الرجاء المساعدة من الخبراء

**خالد رياش** · 23-05-2014 08:30 PM

السلام عليكم أعضاء المنتدى الكرام :
أريد شراء سيارة لأول مرة وأفكر في بروتون ساجا أو برسونا أستطيع دفع 50% من قيمة السيارة وتقسيط الباقي لكن أنا في حيرة هل أشتري بروتون أم أشتري فيرنا أو أكسنت 2006 أو 2007 أم لانسر 2006 مع العلم أني موظف معظم استخدامي سيكون داخل المدينة وممكن أن أسافر على فترات بعيدة بالسيارة ومقيم في شمال سيناء برجاء الأفادة ولكم جزيل الشكر

**خالد رياش** · 24-05-2014 08:11 PM

فينكم يا رجالة مفيش حد موجود لعل المانع خير

**mohamedyounis** · 25-05-2014 10:58 AM

اعتقد ان البروتون هي الامتن والاكثر اعتمادية وستكون افضل من الاكسنت لو هاتشتري زيرو .. معرفش افيدك بخصوص اللانسر 2006 ولكن الناس بتشكر فيها وهاتكون حسب الحالة لأنها مستعملة

المشكلة عندك مع البروتون هاتكون في الصيانة او وجود ميكانيكي بيفهم فيها عشان هي ساعات بتحتاج حاجات صغيرة من وقت لأخر ....

شوف كده موضوعات الزملاء عن المقارنة بين البروتون وغيرها وربنا يوفقك

**خالد رياش** · 26-05-2014 10:29 AM

جزاك الله خيرا أخي محمد على ردك واهتمامك بالموضوع

**خالد رياش** · 27-05-2014 10:22 AM

فينكم شباب بروتون المميزين

**Omar Mahmoud** · 27-05-2014 04:25 PM

البيرسونا افضلهم و لو بروتون يبقي بيرسونا بلاش الساجا مش لانها سيئة لكن لانها فئة تانية خالص غير البيرسونا لكن بغض النظر عن حكاية الفئة هي كويسة جدا.بس الاهم من ده كله شوف في شمال سيناء توكيل للعربية او محل بيبيع قطع غيار العربية في سيناء او في مكان تقدر تروحه لان انا معرفش عنها اي حاجة في سيناء.و اسف للاطالة

**خالد رياش** · 27-05-2014 10:13 PM

بارك الله فيك أخي عمر وجزاك الله خيرا على الإفادة.
اللي أنا أعرفه إن أكتر حاجة حاجة عندنا هي الكوري والمسافة بيني وبين القاهرة 350 كم أو الإسماعلية 190كم بس معرفش هل فيها مرتز خدمة أو محلات قطع غيار وياريت لو حد عنده معلومات بخصوص البروتون في الاسماعلية
زي م حضرتك رشحت البرسونا أنا ميال ليها كتير ومفضلها على غيرها ومش حاسس إن في مشكلة في السفر للصيانة في القاهرة كلها 3 ساعات للقاهرة سفر يعني كل فين وفين خاصة إن تحركاتي قليلة

**Omar Mahmoud** · 27-05-2014 10:33 PM

المشاركة الأصلية كتبت بواسطة خالد رياش

بارك الله فيك أخي عمر وجزاك الله خيرا على الإفادة.
اللي أنا أعرفه إن أكتر حاجة حاجة عندنا هي الكوري والمسافة بيني وبين القاهرة 350 كم أو الإسماعلية 190كم بس معرفش هل فيها مرتز خدمة أو محلات قطع غيار وياريت لو حد عنده معلومات بخصوص البروتون في الاسماعلية
زي م حضرتك رشحت البرسونا أنا ميال ليها كتير ومفضلها على غيرها ومش حاسس إن في مشكلة في السفر للصيانة في القاهرة كلها 3 ساعات للقاهرة سفر يعني كل فين وفين خاصة إن تحركاتي قليلة

http://www.nilemotors.net/Nile/103347-a.html
http://www.nilemotors.net/Nile/163312-a.html
اهم حاجة تجرب تسوقها الاول و شوف التقارير بتاعت ملاك العربية اللي موجودة في المنتدي علشان متتقفلش منها لو لقيت حاجة مثل عيب صناعة فردي ودا موجود في كل العربيات علشان متتقفلش منها و بالتوفيق

**خالد رياش** · 28-05-2014 10:45 AM

جزاك الله خيرا أخي عمر على اهتمامك بالموضوع والجهد المبذول بالفعل استفدت كثيرا من الروابط المضافة بس أنا لاحظت الكلام على الموديلات حتى 2010.
ياريت لو حد من ملاك الموديلات الحديثة يفيدنا أو يعرف أماكن قطع الغيار في الاسماعلية أو بورسعيد لأنها هي الأقرب بدلا من السفر للقاهرة

**Omar Mahmoud** · 28-05-2014 12:35 PM

المشاركة الأصلية كتبت بواسطة خالد رياش

جزاك الله خيرا أخي عمر على اهتمامك بالموضوع والجهد المبذول بالفعل استفدت كثيرا من الروابط المضافة بس أنا لاحظت الكلام على الموديلات حتى 2010.
ياريت لو حد من ملاك الموديلات الحديثة يفيدنا أو يعرف أماكن قطع الغيار في الاسماعلية أو بورسعيد لأنها هي الأقرب بدلا من السفر للقاهرة

تحت امرك
هي العربية نفسها مفيش فيها فرق غير في الشكل يعني الفانوس اللي ورا متغير و الكاسيت متغير بس كده.
انما قطع الغيار انا معرفش الحقيقة بس إن شاء الله حد يفيدنا.