الموضوع: إيه أغرب اسئلة سمعتوها من أطفال صغيرين ؟!

كنت معدى جنب مزلقان ومعايا ابنى كان عنده وقتها 5 سنين تقريبا ورن جرس المزلقان اشارة ان فيه قطار قادم .. سألنى ايه صوت الجرس ده ؟
ده جرس المزلقان
بيرن ليه ؟
بيقول ان محدش يعدى علشان فيه قطار جاى وممكن يخبطكم .
طب ماهوه بيرن والناس عماله تعدى !!!
( وأنا محرج ) دول مش فاهمين .. بس الصح محدش يعدى ..
( ياترى كام جرس بيرن فى الحياه واحنا عمالين نعدى ؟؟!!! )

وانا صغير عديت مع والدى الله يرحمه جنب صهريج مياه ضخم وسألته ( كنت غلباوى وأسألتى كتير )
ايه ده ؟
ده راجل بانى بيته فوق .
وحاطط الشقه عاليه ليه كده ؟
بيحب يسكن فى العالى .
لما كبرت وفهمت زعلت منه قوى وعاتبته كمان وانا متأثر مش عارف كده ليه !! وقالى انه كان بيريح دماغه منى علشان أسألتى كتير .. علشان الحكايه دى بالزات لما خلفت ولادى حاليا بأصبر على اسألتهم الكثيييرة وأحاول ابسط المعلومه
وأفهمهم وشايف ان ده الصح وأحيانا ( بيصعب عليه والدى الله يرحمه )

الأسئلة المحرجة بجد هى الأسئلة التربوية يعنى انا بنتى غلباوية جدا

ساعات تسألنى بابا مش انت قلتلى ان اللى بيشرب سجاير وحش ؟؟ يعنى طنط فلانة مامة فلانة دى وحشة ؟؟ واللذيذ بقا اما يكون حد من معارف فلانة دى قاعد

بابا هو لو صاحبتى سرقت فلوس من واحدة معانا فالفصل و جابت بيها حاجة حلوة انا خدت حاجة حلوة بس مسرقتش معاها (يا صبر أيووووووب)

اللذيذ بقا اماطفل يسمع كلمة قذرة فالشارع مش فاهم معاناها وييجى يقولها فالبيت و دى انا عملتها وانا صغير وقلت لوالدى دة فلان *** فلان مش عاوز اقولكم انه غير لى ديكور وشى

مرة بقا حبيت اعاقب بنتى بقولها انتى مش بنتى انا لقيتك عند الجامع قالتلى مش مهم ما دام بتجيبلى اللى انا عاوزاه وبتودينى الملاهى يبقى مش مهم و بردو هتعملى اللى انا عاوزاه (ماتتحججش يعنى )

المشاركة الأصلية كتبت بواسطة ياسر مصطفي

ههههههههههههه

اكيد مش هيقدروا يقولوله انك مكنتش لسه جيت
وإلا هيفتحوا على نفسهم موال اسأله
أوله طيب انا جيت إزاي

هههههه هيتفتح هيتفتح