برجلة في موتور كليو 1.2

**Hesham256** · 23-05-2014 09:19 PM

السلام عليكم يا رجالة الرينو.

دي أول مشاركة لية في قسم رينو وللأسف في مشكلة في عربية الوالدة موتور 1.2 16v موديل 2003.

العربية مؤخرا مكنتش كويسة خالص ولسه مغيريين طلمبة البنزين وحساس كرنك وحوارات كده.

المهم المشكلة حالياً إن مع تشغيل التكييف والعربية واقفة الموتور بيبقي مبرجل كده وتحس ان العربية عايزة تبطل ولما تزود بنزين البرجلة بتروح.

أنا بصيت علي خرطوم الهواء اللي داخل عالفلتر ولقيتو مقطوع وحالته يرثي لها وغالباً فلتر الهوا عايز يتغير لأنها بقالها كتير أوي مغيرتوش. ممكن يكون ده السبب ؟ بس أعتقد أنه كان مقطوع من فترة طويلة ومظهرتش المشكلة دي غير قريب بس.

ايه حلها البرجلة دي يا رجالة ؟
و شكراً مقدماً.

**ahmedfouad** · 23-05-2014 11:08 PM

بص يا باشا ..
المفروض لما بتشغل التكييف فى (وحدة) او (حساس) فى الموتور
بيبعت اشارة للكنترول ان التكييف اشتغل
وبالتالى لازم فى حاجة لازم تعوض حمل التكييف على السلانسيه
فيرفع عدد اللفات بمقدار معين
بحيث ان الموتور يكون ثابت على نفس عدد اللفات على السلانسيه مع التكييف
الوحدة دى اكشف عليها .. غالباً المشكلة فيها

بس جرب الاول تغير فلتر الهواء لانه الاسهل وكدة كدة لازم يتغير وتغيير هام للغاية كل 10.000 كم

**Hesham256** · 24-05-2014 02:05 PM

المشاركة الأصلية كتبت بواسطة ahmedfouad

بص يا باشا ..
المفروض لما بتشغل التكييف فى (وحدة) او (حساس) فى الموتور
بيبعت اشارة للكنترول ان التكييف اشتغل
وبالتالى لازم فى حاجة لازم تعوض حمل التكييف على السلانسيه
فيرفع عدد اللفات بمقدار معين
بحيث ان الموتور يكون ثابت على نفس عدد اللفات على السلانسيه مع التكييف
الوحدة دى اكشف عليها .. غالباً المشكلة فيها

بس جرب الاول تغير فلتر الهواء لانه الاسهل وكدة كدة لازم يتغير وتغيير هام للغاية كل 10.000 كم

انا غيرت الفلتر والموتور فاق وسحبه اتحسن كتير, بس لسه بيبرجل لما العربية تسخن وتبقي واقفة.

أنا حطيت كمان منظف رشاشات يمكن يكون في واحد مسدود ولا حاجة بس لسه مجربنهاش من ساعتها.

ورحت التوكيل وكانوا عايزين يبيتوا العربية عندهم عشان يشوفوا المشكلة فين !!!!! فطبعاً رفضت.

أنا بصيت عالشكمان ولقيتوا بيتفتف كده وبيتهز جامد عاملة زي متكون العربية شرقانة.

ممكن بوجيهات ؟؟ موبينة؟ سلوك بوجيهات ؟.
مش عارف ابص فين ولا فين وطبعاً الأسعار مش عارف مالها. فلتر الهوا جبته ب113 جنيه !!!!!
المشكلة دي ماقبلتش اي حد؟؟

**ahmedfouad** · 25-05-2014 12:08 PM

المشاركة الأصلية كتبت بواسطة hesham256

انا غيرت الفلتر والموتور فاق وسحبه اتحسن كتير, بس لسه بيبرجل لما العربية تسخن وتبقي واقفة.

أنا حطيت كمان منظف رشاشات يمكن يكون في واحد مسدود ولا حاجة بس لسه مجربنهاش من ساعتها.

ورحت التوكيل وكانوا عايزين يبيتوا العربية عندهم عشان يشوفوا المشكلة فين !!!!! فطبعاً رفضت.

أنا بصيت عالشكمان ولقيتوا بيتفتف كده وبيتهز جامد عاملة زي متكون العربية شرقانة.

ممكن بوجيهات ؟؟ موبينة؟ سلوك بوجيهات ؟.
مش عارف ابص فين ولا فين وطبعاً الأسعار مش عارف مالها. فلتر الهوا جبته ب113 جنيه !!!!!
المشكلة دي ماقبلتش اي حد؟؟

تقطيع العربية مع التكيف قلتلك سببه فوق
وممكن سبب تانى (البوجيهات لو ضايعة)
وعدى عليها اكتر من 20.000 كم
فلتر الهوا نمرة واحد 40 جنيه !!!
نمرة اتنين فى الجودة 35 جنية
نمرة 3 30 جنيه
مش الرقم اللى حضرتك كاتبه خالص
تحياتى

**Hesham256** · 25-05-2014 03:29 PM

المشاركة الأصلية كتبت بواسطة ahmedfouad

تقطيع العربية مع التكيف قلتلك سببه فوق
وممكن سبب تانى (البوجيهات لو ضايعة)
وعدى عليها اكتر من 20.000 كم
فلتر الهوا نمرة واحد 40 جنيه !!!
نمرة اتنين فى الجودة 35 جنية
نمرة 3 30 جنيه
مش الرقم اللى حضرتك كاتبه خالص
تحياتى

مهو التوكيل كشف عالوحدة وقالي مفيش حاجة وكان عايز يبيتها عنده.

فلتر الهوا أنا جايبه من التوكيل برضه (الميكانيكيون العرب) وبالسعر اللي أنا كاتبه!!!!!!

**ahmedfouad** · 25-05-2014 04:04 PM

حرام والله .. ده استعباط الاسعار دى !!

**albasha** · 27-05-2014 09:03 AM

شوف كده الفيديو ده وجرب مش هتخسر حاجه مفتاح 10 ومنظف إلكترونيات جاف أكاي أو ما شابه وتخليك حريص وانت بتفك الفيشه لإنها راكبه بكلبس وتنضفه كويس وتنضف الفيشه وترجع تركبهم وقبل كل ده تكون فاكك كابل السالب بتناع البطاريه وبعد لما تخلص ترجع تركبه تاني
ده حساس الكرنك مشكلته إنه مسئول عن حاجات كتير منها ضبط التوقيتات ومنها إشارة التشغيل
يعني لو العربيه بتقطع بيكون له دور
العربيه بتبرجل بيكون له دور مع الموبينه
العربيه مش عايزه تدور بيكون له دور مش بيمرر إشارة التشغيل ( وده أحد الأسباب لإن في أسباب كتير ان العربيه مش تدور )

https://www.youtube.com/watch?v=3Bu-E5HQqjI