يا جماعة منتدانا بقى ناقصه حاجه بعد ما ظريف اتخطف من وسطينا فجاءة الله اعلم ليه
الراجل ده بجد ليه جمايل على اغلبيتنا هنا و عمره ما اتاخر عن حد
محدش يعرف هو اتوقف ليه؟؟
عرض للطباعة
يا جماعة منتدانا بقى ناقصه حاجه بعد ما ظريف اتخطف من وسطينا فجاءة الله اعلم ليه
الراجل ده بجد ليه جمايل على اغلبيتنا هنا و عمره ما اتاخر عن حد
محدش يعرف هو اتوقف ليه؟؟
اشكرك على البادرة الرائعة بسؤال على اخونا ظريف مصطفى
صراحة مفتقدين اخونا ظريف نتمنى نعرف الاسباب بعد اذن ادارتنا الرائعة
اكيد حصلت مشاده مع حد في القسم العام
ربنا يسهل ويكون ايقاف مؤقتا وينورنا تانی
وانا هاحاول اتواصل مع الاداره ونشوف ايه الموضوع
Sent from my Galaxy S4 using Forum Runner
بجد علم من اعلام المنتدى
اكيد دخل احوال الشارع المصري
ليه بس خير
ده عضو نشيط جدا في المنتدي وعلي خلق عالي ومواضيعه كلها مفيدة وشيقة جدا لكل الأعضاء
وحتي الاعضاء اللي مش بتنفذ الأفكار بتاعته (وانا منهم) بس أكيد بنستمتع بموضوعاته ومشاركاته القيمة
دي شهادة حق مش أكتر
تقريبا تجاوز في بعض مداخلاته ، في نقاش سياسي
80 % من الايقافات بسبب قسم الاحوال ووجع الدماغ
وفى بردو الاستاذ ابو اسر موقوف اكيد ضربو خناقه مع بعض
بسبب المنيل اللي اسمه احوال الشارع المصري
الموضوع زاد عن حده فعلا و اعضاء كتير معروفه عماله تتوقف
مصطفى بيبلغ شكره للجميع و ان شاء الله من السبت معانا
للاسف قسم احوال الشاع المصرى بيسبب كتير من الحساسيات بين الاخوه الاعضاء بسبب المواضيع السياسيه الساخنه التى من وجه نظرى ليس لها مكان فى منتدى مخصص للسيارات و خصوصا انه الاكبر فى مصر ...
و اغلب الاعضاء ممكن يكونوا بيدخلوه يتابعو فقط و لا يشاركو به و انا واحد منهم ... و الملاحظ نفس عدد الاعضاء المحدود جدا هما دائمى النشاط به و التشاحن :)
الصراحه بعد ما الاعضاء الى مش بيشاركوا فيه بيعرفوا توجهات الاخرين سياسيا و لغه الاتهامات و التخوين الدائمه !!! ... بيبقوا عندهم حساسيه للرد على هؤلاء الاعضاء فى مواضيع اخرى تخص فقط السيارات ... و هذا ما عرفته من كثير من الاعضاء القدامى بالمنتدى على الخاص ...
فبرجاء من اداره المنتدى اعاده النظر فى ايقافه منعا للتصادم و التشاحن الذى لا صله له بهوايه و محبى السيارات ... مما يؤثر بالسلب بكل تأكيد على مواضيع السيارات المتخصصه ...
ربنا يهدى الجميع ...
تقبلوا تحياتى ...
انا شايف ان القسم ده مبيعملش حاجه غير انه بيخسر الناس من بعضها وهوا اصلا مش فى مكانه احنا هنا منتدى سيارات ايه دخل السياسه فى الموضوع رائى يتقفل القسم ده
الاخوان لما باعونا فى محمد محمود
من بعدها ناس كتير اتوقفت
انا بقول تغير محمد محمود\ ونسميه محرس محروس--علشان الناس تبقه حريصه انها متتوقفش
بصرف النظر عن الموضوع!!!!!!!!!
لكن كلام الناس بيقول اننا قدامنا كتير
هل المشكلة في قسم الاحوال المصرية ؟؟؟؟
ولا في الناس الي مش عارفة تختلف بدون تخوين وسباب يستدعي الايقاف والمحاسبة!!!!!!!!!!!
لو سمحتم مش عايزين نقلب الموضوع لموضوع سياسي
احنا في قسم الدايوووووووووووو
اللي وحشته التناقش والاختلافات يروحلها قسمها
ردي مالوش علاقة بالسياسة :)
لكن يظهر انت بصيت علي الصورة ومشوفتش الكلام :)
بسبب الاحوال
99.99% من الايقافات بتبقى بسبب قسم احوال الشارع المصرى و اللى فيه من خناقات....
هو اصلا القسم دة انا مش بالعة من زمان ولا القسم الاجتماعى كلة على بعضة... انا افتكر زمان دخلت القسم الاجتماعى مرة و اتوقفت فى المرة دى و من ساعتها بطلت اخش تانى
MMamdouh
"لوسام حقيقى اللى على صدرى هو حب رواد المنتدى ليا" (حتة سيسى و كدة ;) )
MMamdouh
ياريت القسم ده يرجع يتقفل تاني ... مش ناقصة وجع دماغ
أنا بأيد الأعضاء
كلامكم مضبوط
قسم أحوال الشارع المصري بيسبب إيقافات كتيييييييييير لناس نشيطة و مفيدة
بس الإدارة معذورة (مفيش خيار و فاقوس)
يبقى الحل إن القسم ده يتعامل معاملة خاصة تختلف عن قوانين المنتدى
تغليظ العقوبات داخل هذا القسم على ألا تمتد العقوبات للأقسام الأخرى
يعني اللي يطلع عن شعوره و يخالف القوانين تتنفذ عليه عقوبة الإيقاف لمدة شهر مثلاً عن القسم و في حالة تكرار المخالفة يتم إيقاف دخوله للقسم من الأساس
يبقى كده مخسرناش العضو و نشاطه و خبرته في باقي أقسام المنتدى
و في نفس الوقت القانون أتطبق و النظام داخل المنتدى لم يتأثر
و تخلصنا من الطفيليات اللي أصلاً عاملة العضوية للتجريح و التعدي باللفظ على الرأي المخالف
ايه رأيكم؟؟
معذرة
ولكن احنا ليه منتعلمش ادب الاختلاف والتحاور
مش عارف تتقبل الاخر
متدخلش الحتة اللي هاتقابله فيها وتتخانقو
مش عارف تسيطر علي اعصابك
متدخلش القسم
لكن تدخل وتغلط في غيرك ولما تتوقف نرجع نقول الادارة وحشة ولازم نقفل القسم
بالذمه ده كلام :-)
و للعلم القسم دة له قواعد مشددة عن باقى الاقسام عشان المشكلة دى تحديدا... للاسف السواد الاعظم من الناس يفتقر الى اداب الحوار و بيحولوا الخلافات الفكرية الى خلافات شخصية و دة اللى بيعمل المشاكل كلها
MMamdouh
على فكرة ظريف موقوف في الاجتماعى مش احوال الشارع المصرى :-)
نقفل الاجتماعى ؟؟
عموما، نتمنى رجوعه لنا بالسلامه غن شاء الله فى أقرب وقت