مشكلة نقص الماية..فيرنا 2010

**p r i n c e** · 24-05-2014 02:25 PM

سلام عليكم
عربيتي فيرنا 2010 ماشية 27 ألف كيلو
تقريبا ف الشتا اللي فات دا العربية منقصتش نقطة ماية
من أسبوع تقريبا فتحت الكبوت اتطمن على الماية لقيتها ناقصة جامد ف القربة بدون أي مقدمات مع اني كنت باصص عليها قبلها ب يومين
فتحت غطا الرادياتير أشوف فيه ماية ولا لأ لقيت الرادياتير كله صدا من جوا بسبب اني كنت بستخدم ماية الحنفية
المهم رحت ل ميكانيكي معرفة غسلي دورة التبريد و حطيت ماية خضرا بدل ماية الحنفية
ركنت العربية لحد تاني يوم و فتحت الرادياتير أشوفه لو ناقص ماية ممكن تكون دخلت ل جوا ف باقي اجزاء دورة التبريد، زودت الرادياتير ماية و بعدها ب كام ساعة رحت مشوار 10 كيلو كدا و ركنت العربية و تاني يوم قلت اشوف الماية لقيتها ف القربة منقصتش و الرادياتير كان ناقص جامد تقريبا أخد نص لتر
دا ممكن يكون تسريب من الرادياتير ولا إيه بالظبط؟
آسف على الإطالة و أرجو الرد لخطورة الموضوع
أنا راكن العربية بقالها اسبوع مش بتحرك بيها بسبب الموضوع دا
و شكرا مقدما

**shiko85** · 24-05-2014 06:21 PM

وعليكم السلام ورحمة الله وبركاته
فيه تسريب فالرادياتير زود المياه تانى و دور العربيه و شوف التسريب فين
المفروض لما المياه تقل فالرادياتيرالمياه تنتقل من القربه للرادياتير