الموضوع: الفرامل بتقفش بعد تغيير الماستر العمومي

المشاركة الأصلية كتبت بواسطة TTaMMeRR

السلام عليكم ورحمة الله وبركاته
مشكلة
أنا عندي تويوتا ميكروباص موديل 94 الفرامل عندي كانت بتهرب مرة واحدة والعربية اتخبطت والحمد لله جت سليمة
المهم رحت للميكانيكي قاللي هتغير الماستر العمومي علشان لو جبتله طقم إصلاح هيشتغل شوية وبعدين شكراً
انا ما أقتنعتش بالكلام ده ورحت للميكانيكي التاني (عندي تلاتة ميكانيكية) قاللى هنفك الماستر ونشوف الاول المهم فك الماستر لقاه فعلاً محتاج طقم إصلاح قاللي نجيب طقم إصلاح وخلاص لكن انا باخاف قلتله نجيب ماستر غيره احسن وجبنا الماستر استيراد اغلي من الجديد وركبناه وطبعاً انا كان عندي فرامل بس كانت بتهرب الراجل قاللى اطلع جرب الفرامل وجربت وكانت تمام بس بعد ما مشيت من عنده الفرامل الأمامية قفشت وأتصلت ببيه وجاللى فخد هواء من العجل الامامي وفكت وقاللي هيه كده تمام دلوقتي انا عاوز اعرف ليه قفشت علماً بان الماستر الجديد تمام والفرامل تمام بس مشكلة الفرامل الأمامسة كل شوية تقفش أو تبقي محملة وتفك يعني مش على طول وطبعاً الطنابير تسخن وأضطر أستني لغاية ما تبرد
و فى أتصال مع صديق فاهم اخبرني انه كان يجب وضع القليل من زيت الموتور داخل الماستر العمومي قبل التركيب وذلك لتليينه وهذا لم يتم وقال لى ان هذا يمكن ان يكون السبب فى العطل
فى أنتظار رائ الخبراء
وشكراً

أنا مش خبير بس انا قبل كده شفت مشكله زي دي في هوندا سيفيك و كانت المشكلة إن زور الماستر الجديد ساقط بزياده في عمة السيرفو ، و اتحلت بتركيب وردتين على الزور علشان يرحلو الماستر لقدام شوية .

تحياتي.

المشاركة الأصلية كتبت بواسطة MotorX

أنا مش خبير بس انا قبل كده شفت مشكله زي دي في هوندا سيفيك و كانت المشكلة إن زور الماستر الجديد ساقط بزياده في عمة السيرفو ، و اتحلت بتركيب وردتين على الزور علشان يرحلو الماستر لقدام شوية .

تحياتي.

شكراً لك أخي الفاضل على المرور والمشاركة
ولكن لو كان هذا هو السبب وقد فكرنا فيه بالفعل فى هذه الحالة هل الفرامل كلها امامية وخلفية سيكون بها مشكلة أم الأمامية فقط علماً بأن المشكلة لم تحل حتي الآن .
فى انتظار رأى الخبراء

السلام عليكم ورحمة الله وبركاته
شكراً لك أخي الكريم أحمد على المرور والمشاركة وأنت تقصد العامود الخارج من السيرفو او صباع السيرفو كما هو متداول عنه ولكن سؤالى هو لو كانت المشكلة تحميل من السيرفو كما اشار الاخ MotorX أو كما اشرت أنت ولكن بشكل آخر ألن تكون المشكلة فى الفرامل عموما خلفي وامامي أم ستكون المشكلة فى الفرامل الأمامية فقط ونقطة أخري لو كان هذا العامود أو الصباع محمل او يحتاج إلى رجلاش ستكون المشكلة دائمة لحين عمل اللازم ولكن العطل الموجود يأتي ويذهب وهذا دليل على أن هذا الخلل بعيد عن السيرفو لأن السيرفو يعمل بكفاءة ولا اعاني منه أطلاقاً
آسف على الاطالة وفى انتظار رأى الاخوة

السلام عليكم ورحمة الله وبركاته
صديق فاهم أكتر مني قاللي أشوف يمكن يكون الميكانيكي غير مكان المواسير وقاللي أقلب المواسير علشان اتاكد إن كانت المشكلة من الماستر الجديد واللا من حاجة تانية
وبالنسبة لموضوع الزيت ده هل فعلاً لازم الواحد يحط فى الماستر زيت موتور
وكمان سوستة الأسطوانة الداخلية بالماستر فيها رجلاش هل ممكن يكون هوه ده السبب
برجاء من الاخوة الخبراء الرد
وشكرا للاخ احمد على التواصل

المشاركة الأصلية كتبت بواسطة AHMEDCAR

حصلت عندى و كانت فرده واحده اللى بتقفش و لما رجلشت صباع السيرفو كل حاجه بقت تمام

فعلا العربية إللي كان فيها المشكلة دي ، كان التيل الأمامي بس إللي بيقفش وبشكل متقطع على فترات متقاربة جدا وبعد تركيب الوردات ((او الرجلاش)) اتحلت المشكلة.

تحياتي.