينصحوا بفكها وشيلها ولاغيها نهائيا ) وهتاخد وقت على ماتسخن ودا هيديك عمره اطول للبطاريه ومابتحملش على الدينمو وبالتالي بتخف الحمل عن الموتور على المدى الطويل سواء من خلال الدينمو او الحراه الزياده
عيوبها :
عيب وحيد : لو باظت يبقى هاتتغير الا هتلاقي الموتور بيسخن بسرعه جدا لان المياه بتتحجز جواه وبتتمنع من الدخول للراديتير
انا عندي تعديل لصاحب الموضوع ممكن يكون مفيد ويعجبكم انه يفصل شغل الحساسين عن بعض من خلال انه يضيف مروحه زياده جنب القديمه لو المكان يسمح ويشغل كل واحده على سرعه من خلال احتلاف درجه حراره الثيرموسويتش(الثيرموستات الكهربا)