الموضوع: جى ام ولا كاسيت؟؟

المشاركة الأصلية كتبت بواسطة melosoma

عندى كاسيت سيتى ساوند فلاشة وكارت و aux خرجة 7 وات طبعا زى اى كاسيت صينى ومخارجة ورا مفهوش rca فية 8 مداخل بيدخل فيها سلوك السماعات وبيتقفل عليها ببلاستكة زى المسمار كدة المهم الكاسيت دة ينفع يتوصل علية جى ام ولا هيبقى فية مشكلة؟ ولا اجيب كاسيت كينوود فلاشة وبتاع بردة احسن ولا االكاسيت ميقدرش يقوم الجى ام ولا ملوش علاقة بية غير بس ظبطة الاكولايزر هو عاجبنى جدا الكاسيت بس طبعا عاوز اعلى فى الصوت عن اللى بيخرجو والسماعا كينوود
kfc-s6984

ياريت رد شافى من عمالقة المنتدى لانى محتار وخايف احط فلوسى فى كاسيت محسش بالفرق اللى كنت عاوزة وخايف اجيب جى ام الكاسيت ميقدرش يقومة هما 450 جنية هجيب بيهم دة او دة

شوف يا باشا
اهم حاجه فى السوند سيستم هو الهيديونيت او الكاسيت ويليه الجى ام
لان الهيديونيت هو المسؤول الاول عن نقاء الصوت لانه هو اللى بيخرج الصوت وبعد كده بيدخل على الجى ام علشان يقوم بتضخيم الصوت فطبعا الهيد يونيت السيتى سوند نقاء الصوت طبعا مش تمام
غير كده مفيش قوة فى الخرج بتاعه فطبعا الافضل انك تنتظر شويه لحد ما تجمع مبلغ اكبر وتشترى هيديونيت ( كاسيت ) بايونير كويس خارجه بيبقه 50 * 4
وبعد كده تجيب عليه جى ام كينود 720 وات 4 تشانل او سيمفونى 640 وات 4 تشانل كورى علشان لو حبيت تزود سماعات بعد كده
انا بقولك على الرأى الصح علشان مترجعش تغير وتخسر فلوس على الفاضى بعد ما تسمع صوت افضل عند اى حد وتكتشف ان العيب من الكاسيت
يعنى زود كمان 200 جنيه وابدأ بالكاسيت هات بايونير
وبعد كده كل ما يتوفر معاك فلوس هات حاجه ورا حاجه مش شرط كله مع بعض

المشاركة الأصلية كتبت بواسطة caeser

وصلات كل حاجة دلوقت وصلات بس اهم حاااااااااااااااااااااااا ااااااااااااااجة عشان السماعات مش تبوظ

لازم تنسق بين الجي ام والسماعات يمكونو نفس القوة تقريبا

بمعني

لو الجي ام مثلا 500 وات يبقي السماعات 500 اقل حاجة

انا بقول مثلا عشان مافيش واحد يجي يقولي 500 وات دة يكسر الدنيا والازاز

الكلام ده مع احترامى غلط ومش صح
القوة لكل من الجى ام والسماعات بتتقدر بمقدار ال rms بتعاتهم
يعنى عندك السماعات الكينود 400 وات الدبل بيز 80 rms وممكن تشغلها على جى ام 320 وات كينود او 250 وات سيمفونى لان rms بتاع كل حاجه بيختلف عن التانى
يعنى عندك الجى ام السيمفونى 640 وات 4 تشانل بيخرج 110 rms يعنى ممكن يشتغل عادى جدا على السماعات 400 وات وال 500 وات وال 600 وات لان خرج rms لكل سماعه 80 و 90 و 150 فالصح انك تعرف الخرج الفعلى للجى ام علشان تقدر تحكم كويس هل الجى ام ده قوى ولآ لأ
لان فى جى ام بيبقه مكتوب عليه 400 وات زى الريكفورد ويقدر يفرتك صبات 2000 وات
وفى جى ام مكتوب عليه 1000 وات زى السونى وميقدرش يقوم بازوكا
ارجوا انى اكون وصلت المعلومه
اما بالنسبه لانك مستعجل على الجى ام ففعلا ممكن تشغل الجى ام على الموبايل بتاعك لو الموبايل له مدخل لخرج الصوت هتجيب وصله 2*1 وتوصل الاتنين فى الجى ام والواحد فى الموبايل وتشغل الاغانى وخلاص بس الفكره فى نقاء الصوت والاداء الكويس والتحكم والاوبشنز اللى فى الكاسيت
عموما انت ليك حرية الاختيار