الموضوع: تجربتي في السواقه علي عربيتي ,, ياريت تساعدوني

السلام عليكم ورحمه الله وبركاته
ياريت ياجماعه تفيدوني لاني منزعجه جداااااااااا من الموضوع دا
انا الحمدلله جبت العربيه اول امبارح ونزلت بيها امبارح
انا روحت مدرسه سواقه قبل ما اشتري العربيه لاني بدور علي عربيه يوزد بقالي 5 شهور
المهم عامله الرخصه يوم 2/1
والكورس كان قبلها ومشيت كويس جدا في جسر السويس وصلاح سالم وطريق اسماعليه الصحراوي وطلعت كباري وركنت وكله زي الفل والمدرب كان مبسوط مني لاني مشيت في جسر السويس من اول حصه
لما جبت العربيه بقي قلبت علي بطه بلدي
رجعت خايفه ومرعوبه وبتلخبط
اولا خوفا علي العربيه لاني حطيت كل فلوسي فيها وثانيا خوف من الي حواليا
اول يوم متحركتش بيها نهائي ناسيه كل حاجه حتي كان عندي مشوار سبت العربيه تحت البيت وروحت بتاكسي
امبارح نزلت بيها وطلعت تمام اوووي ومشيت في شارع ضيق ورجعت بظهري وعديت مطبات وكله تمام
كنت ماشيه في اليمين وعربيات جايه جمبي شمال عادي
اول ما لاقيت عربيات جايه عكس مقدرتش اتحرك وقفت مكاني وخفت جداااااااااا
نزلت تاني بليل مع بابا مع العلم ان الكورس كله كان بليل ماعدا حصه الركنه
فا انا متعوده علي سواقه بليل عادي
لما نزلنا النور كان مقطوع والعربيه معرفش الفوانيس مرديتش تشتغل مع انها شغاله
طبعا رعب السنين
وبابا لانه بيسوق بقاله 40 سنه ومعندوش اي صبر ولا طولت بال لخبطني جداااااااااا لدرجه اني قولتله تعالي سوق انت ونزلت
انا من ساعه ما جبت العربيه ممشتش بيها ساعه علي بعضها ومخرجتش علي طرق خالص كله داخل المنطقه الي انا ساكنه فيها بس
خوف ورعب مش عارفه اتخطي حاجز الخوف دا تاني ازاي
والحمدلله كنت بسوق كويس ايام الكورس ومشيت علي طرق صعبه ومكنتش خايفه يمكن لان معايه المدرب
واكيد مش جايبه العربيه اركنها تحت البيت واروح شغلي بتاكسي ياريت الافاده لان الموضوع دا خانقني جداااااااااااااا
الحاجه الثانيه عاوزه اعرف ايه الحاجات الي مفروض اظبطها في العربيه بما ان العربيه يوزد
هي الحمدلله عربيه نظيفه جدااااااااااااا بس الشاب الي كانت معاه ممهل في حاجات تافهه بس طبعا بتأثر زي فيوزات غيرتها وكام لمبه اتحرقت فجاءه وقالي الكهربائي دي كتاوت وجبتها وهغيرها انهارده
اتقلي غيري فلاتر بس معرفش ايه فلاتر دي ولا وظيفتها ايه ولا اروح لمين يعني الفلاتر دي بتاعت الميكانيكي ولا الكهربائي
وياريت حد يقولي علي حد بتاع تكييفات كويس لان التكييف عاوز يتشحن يكون قريب من مصر الجديده او جسر السويس
وجزاكم الله خيرا ومعلش طلباتي كتير