عايز اشتري عجلة (مهتم جدا)

**nabiiiiil** · 24-05-2014 02:17 AM

السلام عليكم يا رجالة
دورت عن موضوعات كتير بخصوص العجل بس للاسف موصلتش لحاجة
كنت عايز اشتري عجلة في حدود 2000 بس واضح ان الموضوع صعب شوية
انا بركب عجل من زمان بس كنت بشترى العجل من ابو 500 جنيه من ابوالجوخ و العجل الشعبي دا
المرة دي الموضوع اختلف شوية و عايز اشتري Mountain Bike تكون Hardtail بس معرفش اي حاجة عن الانواع اللي بتتباع في مصر
اهم حاجة بالنسبة لي تكون خفيفة لاستخدام شبه يومي و تستحمل شوارعنا الجميلة, و اعملها صيانة فين لو حصلها حاجة
لو حد عنده معلومات عن العجل في مصر ياريت يفيدنا لو بصور او معلومات و مميزات و عيوب و كدة

نفسي يجد الموضوع دا ياخد حقه في المنتدي لاني مش لاقي حد بيتكلم فيه خااااالص
اسف علي الاطالة و ياريت نستفيد من حضراتكم :)

**svneleven** · 24-05-2014 06:40 AM

لا دا كان فيه من مدة كده موضوع عالمي عن العجل و الماركات و الأنواع و الأسعار لكن مش فاكر اسمه حتي. دور شوية ممكن تلاقيه. و أنا لو لقيته هبعتلك ال لينك.

**automea** · 24-05-2014 07:43 AM

اناكنت متابع فترة وسبت الموضوع على الفيس فيه كذا جروب خاص بالحجات دي وفيه ناس بتعرض العجل بتاعها للبيع هشوفلك الجروبات دي وابعتهالك وهسالك واحد صحبي مهتم بالموضوع ده

**Land_Cruiser** · 24-05-2014 10:40 AM

حضرتك الموضوع يستحسن يبقي علي خطوتين : الخطوه الاولي تاخد فكره عن المواصفات و الاختلافات و الأنواع بحيث انك تقدر تميز بين الغالي و الرخيص و ايه التكنولوجيا في المجال ده اما الخطوه التانيه فهي انك تبدأ تدور علي اسعار اللي هتستقر عليه

للخطوه الاولي : بص علي الموقع الممتاز ده علشان يديلك فكره عن المواصفات و الفروق بين الأنواع و الموديلات الموجوده هنا في مصر و كمان يساعدك في اختيار الانسب لك كمواصفات بدون اسعار

Buying a mountain bike in Egypt: a beginner’s guide |

للخطوه التانيه استخدم الموقع ده بعد ما تحدد المواصفات اللي هتحتاجها و هتلاقي فيه عناوين و تليفونات و مواقع اغلبيه المحلات اللي بتبيع العجل و بعضهم هتلاقيه حاطط الاسعار او ممكن تبقي تكلم اللي تلاقي عنده اللي بتدور عليه و تسأل عن الاسعار

Bike Shops in Cairo - The Cairo Bike Scene

**nabiiiiil** · 24-05-2014 04:39 PM

المشاركة الأصلية كتبت بواسطة automea

اناكنت متابع فترة وسبت الموضوع على الفيس فيه كذا جروب خاص بالحجات دي وفيه ناس بتعرض العجل بتاعها للبيع هشوفلك الجروبات دي وابعتهالك وهسالك واحد صحبي مهتم بالموضوع ده

ياريت والله تبقي عملتلي خدمة كبيرة فعلا
شكرا للاهتمام

**nabiiiiil** · 24-05-2014 08:15 PM

المشاركة الأصلية كتبت بواسطة land_cruiser

حضرتك الموضوع يستحسن يبقي علي خطوتين : الخطوه الاولي تاخد فكره عن المواصفات و الاختلافات و الأنواع بحيث انك تقدر تميز بين الغالي و الرخيص و ايه التكنولوجيا في المجال ده اما الخطوه التانيه فهي انك تبدأ تدور علي اسعار اللي هتستقر عليه

للخطوه الاولي : بص علي الموقع الممتاز ده علشان يديلك فكره عن المواصفات و الفروق بين الأنواع و الموديلات الموجوده هنا في مصر و كمان يساعدك في اختيار الانسب لك كمواصفات بدون اسعار

buying a mountain bike in egypt: A beginner’s guide |

للخطوه التانيه استخدم الموقع ده بعد ما تحدد المواصفات اللي هتحتاجها و هتلاقي فيه عناوين و تليفونات و مواقع اغلبيه المحلات اللي بتبيع العجل و بعضهم هتلاقيه حاطط الاسعار او ممكن تبقي تكلم اللي تلاقي عنده اللي بتدور عليه و تسأل عن الاسعار

bike shops in cairo - the cairo bike scene

شكرا علي المساعدة فعلا الموضوعين دول فهموني حاجات كتير