الموضوع: حادث في السبع زهراء المعادي

المشاركة الأصلية كتبت بواسطة ibrahimsaad

كان الله فى عونك وبصراحه منتهى الاهمال

ربنا يستر بس و تطلع زي ما كانت

المشاركة الأصلية كتبت بواسطة mohammed fadl

رايي ان حضرتك اهم حاجه تتاكد ان الخبطه مسمعتش في العربية في الشاسيه او حاجه من اللي بتقطم تمن العربيه دي لان لو حاجة زي كده حصلت المفروض حضرتك متسكتش الا لما يغيرولك العربية تماما
وربنا يكون في عونك و الحمد لله انها جت مع ناس تعرف تتكلم معاهم مش سواق بره اللي عمل فيك كده و مش هتعرف تاخد منه حق ولا باطل

تحياتي
فعلا الواحد خايف انها تكون مسمعة في الشنطة جامد علشان في فرق بين الشنطة والفانوس بعد الخبطة
ربنا يسطر

المشاركة الأصلية كتبت بواسطة beshoyyy

تحياتي للجميع
معايا تيدا 2013 سيدان
لسه عامل صيانة 10000 ك في السبع و روحت بعد اسبوع علشان صوت في الفرامل
و بعدين المهندس جالي و قالي معلش العربية اتخبطت و هي بتتغسل تعالي شوفها
روحت لاقيت الفانوس الخلفي مكسور و الاكصدام الخلفي مكسور و الشنطة مخبوطة و داخلة للداخل
بجد حرام عربية عاملة 10000 ك و يحصل فيها كدة .
يرضي مين بجد . يرضي مين بجد ؟؟؟؟
مش كفاية الفلوس اللي بتدفع في الصيانة كمان العربية تخبط بالمنظر دة
انا سيبت العربية وهستلمها كمان يومين . و بعد الاستلام هقولكم علي اخر الاخبار بعد التصليح
و لو حد عندة راي في الحصل يا ريت يقولة
شكرا

انا بجد مش قادر اصدق الحادث البشع ده... ده توكيل ده ولا ورشة هواة ... يعنى انا اروح اصلح البابين والرفرف اللى مخبوطين عندى يخبطولى الشنطة والفانوس .. ده هم ايه ده يرضى مين بجد ... يرضى مين بجد؟؟؟ زى مانت بتقول والله

يا استاذ بيشوى ماتسكتش على حقك واعملهم فضيحة وان وصلت كلم نيسان فى اليابان او فى دبى .. طالما انهم مش عارفين ينقوا التوكيل ولا عنده قطع غيار حاضره ولا شنط ولا بيبان يبقى لأ ... البلد بتتغير للاحسن والنهاردة انتخابات واحنا كمان لازم نتغير .. وياريت لو تحط صور توضيحية للحادث ونشوف الجزء اللى دخل للداخل حجمه قد ايه ... وكلنا نشترك مع بعض فى الشكوى

المشاركة الأصلية كتبت بواسطة yasnme

يا ريت تطلب تقرير بالحادث مكتوب فية مفصلا ما حدث عنهم و التاثير الذى حدث على السيارة وكيفية علاج الحادث ( القطع التى تم اصلاحها و القطع التى تم تغييرها) و بعد ذلك يتم عرض السيارة على نيسان مصر و اعطاءك تقرير بحالة العربية و فى هذة الحالة تقبل العربية
افتكر كويس بمجرد استلامك العربية محدش هيعرفك بعد كدة و اول كلمة هتتقال مش حضرتك [overline][overline]مضيت [/overline][/overline]على استلام العربية
و ياريت الموضوع كلة يكون موثق بورق و امضاءات و اوعى تمضى بالساهل لازم تكون مطمن مليون فى المية ان عربيتك سليمة
عامة السبع توكيل محترم بس دة ميمنعش انك تاخد حذرك
التوثيق مهم لان لو حصل حاجة بعد كدة بسبب الحادث تقدر تحاسبهم عليها و شكرا

ربنا يوفقك للصالح

الله ينور عليك و تحياتي لحضرتك
فعلا دية حل ممتاز انا هروح انهاردة اشوف العربية و معايا واحد فني شغال في قسم السمكرة في مصنع سيارات كبير
و هطلب التقرير بعد ما اكشف علي العربية
شكرا و تحياتي

المشاركة الأصلية كتبت بواسطة msanad

بص يا فندم
الحمد لله اولا على كل شىء بس كان حضرتك لازم تعمل الاتى:
1 - اولا تقرير فنى موقع من مدير الصيانة او مدير خدمة العملاء بالحادث موضح فيه تفاصيل الحادث وانه مسئولية التوكيل ولو تم المماطلة او الرفض قولهم انا هطلب النجدة تعملى محضر حالا هنا.
2 تحديد ميعاد للتصليح - فى الحالة لو اخدت اكتر من يوم عمل بعد يوم الاصلاح يتم توفير سيارة لحضرتك بديلة لحين اصلاح سيارتك.
3 اقرار من المركز بأن اصلاح التلفيات سيكون عن طريق استبدال القطع او الاجزاء الهالكة وليس الاستبدال . وتحميل توكيل السبع اى اضرار فى السيارة حدثت او ستحدث للسيارة نتيجة الحادث
4 - بعد عملية الاصلاح يتم عمل تقرير عن طريق نيسان مصر ( بعد الاتصال بهم واعلامهم بالشكوى والحادث) يوضح ان كل الاضرار التى حدثت تم علاجها واستبدال وليس تصليح الاجزاء الهالكة.
5- جزء بقى لأرضاء العميل - يتم عمل صيانات او تخفيضات على الصيانات لمدد حسب ما تقدر توصل معاهم وانت وشطارتك.

تحياتى

تحياتي
فعلا الحل دة ماجاش في بالي مطلاقا
انا هطلب تقرير و بالنسبة للتعويض انا عمري ما هروح عندهم تاني توبة ... علي اه اخسر فلوسي تاني دة فشل اداري و فشل فني
شكرا وتحياتي