الموضوع: السيارة وجهاز كشف الاعطال

اين المشكلة لان المهندس محمد عاطف لما قالي في البداية اية المشكلة وقلت له العربية مخنوقة وعاوز اكشف بالجهاز لمعرفة السبب ودورت العربية وسمع الصوت وقال هي كده كويسة بس العربية دية نزلة فبريكة كدة فيها الخنقة دية وتحس انها مأخرة كهربا وكان لازم تقديم الشرارة غير العربيات الكربرتير تقدر تتحكم في بالكهرباء والبنزين وانا عاوز اعرف عدم القراءة سببه اية لان سبق منذ سنتين ان كشفت عليها عند واحد بالعصافرة اسمه خالد اوكتافيا وكانت البيانات ظاهرة علي اللاب توب

المشاركة الأصلية كتبت بواسطة المنسي

ماهو علشان العربية انجكشن لازم تتشاف بالكمبيوتر علشان لو البوابة اللى ركبتها فيها حاجة تبان وكمان لو فيه حاجة تانية تظهر برده على الجهاز

والله انا نفسي الموضوع ده يتم علشان الواحد يعرف السبب ويستريح ولكن علي ما اظن السبب مش البوابة هو الارجح والاغلبية ان السبب شيئ في سكة البنزين وان شاء الله قبل الذهاب لوضعها علي الجهاز مرة اخري ساقوم بتغيير فلتر البنزين اللي مركون معي بالسيارة داخل علي اربع اشهر ويمكن اكثر

الاخ منسي بالحق بس انت ليه ماردتش عن الاستفسار الخاص بالمروحة

انا لسة داخل من باب الشقة وقلت احكلكم ما حصل كان في ميعاد اليوم مع المهندس محمد عاطف للكشف علي السيارة لان زي ما انا قلت من قبل انها لم تكن مقرؤة علي الجهاز المهم قبل ما اذهب اليه ذهبت للميكانيكي لتغيير فلتر البنزين وزيت الفرامل وكان في زيت بينقط من الجيربوكس عملت هذه الاشياء وذهبت ولم اجده لان الوقت تأخر اتصلت به وقال ان روح بيته في طوسون واستسمحني ان اشيك علي العربية علي جهاز عند اي حد برة علشان يقطع الشك باليقين واخبره بالنتيجة ونبهني ان الاحظ الجهاز واخد بالي من الاشتغلات قلت له حاضر وفعلا ذهبت لشخص اخر وتم الكشف بجهازين ولم تقراء برضه والفني قال ممكن الكارتة قلت له كيف والسيارة بتدور قال مش شرط وممكن يكون في حاجة في الضفيرة وهذا محتاج كهربائي نظيف قلت له ماش ح اشوف وارجع لك تاني واتصلت تاني بالمهندس محمد كي اخبره بما حصل وصف لي كهربائي تحت مسجد الفلكي الكبير وقال لي ده راجل محترم وسوف يعرف لك اصل المشكلة ان شاء الله