ما لا تعرفه عن بريليناس v5

**mo7amedashraf** · 28-05-2014 12:46 PM

فى النهايه

اتصلنا بتوكيل البافاريا والى حدث كالاتى
اولا احب اشكر الاستاذ Nehad Aly
لانه خلانا ناخد بالنا من حجات كتير
البافارياحاليا ليس لها اى دخل بالسياره فى البدايه اول مانزلت كانت تشرف البافاريا على استيرادها لاكن المستثمر الصينى عمل مراكز للبرليانس واصبحت مستقله
اما السياره فاكلها صناعه صينى لكن الموتور ممكن يكون فعلا ترخيص من ميتشوبيشى صناعه صينى والعفشه ممكن تكون تصميم المانى صناعه صينى لكن على كلامه السياره جميله جدا وزادت مبيعاتها

انا كده احترت ايه رائيكم نكمل فى شرائها ولا ايه رائيكم لاننا كنا هنستلم بعد الانتخابات خلال اسبوع يا ريت تفيدونى ؟؟

**ashouhdy** · 28-05-2014 02:57 PM

استاذ محمد اشرف

انا بجد مش عارف بعد كل اللي قريتة حتدفع 160 الف فيها ؟

طب حقولك حاجة هل لو سافرت بيها مع اسرتك شرم او الغردقة مثلا هل حتبقي متطمن وانت سايقها ان مفيش حاجة صيني تضرب من طول المشوار و الحرارة و الحمل و الشنط ؟

والله مش عارف اقولك اية تاني ....

**Sherif Mandoor** · 28-05-2014 03:31 PM

المشاركة الأصلية كتبت بواسطة mo7amedashraf

انا كنت بفكر فى بدائل بس مش لاقى انا بنركب دائما الفه الsuv ومعايزين نغير لزيرو بس غير الداستر؟؟؟
مفيش خالص
الى طمنى ان الراجل الى كلمناه من بافاريا ومع انه مع البى ام طبعا وبيقول انها عربيه ممتازه غير ان خط سيرها هو هو خط سير البى ام x1 وفعلا بان كده فى تقفيلها الممتاز عن بقية السيارات الصينيه ومع ناس من 2012 ومش بيشتكوا غير 1 او 2 من شوف كام واحد اشترى العربيه حتى الان ده الى انا شايفه ولا ايه ؟

للامانه السياره مع زميلى فى العمل وعايز يبيعها بعد شهرين من شرائها

**Hossam_Zaky** · 28-05-2014 11:09 PM

معلش انا قلت كل اللي عندي في مشاركتي السابقة لكن
مع اني معجب جدا بال v5 وقد اشتريها واتقبل ظهور او عدم ظهور بعض عيوب التصنيع و هو شئ وارد مع كل العربيات الزير لكن نسبة الخاطرة في الصيني تكون اعلي بحكم حداثة دخولهم المجال
لكن يستوقفني مقولة ان خط تصنيع ال v5 هوه خط تصنيع x1
بدون الرجوع ﻷي مصادر احب اقول ان مش ممكن بي ام دبليو تقبل انتاج اي موديل لا يحمل علامتها علي خط الانتاج الخاص بها
ده كلام توكيلات بدون اي سند و اعتقد اني متفق في الرأي مع كل السادة الافاضل اللي شاركو بالراي بالتاكيد علي ان سيارات بريليانس ليس لهغ علاقة مباشرة مع بي ام دبليو سوي ان شركة بريليانس لها مصنع مشترك مع بي ام دبليو لتصنيع سيارات بي ام دبليو فقط و موديلات من بي ام دبليو مخصوصة للصين مثل الفئة الثالثة بقاعدة عجلات طويلة
و شركة بريليانس لها مصنع لتصنيع السيارات الحانلة لماركة بريليانس بدون شراكة بي ام دبليو مع انها تستوحي تصميماتها من بي ام دبليو و تستعين بمصممين ايطاليين مثل جيوجارو لتصميم الشكل الخارجي لبعض موديلاتها مثل الfrv
برجاء عدم التركيز مع كلام الوكلاء و الموزعين اللي غالبا بيتكلمو عشان سمعو المعلومة برضه من حد تاني فمعندوش مشاكل يحلف ان كلامه صحيح
محدش فيهم سافر الصين و شاف بعينه خط انتاج عليه عربية بي ام دبليو و وراها عربية بريليانس ؟؟؟؟

**Hossam_Zaky** · 28-05-2014 11:15 PM

معلش برضه معلومة اخيرة
بريليانس ليس افضل شركة عربيات في الصين لكنها تحاول التميز و تحاول كسب سمعة ان عربياتها راقية
افضل ماركة سيارات في الصين من حيث الجودة و ليس كم المبيعات اسمها كوروس و هي من الشركات التي دخلت اوروبا من بداية انتاجها للسيارات و هي شركة حديثة وليست قديمة

**smsm159753** · 30-05-2014 01:01 AM

المشاركة الأصلية كتبت بواسطة Sherif Mandoor

العربيه 2014 العيب فى العفشه الاماميه بيسمع خبط جامد فى المطبات وراح يكشف عليها قالو مفيهاش خاحه هى كده ولو عايز يعدى عربيه ماتسعقوش يحيب دواسه البنزين للاخر ولا كان الكراسى زى مايكون جالس على كرسى خشب

معلش حضرتك بتتكلم عن v5

اصل العكس تمامااااااااااااااااا معاي
انا موديل 2013 v5

العفشة ناعمة جدا ومن ساعة ما جبتها مش حكت في اي مطب ( بقالي سنة ونص) حتي وانا محملها علي الاخر اشخاص وفي الشنطة كمان وبمشي في ارياف كتير كمان

بالنسبة للتسارع شوف موضوعي من 0-100 تقريبا 14 ث بسواقتي انا وكمان علي طريق ريفي جدااااااا