السلام عليكم

الواحد دمه اتحرق جدا جدا واتخنق لان مفيشس حاجه بتريح الواحد
انا كنت حاجز بيجو 301 وبعد المشاكل الكتيرة اللي واجهت الملاك فكرت في بديل اخر
قلت القي نظرة عن السيراتو الجديدة
الحقيقة العربية طفرة ونقلة جميلة للكيا اخترت اول فئة - علي قد الامكانيات- عاملين عليها اوفر ب145 والتوكيل في احمد عرابي بيقولي اصلها ب 155 لكن اللي حرق دمي جدا جدا ان مش موجود فيها لمبة الاستوب الخلفية اللي بتنوب مع دوسة الفرامل ومستعجب جدا الكيا مقصرتش في العربية نهائي ايه المغزي انها تشيل اللمبة دي؟
مضاايق جدا لان شايف انها مهمة عايز اعرف لو اشتريت العربية هل ينفع اركب اللمبة دي في التوكيل؟

النقطة التانية مجرد استفسارات لان جديد في الكيا انا عارف ان فئات السيراتو حتي 192الف
هل قوة التكيف والعشفة وخامات التابلوه ثابته في كل الفئات مع زيادة اوبشن في كل فئة ولا كل فئة لها خامات مختلفة وجودة مختلفة؟

الثبات مع الجنط 15 طاسات هل العربية ثابته ولا هتكون في الضياع واخر سرعة بتكون عندها ثابته كام ومتعومش؟

الباور في اول فئة دي هل هيدروليك ولا كهرباء؟
الخلوص كام في السيراتو وهل بتحك في المطبات مع وجود حمولة وافراد ولا لا؟

الفرامل ايه اخبارها هل قوية وبتسعف في المواقف؟

ياريت الرد بسرعة علي كل جزئية لان الوقت ضيق جدا وعايز الحق العرض قبل مايروح والمفروض اروح بكره احجز ان شاء الله