المنع ليس الحل
الحل هو أن يتعلم الجميع الحوار وأسلوب الاختلاف القائم على الاحترام المتبادل ، ومن يخالف فما المشكلة في عقابه كائنا من كان
عرض للطباعة
المنع ليس الحل
الحل هو أن يتعلم الجميع الحوار وأسلوب الاختلاف القائم على الاحترام المتبادل ، ومن يخالف فما المشكلة في عقابه كائنا من كان
يا حماعه الراجل كان بيهزر مره قال الخرفا..... ومره نزل صوره انا شخصبا وقعت فى الارض من الضحك صورة خروف وكنزايه مكتوب عليها برسيمكو طلع الخرو.... اللى جواك خفه دم معروفه عن مصطفى (ظريف) انا قولت الكلام ده علشان محدش يفتكر ان الراجل ده غلط فى حد الراجل ده محترم جدا وكلنا استفدنا منه
بس انا ليا تعليق :
القسم ده فعلا عمل شرخ كبير بين بعض اعضاء و بين تفاعلهم مع بعض في المنتدى ككل خارج القسم و برضوا في اعضاء اتوقفوا بسبب القسم ده ايا كان السبب لكن لو لاحظتي انه صعب انه يتوقف خارجه عشان مفيش اصلا داعي للتشاحن او الشد والجذب
والحاجة التالته اظن عادي ممكن يعني( انا بقول عادي هههه) ان لو عضو مميز او ليه مواضيع مميزه يبقى ليه استثناء في انه ياخد فرصه تحذير اكتر من الاعضاء اللي تفاعلهم محدود على مبدأ هل يستوي الذين يعملون مع الذين لا يعملون؟
الحاجه الاخيره لو برضوا الاقتراح ده يطبق يبقى تمام :
دخول قسم احوال الشارع المصري للاعضاء المميزه او دخوله من درجه مميزه مثلا لا يقل عن ذهبي او فضي لسبب انه قديم في المنتدى او عارف و حافظ قواعد المنتدي وصعب انه يخالف القواعد او نادر و يكون فعلا افاد المنتدي بمواضيع او اراء
ولكم جزيل الشكر
حقيقة يعز علينا جميعاً ايقاف الاستاذ مصطفى
فهو من اعمدة المنتدى الموثوق فى معلوماتهم وانا مع غلق القسم الذى يسبب المشاكل
لاننا هنا منتدى سيارات متخصص ويوجد مليون منتدى سياسى او اجتماعى. ولأننا شعب يفتقد الى القواعد المنظمة لأحترام الراى والراى الآخر ولانراعى ادب الحوار..والأختلاف وارد دوماً .كما في قوله تعالى (ولو شاء ربك لجعل الناس أمة واحدة ولا يزالون مختلفين)28 فلآية تقرر أن مشيئة الله تعالى اقتضت أن يخلق الناس جميعاً مختلفين. والاختلاف ليس هو من ثوابت خلق الإنسان فحسب إنما هو من ثوابت نظام الخلق وقانون يعيش في دائرته جميع المخلوقات في هذا الكون المتسع.وليس غريباً اختلاف البشر في الأفكار والتصورات والمعتقدات والعادات والتقاليد ولكن الغريب حقاً محاولة البعض جعل الناس كلهم يؤمنون بفكر واحد وثقافة واحدة ومعتقدات واحدة وقيادة واحدة.لعن الله السياسة التى فرقت بين المرء وأهله
اللهم أهدينا الى ماتحبه وترضاه ..وولى علينا من يصلح أمرنا ويتقى الله فينا. وأبعد عنا وعن مصرنا كل سوء
اللهم آمين
كله الا ده .... هو المنتدى يبقاله طعم من غيره
انتوا مكبرين الموضوع ليه والله الوقف له طعم حلو ويخليك تشتاق للمنتدى--والى يزعلك انزل قابله على الدائرى وعلم عليه
يعني لو حصل مشكلة في القسم الاجتماعي اقفله ؟؟؟؟
اكيد مش منطقي
انا شخصيا ك كريم منير مبدخلش الاحوال ده نهائي
ومدخلتوش ولا مرة من يوم ماتفتح غير مرة واحدة
لان اللي بيحصل فيه بيحصل في اي مكان تاني في مصر
مش هانكمم الافواه بقي لكن نلتزم باداب المكان اللي قاعدين فيه وقوانينه
ا/ كريم
معاك اننا نطبق القواعد على الكل ده اللى نفسنا يحصل فى حياتنا
بس لما يكون فى قسم ضرره اكبر من نفعه و عامل مشاكل و مشاحنات بين الاعضاء و هو اصلا مش من صميم فايده المنتدى احنا فى منتدى سيارات
احنا جزء من المجتمع و المجتمع كله ميعرفش ثقافه الاختلاف و الحوار
الناس فى التوك شو بيمسكو فى خناق بعض عايز على النت يعملو ايه
انا مع غلق احوال الشارع المصرى
و ربنا يصلح حالنا و يجعلنا على قلب رجل واحد
انا مش فاهم و الله لحد دلوقت مشكلة الناس اللي على طول بيطالبوا بقفل القسم ده !!!
هما هما نفس الناس اللي عايزينه يتقفل لأنه بيفسد علاقات الناس ببعضها , هما هما - بنسبة كبيرة - اللي بيغلطوا في الناس التانيين و بيتوقفوا !!!
طب ما بتقدرش تمسك اعصابك و بتغلط ما تدخلش !
يا اما تتعلم تمسك اعصابك
مستغرب و الله !
مبدأيا تامر متستغربش
الناس اللي بيطالبوا بغلق القسم مش هما هما اللي بيغلطوا
في ناس بتغلط و بتتوقف و بتدافع عن القسم
لكن الاهم من ده كله اللي انت مش وصلالك النقطه بتاعتها
انا كاحد الناس بطالب بغلق القسم خوفا على الاعضاء اللي بيفيدوا اللي هما وقود المنتدي مش المستهلكين... المستهلك حيفضل مستهلك و الموسوعه حيفضل موسوعه
وآخر الموسوعه مع تكرار النقاش والوقف انه بيطفش
و خصوصا واحترامي مسجل لجميع الاعضاء
ان الموسوعه بتيوقف و بياخد معاه 2~3 مستهلك استفدت انا ايه كا منتدي؟
مابلاش منه احسن مادام عامل مشاكل و محدش عارف يتمالك أعصابه داخل القسم ده
وعلى رايي الاستاذ احمد فهمي ان القسم ده عامل زي الشارع و الشارع مش طايق بعضه فما بالك بعالم افتراضي؟
ليها كذا work around يا صديقي و اقتراحات ناس كتير اقترحتها
كان منها كمثال ان اللي ياخد مخالفة في قسم الاحوال يتطبق عليه الايقاف في قسم الاحوال بس
ده مجرد مثال لكن , معلش حتة عضو مفيد فنقفل عشان خاطره قسم - و الكلام هنا عام - مش متفق بخصوصها خالص
و القصة ماهياش (ماحدش عارف يتمالك اعصابه) لأن فيه ناس كتير بتمسك اعصابها عادي خالص , و فيه ناس بتتعصب و ما بتغلطش
بالمناسبة نفس النظرية القائمة في قسم الاحوال انطبقت لفترة ما في قسم المقارنات (كل واحد متحيز لعربيته) , هل هانقفله ده كمان ؟
المرض في الحقيقة هو قصور مهارات التواصل عند كتير مننا و ده اللي طبيعي الشغل عليه
او نقول ببساطة اللي مش قادر يتفاعل يحجم عن التفاعل حفاظا لنفسه و حرصا على نفسه
او ساعتها بقى يتوقف بهدوء و هو عارف انه غلطان
بالمناسبة مثلا قياس سريع بخصوص المخالفة اللي بنتكلم عليها هنا , انا لو نقلت رأيي بخصوص مخالفي في الرأي لهنا بالتأكيد هاتوقف , لكن حيث ان المناخ العام هنا بيفرض احترام الاعضاء لبعض فانا مش بانقله ولا باقوله , هل دي صعبة ؟؟؟
عموما يا تامر مش عشان عضو معين نقفل قسم مش ده كلامي و عيب عليك يا كبير لو فهمته كده
انا كلامي عام خوفا على الاعضاء القدامي من التجريف لخارج المنتدي
و عموما انا مش متفق معاك في الرأي
والخلاف في الرأي لا يفسد للود قضيه
اولا انا متشكر جدا جدا لكل اللى سئل عليا
ومتشكر جدا لكل اللى رد غيبتى
وللتوضيح فقط انا اتوقفت فى الاجتماعى بسبب مشاركة انا شايف انها عادية او بسيطة بس الادارة شافتها مخالفة
ودة الموضوع اللى انا توقفت فية
http://www.nilemotors.net/Nile/422405-a.html
وبالمناسبة انا تقريبا مبدخلش قسم الخناقات (احوال الشارع المصرى) الا نادر جدا
لانى شايف ان الامور اتحسمت خلاص من قبل انتخابات الرئاسة حتى
فبالتالى معنديش استعداد احرق جاز على الفاضى فى جدل بيزنطى حصيلتة النهائية صفر
بكرر شكرى تانى لكل اللى سئل عليا
ربنا يخليك لنا يا احلى اخ
نورت الدنيا كلها
ولا نستطيع لحظة عدم وجود اخونا مصطفى ظريف معنا
انتة خيرك على الكل اخى
جزاك الله كل خير عنا وحمدالله على سلامتك
حمد الله ع السلامه يا ريسنا
حمد لله على السلامه
ده تقريبا الاعضاء كلها اتوقفت فى الموضوع ده
وصصصل وصصصصل وصصصصصصل
ربنا يكرمك يا اخ ادوارد وربنا يديم المعروف بينا كلنا
الله يسلمك يا عمرو
:00020191::00020191:
ربنا يكرمك يا احمد وانت كنت بتدافع عنى وتكلم بلسانى فى غيابى.......الف شكر
الف حمد لله على السلامه والله افتقدنا مواضيع حضرتك
بس انا ليا عتاب على حضرتك مش معنى انك مختلف مع حد حتى لو هوا غلطان انك تشتموا وتقول خرفان وواحد يقول معيز
طب لو عادي تشتمهم - هما خربوا البلد سنه واحده
ماشفناش حضرتك شتمت الحزب الوطني ايللي خربوا البلد 30 سنه وسرقوها وعملو كل حاجه وحشه تتخيلها او لا تتخيلها (وإن كنت انا مش قصدي ان اخلي حضرتك تشتمهم)
قال رسول الله - صلى الله عليه وسلم : " ليس المؤمن بالطعان ولا اللعان ولا الفاحش ولا البذيء
ارجوا تتقبل مروري
ويالا بأه مش عايزين نضيع وقتك هتعمل الموضوع الجديد إمتا؟:E_braces[1]:
هوة للتوضيح فقط كلمة خرفان وعبيد البيادة متداولة عادى
لكن انا شخصيا مبتضايقنيش كلمة عبيد البيادة ولا تفرق معايا من اساسة لان كل واحد عارف نفسة
هيا بس كلمة الخرفان بتخلى ناس تتضايق قوى مش عارف لية
ـــــــــــــــــــــــ
ما علينا من السياسة
اشكرك على مرورك على الموضوع وربنا يسهل فى الايام اللى جاية فى المواضيع الجديدة
الموضوع ده دمر جيل بحاله
انا دخلت ابص بصه كده لقيت كل اللي مشارك فيه موقوف
لدرجة اني خوفت اتوقف من القرايا
نورت المنتدى وربنا يكثر من امثالك
حمد لله على السلامه
حمد لله علي سلامتك يا عبقرينو المنتدي
انت راجل محترم ووطني بس قدرك إنك شاركت في كتابة تعليق علي موضوع كان مليان إخوان أو اللي بيقولوا علي نفسهم إحنا مش إخوان بس بنحترمهم فواضح ان حصل شد وجذب
معلش خليك انت الكبير وفوتهالهم النوبة دي هههههه
ومبروك لمصر قائدها وزعيمها البطل قاهر الاخوان المشير السيسي وأي حد هايزعل من الكلمتين اللي في الآخر دول أو هايرد بكلام كده ولا كده هاقوله الله يسامحك
وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ * إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ * وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا كَذَلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ وَمَا هُمْ بِخَارِجِينَ مِنَ النَّارِ
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ
قال رسول الله صلى الله عليه وسلم :.مررت ليلة أسري بي على قوم شفاههم تقرض بمقاريض من نار . قال : قلت : من هؤلاء ؟ قالوا : خطباء من أهل الدنيا ممن كانوا يأمرون الناس بالبر وينسون أنفسهم وهم يتلون الكتاب أفلا يعقلون ؟...