الموضوع: شيري a11 عربية زبالة

يعلم الله اني بقول الكلام ده عشان بحبكم فى الله ومش بعقد حد من العربية دي لكن فعلا عربية زبالة كل يوم مشاكل مشاكل حاجة تفقع المرارة ... بقيت عامل زي سمير غانم فى المتزوجون تظبط الجاكتة تلاقي البنطلون يفرقع .... اعمل العفشة الاقي البيجوهات اعمل البيجوهات الاقي الطلمبة اعمل الطلمبة الاقي البنزين اعمل البنزين الاقي ..... الخ ... حاجة تفقع المرارة فعلا ... هو انا جايب العربية عشان استريح ولا الف بيها الحرفيين .... وطبعا هلاقي حد يقولي طب كنت اسنظف وانت بتشتري النوع شيري ... هقولك نفس المشاكل واحدة فى كل النوع والى مش مصدق يجيب موضوعات قسم الشيري هنلاقي نفس المشاكل ونفس بلاعة المشاكل الى مش بتخلص ... يوم اما اخلص من العربية الزبالة دي هيكتبلي عمر جديد

مع احترامي لصاحب الموضوع وانا لا اشك في انه ناصح امين إلا اني اختلف معاه ما عدا شيء واحد اتفق معك فيه ان كهرباء السياره مشكله تحتاج لمحترف وليس شخص كهربائي كويس (محترف)يعشق الكهرباء ويكون اشتغل فيها كتير ومش مره إذا حققت المعادله دي تبقى السياره جميله جدا طبعا بقارنها بمثيلاتها (ماديا) سياره لها حلول (عفشه موتور -ابواب زجاج ....الخ) كل ده له بدائل من ماركات اخرى ورخيصه ما عدا الضفيره وانا شخصيا عمرها ما كسفتني في مشوار او سفر صح هي مش بتسحب اوي يعني 120حلو اوي بس احسن في سحبها من اللادا والشاهين لكن ممكن حضرتك تكون مشكلتك في الصنايعيه اللي بيبدأوا غلط وبيوجهوك غلط تماما زي اتبهدلت اخر بهدله ما بين مصر واسكندريه مرات علشان مشكلة الكهرباء دي بس عارف ان العربيه دي مظلومه وهي الافضل في فئتها برغم كونها صيني