الموضوع مش مغلق لان اخر مشاركة بتاريخ 15-5-2014
عرض للطباعة
انا لسه مستلم جن2 موديل 2014 انا من الاسماعيليه وعملى بالعبور ما عنديش اى معلومات عن طرق الصيانه واماكن مراكز الصيانه القريبه منى لو حد يفدنى اكون شاكر جدا
انا معايا العربيه من حوالي 8 شهور. عامله معايا 20 الف
انا سقت عربيات كتير جدا لاني بسافر وبأجر عربيات بره. سقت عربيات موديلات ياباني وكوري. لما برجع البيت واسوق العربيه ديه بحس بفرق كبير اوي. ماشاء الله العربيه سحبها وعفشتها وسوقتها حلوه جدا... عيوبها قليله اوي مش مؤثره خالص.
بالنسبه للتوكيل انا ماشي مع عصام وصفا... بس مشكلتي في قطع الغيار بتتأخر جدااااااا. غير كده الصيانه كويسه جدا وتكلفتها معقوله.
ربنا يباركلك فيها . انا فاهم ان مشكلتها فى قطع الغيار . بس ممكن اعرف بتتاخر قد ايه وهل ممكن تتجاب من حته تانيه وتكون مضمونه والتوكيل يركبها ولا قطع الغيار اصلا مش موجوده ؟؟ وقطع الغيار الى بتتباع بره التوكيل بيبقى ايه نظامها كويسه ولا مضروبه . :d معلش هتعبك معايا شويه بس انا مش فاهم
قطع الغيار اللي متوفرة بكثرة جوة التوكيل و برة التوكيل هي الحاجات المستهلكة زي السيور و الفلاتر و الاتيال و الطنابير و دي كمان متوفرة برة التوكيل و هتلاقيهم في المواضيع المثبتة انما الحاجات اللي ممكن متبقاش متوفرة منها كمية كبيرة زي العفشة و الاكسسوارات الخارجية زي الاكصدامات و الصاج الخارجي و دي افضل تشتريها استيراد لان سعرها جديد هيبقي اغلي من الاستيراد. لو في قطع في التوكيل مش موجودة كل اللي بيحصل انه بيحجزها باسمك لحد ما توصل و خلاص.
انا احتجت قطع غيار لعيوب بسيطه. بلي العجل الامامي محتاج تغير وبلي شداد. مش عاملين تأثير كبير على العربيه بس لازم اغيرهم في الضمان مينفعش اجبهم من بره.
العربية كويسة التوكيل العيب الي فالعربية
فرأي الشخصي
روحت عند معرض كبير اشوف البيرسونا علشان اشترى لاقيت كل المعروض سواء جين تو او بيرسونا - الطنابير و الصرر بتاعت العجل مصدية و لما سألت بتوع المبيعات قالولى علشان بتتغسل و مش بتتنشف !!!
طبعا الكلام مش داخل دماغى و خصوصا انى ملاقتش الكلام ده فى اى ماركة تانى !! و الادهى ان المسامير اللى المفروض انها مجلفنه و نيكل برده عليها صدا ؟؟
هل ده عادى و لا رأيكوا ايه ؟؟