المشاركة الأصلية كتبت بواسطة mastr_n
فخور وبحمد ربنا انى دخلت جيش
بجد مش ندمان خالص واتعرضت لتريقة فى رمسيس مانسهاش لحد دلوقتى طبعا كنت لسة طالع من الجامعة 2002 وكنت شايف نفسى حبيتين ولبس بقى على الموضة بناطيل كونز وريفل مش هايعرف الكلام دة الا الى سنة 30 وانت طالع المهم واحنا جوة رمسيس مستنين القطر الحربى رايحين معسكر الاستقبال واحد روش بيقولى الساعة كام يادفعة بصيتلة كدة وقولتلة دفعة؟؟؟؟؟؟؟؟؟؟
راح ضاحك وقالى امال اقولك لواء هههههههههههههههههههههه اما نمرة بصحيح طبعا موقف قفلنى من اولها
المهم فى ناس بتقولك انا مادخلتش جيش انا شوفتة فيديو اهو انا بقى كنت فى الفيديو
كنت اول خط دفاع يعنى اول مادخلت الوحدة صف الظابط قالنا انتو مهمتكوا تعطيل العدو 5 دقايق انت كدة كدة ميت ههههههههههههه مش عايز اقولك شعورى كان عامل ازاى
واللة احلى ايام اتعلمت فيها اللى عمرى ماكنت هاتعلمة لو عشت عمرين على عمرى
احلى صحبة واحلى ضحك فى حياتى
عايز احكيلك من كتر التقشف اللى كنا فية واللة الكلاب كانت بتاكل حلاوة ميرى تخيل بقى
حكايات وزكريات لو قعدت احكى عليها مش هايكفينى اسبوع
اتعلمت الصبر واتعلمت ابص فى وش البنى ادم اعرف اولة من اخرة
دخلت مشروع حرب واللى دخل الجيش هايعرف يعنى اية مشروع حرب
طول مدة خدمتك تبقى كارة اليوم اللى اتولدت فية بس لما تطلع بتقول كانت ايام حلوة
للاسف زمانا غيركوا وجيلنا مختلف تماما عن الجيل دة