الموضوع: بيجو 301 ولا شيفروليه كروز 2014 ؟؟؟؟؟؟

استخير ربنا وشوف انت مرتاح لايه والكروز القديمه كانت جميله لما كانت بماتور الاوبترا الجديده الله اعلم ومركبتهاش
بس حكايه السحب دى ما اتوقعش انها تكون عاليه ف الكروز عشان بيتهيقلى كبيره ع الماتور والله اعلم
وانت بالنسبالك الفرصه كانت احسن منى عشان انت ركبت البيجو قبل ما تجيبها فـ شوف اللى ترتاحله بس منصور شيفورلية زباله :)) عشان تبقى عارف بس ... توكيل مرغم كله بيتشكر فيه والله اعلم برضوا وللمره التانيه صلى استخاره قبل ما تاخد اى قراار :))
وابقى كلمنى وقولى عملت اية ;))

كروز طبعا

المشاركة الأصلية كتبت بواسطة moustafa nabih

ابو هند باشا
على فكرة انت من الناس اللى حببتنى فى البيجو 301
بس انا خايف اجيب الكروز ينزل الشكل الجديد 2015 يضيع ال 2014 والله اعلم
مع انى سمعت ان 2015 صينى زى النيو اوبترا
وهصلى استحارة ان شاء الله وربنا يسهل الحال يارب
بس البيجو عامله معاك ايه يا كبير ؟؟

تخوفك في محله
و ممكن جدا يكونوا بينشروا [gdwl]إشاعة[/gdwl] زيادة السعر عشان يبيعوا الشكل القديم قبل نزول الجديد
صلي إستخارة و الخيرة في ما أختاره الله

البيجو حتى الآن كويسة جداً
الفتيس المانيوال مفيهوش مشاكل
قعدتها مريحة
سواقتها ممتعة
إتعودت على أبعادها
التكييف آداءه مرضي جداً
السحب بيتأثر لو عليت سرعة مروحة التكييف ل3...لكن 1 و 2 مفيش مشاكل
طلعتها مش خفيفة زي الكوري لكن بعد ال60 كيلو العربية بتفتح و تجمع بسرعة
الخامات جيدة جداً و التقفيل محترم
ده الجانب المشرق



خد عندك بقى الجانب المظلم
المشكلة المعروفة للتيل بدأت أعراضها تظهر و الطاسات مليانة بودرة سوداء بعد 1000 كيلو فقط
لا يوجد كفر للكنترول و عند حجز الصيانة سألت هل هيركب في الصيانة و لا لأ....و للأسف كان الجواب لأ
سألت عن إمكانية شراؤه (تخيل بتشتري عربيتك)...قالي أسأل المركز هل متوفر عندهم و لا لأ و أداني نمرة بيجو مرغم

البيجو صفقة رابحة للأستعمال العادي و الخفيف
لكن الأستعمال العالي....أظن مصاريف التشغيل تخليها إختيار سئ