حجزت الماروتي

**sarah5** · 11-10-2008 11:30 PM

الحمد لله توكلت علي الله وحجزت الماروتي 2009 وربنا يبارك فيها شكرا لكل اللي ساعدني وربنا يستر ومبهدلهاش معايا يا ريت لو حد عنده خبرة في التعامل معاها ينصحني

**MoToRiZeR** · 11-10-2008 11:46 PM

ألف مبروك ربنا يديكي كل خيرها إن شاء الله و تتبسطي بيها
يا ريت و العربية جديدة تلينيها الأول يعني خلي التسارع بالراحة متقرصيش عليها
و متتأخريش في النقل
يعني الغيار الأول أخره 20 كيلو في الساعة و تجيبي التاني
40 تجيبي التالت
60 الرابع
80 الخامس
علي فكرة الطريقة دي لو سقتي بيها بعد كدة علي طول فا هي موفرة في البنزين جداَ

و متعديش سرعة 80 أول ألف كيلو للعربية

و متقلقيش كلها شهر و هتلاقي نفسك محترفة و تسوقي في أي حتة بس إمسكي أعصابك في فترة التعليم و متسيبيس الناس في الشارع و الكلاكسات توترك :) خدي وقتك في كل حاجة و متخليش حد يسربعك فا تعملي حاجة غلط .. و إتعودي عالبص في المرايات

ألف مبروك مرة تانية

**OZYDREAMS** · 12-10-2008 01:11 AM

خامس مين الماروتى اربع نقلات وهتلاقى ارشادات النقل فى الكتالوج

**youssefmustang** · 12-10-2008 01:40 AM

فعلا زى ما قال MoToRiZeR براحة على العربية وممكن تركبى نانوميتر وار بى ام عشان تعرفى انتى بتتعاملى مع الموتور ازاى وامتى تنقلى وربنا يباركلك فيها ويكفيكى شرها وال الف مبرك.
اخوكى يوسف

**m7nsh** · 12-10-2008 09:12 PM

الف مبروك ياساره و انا كمان حجزت ماروتى 2009 و هستلمها بكره باذن الله

ربنا يتمملك الموضوع على خير

و لو سمحت يايوسف ايه النانوميتر ده ؟؟ الأر بى ام عارفه بس مش عارف النانو ميتر ؟وياريت لو تقلنا بيركبو فين وبكام تقريبا ؟؟

**OZYDREAMS** · 13-10-2008 09:22 AM

الار بى ام تقريبا من 150 :300 حسب الشكل والحجم واللون .... انا كنت جايب المقاس الصغير ولون واحد ب150 جنيه وتركيبه شوف لو واحد كهربائى عارفك هيعملهولك ب20 جنيه اما النانوميتر معرفش ......... ومبروك ياsara 5 على العربيه اصلى نسيت ابارك فوق

**nnosha** · 14-10-2008 09:37 AM

لو سمحت ياجماعة ياريت لو حد جاب الماروتى تقسيط يقول ايه نظام التقسيط بتاعها وايه افضل معرض ممكن اجيب منه من اسكندرية

**pedo** · 16-10-2008 07:45 PM

مبروك يا سارة وعقبالى يارب

**tamercc84** · 17-10-2008 04:08 AM

فعلا يا جماعه موضوع فتره التليين دا مهم جدا و بيحدد اداء العربيه طول عمرها بعد كده و فيه ناس بتقول الزيرو بييجى متلين جاهز بس انا لا اثق فى الكلام دا وافضل التليين يعنى عدم الحرق على العربيه لحد اول الف كيلو ما يكملوا وبعدين نغير زيت و نتوكل على الله نمشى زى ماحنا عاوزين و على فكره العربيه دى بتعمل معايا من 100 الى 150 كيلو فى اليوم و ما شاء الله مستحمله
و تجربتى مع العربيه دى بالتفصيل فى مشاركاتى فى موضوع مزايا و عيوب الماروتى بالتفصيلوالسلام

**muhmado_furp** · 17-10-2008 04:09 PM

الف مبروك ياساره

وربنا يباركلك فيها
عقبال الاستلام

والعربيه عموما مهما كان نوعها محتاجه تعامليها زي مبتتعاملي مع اي شئ
يعني حنيه وغسيل وعدم قرص واهتمام

وان شاء الله هتحافظي عليها متقلقيش