ارجو افادة الخبراء في مشكله في a516

**drmedo82** · 24-05-2014 09:43 PM

السلام عليكم ورحمة الله وبركاته
الساده خبراء القسم والاعضاء الكرام
واحد صحبي معاه a516عنده مشكله كبيره جدا وهي
هوا العربيه الصبح بتدور عادي جدا مفيش أي مشكله لكن لو راح مشوار طويل وييجي يدور بعدها العربيه متدورش لازم يستنا عليها شويه وبعدين يدور ممكن تدور بعد 5 او 6 محاولات لما مؤشر الحراره يقل عن مستواه الطبيعي والعربيه اصلا مش بتلقط مارش
يعني مش بتدي صوت حتي انها بتحاول تدور مع العلم ان كل حاجه بتبقا شغاله عادي يعني مش مشكلة بطاريه يعني لو شغل النور بيشتغل كويس
اتمنا منكم الافاده في هذا الموضوع وشكرا لكم جميعا

**hugan** · 24-05-2014 10:30 PM

محتاج يروح لكهربائي فاهم الاسبرانزا وهي علي حالتها ويشوف
في الغالب مارش مش بطاريه
لو بطاريه العربيه مش هاتدور نهائي لو العربيه بارده او ساخنه

**hemaa_82** · 25-05-2014 09:39 AM

لو بوبينة هتلقط مارش بس مش هتدور ... انما طالاما مش بتجيب صوت مارش يبقي يا اما كابلاته مش مربطة كويس يا اما جلب المارش مع السخونة بتدقر .... يعني مارش من الاخر ...

كهربائي يظبطك

**drmedo82** · 26-05-2014 12:11 AM

تسلمولي يا غاليين بجد الف شكر علي الردود وربنا يبارك لكم يارب وان شاء الله هاقوله يروح لكهربائي فورا .

**fourseasons** · 26-05-2014 06:07 AM

حساس كامة يا باشا فى دليل الصيانة بتاع العربية بيقول اعراض تلف حساس الكامة صعوبة التدوير و السيارة ساخنة.ودليل الصيانة مش الكتالوج و كنت نزلت الحاجات ديه من فترة على المنتدى و طلبت التثبيت بس تقريبا محدش خد باله من الموضوع اساسا.هاهاهاهاها

**tito32** · 26-05-2014 06:40 AM

المارش ياباشا

**mahmoud_fathy** · 22-06-2014 11:36 PM

بس ياباشا انا كان عندى نفس المشكله بالظبط
وبعد مدوخت طلع انو اتوماتيك المارش بتاعها باظ بيشتغل وهر بارده ويعلق لما تسخن
ولفيت عليه جديد ملئتش فى شارع دمشق
المهم روحت لرضا الكهربائى اللى فى الحى السابع مدينة نصر
حل المارش وودانى لواحد جنبه اسمه محمد موبينه صلح الاتوماتيك ب20ج
ورجعت ركبه الاسطى رضا بعد منظف وزيت المارش وخد 50ج مصنعيه
والحمد لله المشكله اتحلت نهائى بئالى 6 شهور اهو
بس فعلا الاحسن انو تصلح الاتوماتيك لانه لو لائيته جديد هيبئى مش اصلى على كلام الصنايعيه
بس بالصدفه بعد ماحليت المشكله لائيته بيتباع فى محل قطع غيار قدام نقابة المهندسين برمسيس ب 125ج برازيلى تئريبا.
المهم انت اسال على رضا الكهربائى ده شاطر جدا وبيفهم فى الجديد والاسبرانزا وربنا يصلح الحال

**drmedo82** · 24-06-2014 08:02 PM

تسلمولي يا اجدع رجاله فعلا والله ربنا يبارك لكم يارب
فعلا المشكله طلعت اوتوماتيك المارش تمام زي كلام ا-محمود فتحي بالضبط واتغير وكله بقا تمام
الف شكر ليكم بجد