صور الفوانيس-العفشه الكونى -الجنط- لعربيتى الجولف 3 (رايكم هام جدا)

**bolvegari** · 12-10-2008 01:07 AM

المشاركة الأصلية كتبت بواسطة waled369

على فكرة يا مان الكاوتش nexen
موجود هنا ( الكويت ) و انا بقى لي كم سنة باستعمله و يكفي انه بيستحمل حر الكويت و كمان أخدت منه لكرولتي الحبيبة في مصر يعني ماشاء الله heavy duty
و حاليا مركبه لحبيبة قلبي اللومينا .
يعني ماشاء الله اختيار موفق

فعلا الكاوتش ممتاز جدا

المشاركة الأصلية كتبت بواسطة magdy_momo

طيب سادتك جبت الفوانيس جاهزه منين
انا دايخ علي اتنين بتوع النتر الشيب اللي هو 2005 و مش لاقي خالص

والله ياباشا انا فى ناس صحابى عندهم محل للحجات دى وكانو مسافرين تايوان وجابوهملى من هناك وممكن اسألهم على الفوانيس الى انت عايزها دى وممكن يجيبوهم

المشاركة الأصلية كتبت بواسطة kodak_gti

ربنا يباركلك فيهم جامدين
بس الجنوط سعرها غالى بصراحة
انت بالمبلغ ده كنت ممكن تجيب احلى من كده بكتير
وعاوز اعرف هو شحنهم من السعودية لهنا كلفك كام تقريبا ؟؟
وهل فى جمارك ولا مفيش

انا طبعا شحنتهم برى ومفيش جمارك ولا حاجه بس شركة الشحن اخدو 600 ريال شحن

انا عارف انى ممكن اجيب احسن من كده بس هى جت معايا كده لانى كنت مستعجل

**MMamdouh** · 12-10-2008 01:30 AM

ما شاء الله

don't forget to post pics after installation and your feedback about the car's handling and performance

MMamdouh

**MoDyBeNz2008** · 12-10-2008 01:43 AM

صح ياباشا ماشاء الله عليك لونها فعلا ازرق سماوى

علشان اعرفك انك مش لوحدك

**Ahmed_ragab** · 12-10-2008 02:05 AM

ربنا يباركلك فيهم وفى العربية بسم الله ماشاء الله حاجات جامدة

**r0xer** · 12-10-2008 02:17 AM

ربنا يبارك لك فيهم يارب.

معلش سؤال...ياريت تعرفنا أنت هتركب الحاجات دي فين "العفشة الكوني"و طبعا تحكيلنا هل في فرق في الاداء والثبات اهم حاجة ولالا.

**ibrahimbarsy** · 12-10-2008 03:08 AM

ما شاء الله على الحاجات والجنط عجبني اوي ربنا يباركلك فيها والف مبروك مقدما وياريت تقولي الفوانيس الخافية اشترتها كدة ولا كانت من اختيارك لتصميمها

**bolvegari** · 12-10-2008 03:34 AM

المشاركة الأصلية كتبت بواسطة ibrahimbarsy

ما شاء الله على الحاجات والجنط عجبني اوي ربنا يباركلك فيها والف مبروك مقدما وياريت تقولي الفوانيس الخافية اشترتها كدة ولا كانت من اختيارك لتصميمها

الله يبارك فيك يا باشا ويرزقك بأحسن منها بالنسبه للفوانيس الخلفيه للاسف مكنش فى تصميم غيرهم وطبعا مكنش عندى استعداد انى استنى لما تيجى حاجه تانيه لان العربيه انا شغال فيها من قبل رمضان ولسه مخلصتش

المشاركة الأصلية كتبت بواسطة r0xer

ربنا يبارك لك فيهم يارب.

معلش سؤال...ياريت تعرفنا أنت هتركب الحاجات دي فين "العفشة الكوني"و طبعا تحكيلنا هل في فرق في الاداء والثبات اهم حاجة ولالا.

انا هركبهم عند car boys عشان الضمان بالنسبه للثبات دى حاجه اكيده لانك اولا بتوطى العربيه ثانيا لو مثلا كنت على ملف وبسرعه عاليه فى اى عفشه عاديه لازم تضرب فرامل عشان العربيه متزحفش لاكن الكونى لو على 170 خدها زى ما هيا من غير فرامل ولا ايه حاجه والعربيه مبتتحركش من مكانها لان الاربع كواتشات بيفتحوا لبرا وده الى بيديها الثبات وطبعا الفرق بينها وبين العفشه العاديه زى الفرق بين السما والارض مفيش مقارنه .وان شاء الله هنزل صور العربيه بعد ما اخلصها وكمان تصوير فيديو حصريا ل نايل موتورز وانا بختبر العفشه

المشاركة الأصلية كتبت بواسطة medoelboss

ربنا يباركلك فيهم وفى العربية بسم الله ماشاء الله حاجات جامدة

ربنا يخليك ويرزقك احسن وافضل منهم

المشاركة الأصلية كتبت بواسطة MoDyBeNz2008

علشان اعرفك انك مش لوحدك

ياباشا ابقى لوحدى ازاى وانت موجود ربنا ميحرمناش منك

**ahm3d ham>ed** · 12-10-2008 04:45 AM

المشاركة الأصلية كتبت بواسطة bolvegari

بسم الله الرحمن الرحيم

قبل ان ابدأ فى عرض صور العفشه والفوانيس والجنط ارجو من الجميع ان يقولوا

(ماشاء الله)

الحمد لله وفقنى ربنا وقدرت اشترى الحجات الى كنت بتمنى اجيبها من زمان وخصوصا العفشه الكونى لانى من الناس الى مبحبش الا انى اجيب الحاجه الصح يعنى محبش اروح اعمل فوانيس كريستال فى الحرفيين ولا غيرها لانه عمره ما هيطلع زى الجاهز وحتى التقفيل عمره ما هيبقى متقن وكمان محبش عشان اوطى العربيه وازود الثبات ابوظ حاجه تانيه زى انى اقص من السوست .... معلش طولت عليكم

الصور :

صور الفانوس الامامى

صورة الفانوس الخلفى

----------------------
صورة السوست الكونى الـ adjustable

صورة المساعدين الـ adjustable

صورة الجنط باكاوتش مقاس 16

وان شاء الله هنزل صور العربيه كامله بعد ما اخلص كل الشغل الى فيها واتمنى كل الاعضاء تدينى رايها فى الحجات دى ولو فى اى سؤال عن الحجات دى انا موجود

بسم الله مشاء الله ربنا يبركلك فيهم بس بلاش تركبهم عشان الجرى واحنا خايفين عليك
كان لية سؤال هل ينفع المساعدين والسسوست دول يركبة على نوبيرا وهيفرقوا فى راحة الركاب والخشونة وهل العفشة يوجد لها تعديل لتحويلها لرياضية

**bolvegari** · 12-10-2008 05:17 AM

المشاركة الأصلية كتبت بواسطة gogogo

بسم الله مشاء الله ربنا يبركلك فيهم بس بلاش تركبهم عشان الجرى واحنا خايفين عليك
كان لية سؤال هل ينفع المساعدين والسسوست دول يركبة على نوبيرا وهيفرقوا فى راحة الركاب والخشونة وهل العفشة يوجد لها تعديل لتحويلها لرياضية

اولا اشكرك على شعورك الطيب وخوفك عليا بس انا ان شاء الله مش هجرى بعد كده بالعربيه لانى مش ناوى ابدلها وبرضه عشان مخاطر السرعه

بالنسبه للنوبيرا ممكن على اى عربيه فى الدنيا بس حسب شكل وتصميم المكان الى هيركب فيه المساعد بالنسبه للراحه انسى المعنى ده بعد تركيب العفشه لان العفشه الرياضيه بتبقى نشفه عشان تديك ثبات وانت ممكن تعدل المساعد على ناشف اوى او ناشف بسيط وده الى انا جايبه وده غالى عشان كده

لكن فى كونى عادى الى هو ناشف بس وده ارخص طبعا من ال adjustable

بالنسبه لتعديل العفشه العاديه لرياضيه مستحيل والا مكنش حد غلب ياباشا ومكنش حد اشترى حاجه اسمها عفشه رياضيه

لان المساعدين العاديه بيكونوا مليانين من جوه زيت اما الكونى بيكون غاز ده اولا

ثانيا المساعد الى قدام فى الكونى غير الى ورا والسوست الى قدام اعرض واكبر من الى ورا

وطبعا تصميم العفشه لتكون رياضيه وده الاهم

واتمنى اكون افدتك