تجربة قيادة Kia Quoris 2014 إبداع كورى !

**prooo** · 27-05-2014 04:36 PM

المشاركة الأصلية كتبت بواسطة horas3000

من اللي شفته في الكويت
الالماني يكسب
مع ان عربيات زي الكيا دي فيها مميزات ال s و ال 7 لكن الناس هناك بتتجه للالماني و الياباني اكتر طبعا و اللي عادة بتبقي فئه اقل

عندك الكيا دي بسعر ال 5 و ال e هناك
بس دول مبيعاتهم اضعاف اضعافها حتي مع ان المواصفات فيهم اقل
بالظبط زي ما بيحصل هنا بس مع الفارق
يعني الناس هنا تفضل تركب 316 باوبشنها القليل و لا سيراتو هاي لاين ؟

مهو ده اللي حضرتك انا بتكلم عليه ...... هل انا لما اجيب العربيه دي بكل الكماليات الهايله اللي فيها دي كلها مع الفتيس السبع سرعات .... وبعد سنه ولا اتنين اسمع اصوات تزييق في العربيه من جوه او مثلا الكراسي الكهرباء اللي فيها دي تشتغل قد ايه ..... وهل نقطه متعه القياده موجوده ولا مش موجوده .... انا بتكلم عن متعه قياده اسيارات الالمانيه والبي ام خصوصا اللي محدش عارف سر اللي بيعملوه عشان كده .... هل كيا قدرت توصل لكده ؟؟؟؟؟؟ اعتقد لا ..... محدش يقنعني ان الكماليات دي كلها وباسعر ده ولسه البي ام اغلى منها .... اكيد مهما حصل تكنولوجيا وامان وثبات البي ام احسن من الكيا ولو ان الكيا قدرت تقرب اوي منهم ..... بس عمرهم ماهيبقى زي بعض ابدا ..... دائما البي ام او الالمان عامة سابقه .... اللي كيا عرفت تعملوا انها تعمل نفس الامكانيات بتكاليف اقل على حساب الجوده ...... وهما ناجحين في كده طبعا .....

**prooo** · 27-05-2014 04:40 PM

المشاركة الأصلية كتبت بواسطة hosam_optrawy

كبدايه الكيا نجحت في انها تاخد جزء من الشريحه دى حتى لو صغيره لان طبعا المعظم بيفضل الألماني عليها , لكن هي نجحت في إقناع البعض بيها ولسه قدامها كذا سنه عشان تبقى ند بند للألمانى ودا مش سهل لان الحته دى لعبة الألماني

ال quoris أكبر من الفئه الخامسه وأصغر من الفئه السابعه لكنها موجهه لمنافسه الفئه السابعه , وطبعا أكبر عامل بتلعب عليه هو السعر

نفس اللي انا فكرت فيه بالظبط

**prooo** · 27-05-2014 04:45 PM

المشاركة الأصلية كتبت بواسطة horas3000

يعني الناس هنا تفضل تركب 316 باوبشنها القليل و لا سيراتو هاي لاين ؟

في فرق كبير يااستاذ شريف الكوريوس نفس سعر البي ام وال اي كلاس تقريبا او اقل منهم شويه ..... لكن السيراتو الهاي لاين اقل من ال 316 الايكسكلوسيف ب 160 الف تقريبا .... يعني مفيش وجه مقارنه عشان خاطر افكر لكن لو الفرق 30 او 40 الف هنا يبتدي الكلام زي ما حاصل مع الكوريوس والفئه الخامسه بالظبط .........

**Ahmed.Essam** · 28-05-2014 02:13 AM

بس كده

**horas3000** · 28-05-2014 02:21 PM

المشاركة الأصلية كتبت بواسطة prooo

مهو ده اللي حضرتك انا بتكلم عليه ...... هل انا لما اجيب العربيه دي بكل الكماليات الهايله اللي فيها دي كلها مع الفتيس السبع سرعات .... وبعد سنه ولا اتنين اسمع اصوات تزييق في العربيه من جوه او مثلا الكراسي الكهرباء اللي فيها دي تشتغل قد ايه ..... وهل نقطه متعه القياده موجوده ولا مش موجوده .... انا بتكلم عن متعه قياده اسيارات الالمانيه والبي ام خصوصا اللي محدش عارف سر اللي بيعملوه عشان كده .... هل كيا قدرت توصل لكده ؟؟؟؟؟؟ اعتقد لا ..... محدش يقنعني ان الكماليات دي كلها وباسعر ده ولسه البي ام اغلى منها .... اكيد مهما حصل تكنولوجيا وامان وثبات البي ام احسن من الكيا ولو ان الكيا قدرت تقرب اوي منهم ..... بس عمرهم ماهيبقى زي بعض ابدا ..... دائما البي ام او الالمان عامة سابقه .... اللي كيا عرفت تعملوا انها تعمل نفس الامكانيات بتكاليف اقل على حساب الجوده ...... وهما ناجحين في كده طبعا .....

هو مما لا شك فيه ان العربيات دي و علي الرغم من مواصفاتها الكتيييير
لكن لا تضاهي الالماني في متعه القياده
انا سقت الكادينزا اللي هي المفروض قبل الكوريس و محستش باي متعه في سواقتها خصوصا و انها كانت جر امامي
و ال 3 و ال c كمتعه يتفوقوا عليها بمراحل علي الرغم من فرق السعر و الحجم و المواصفات
فالنقطه دي محسومه

لكن علي الطرف الاخر في ناس ميفرقش معاها الكلام ده
و عايز عربيه options bucket و تدلعه و تهشتكه و يروح من النقطه a ل b و السلام
و ده في الاغلب الزبون المستهدف من العربيات دي خصوصا لو برستيج الماركه مش بيفرق معاه

اما من ناحيه الاعتماديه و كده فالمؤكد ان العربيات دي هتقضي الغرض منها و بكفائه تامه
و خصوصا و ان بره معدل اعمار العربيات مع الناس مش بيتعدي ال 5 سنين اصلا

المشاركة الأصلية كتبت بواسطة prooo

في فرق كبير يااستاذ شريف الكوريوس نفس سعر البي ام وال اي كلاس تقريبا او اقل منهم شويه ..... لكن السيراتو الهاي لاين اقل من ال 316 الايكسكلوسيف ب 160 الف تقريبا .... يعني مفيش وجه مقارنه عشان خاطر افكر لكن لو الفرق 30 او 40 الف هنا يبتدي الكلام زي ما حاصل مع الكوريوس والفئه الخامسه بالظبط .........

تمام
بس الكوريس مش بتنافس ال e و ال 5
المفروض انها فئه اعلي زي ما قال حسام باشا
و حتي مع انها ارخص من ال 7 و ال s او حتي اللكزس LS و بفرق محترم فدول برضه بيبيعوا اكتر منها بكتير